ഡിസ്കവറി ഇന്ത്യ പുതിയ രൂപത്തിലുള്ള ഡിസ്കവറി സ്കൂൾ സൂപ്പർ ലീഗ് സീസൺ 5-ന്റെ ഓഡിഷനുകൾ പ്രഖ്യാപിച്ചു
● വിമർശനാത്മക ചിന്ത, അഭിരുചി, പൊതുവിജ്ഞാനം എന്നിവയെ അടിസ്ഥാനമാക്കി നടത്തുന്ന, ഇന്ത്യയിലെ ഏറ്റവും വലിയ സ്കൂൾ ക്വിസ്, 2000-ലധികം നഗരങ്ങളിലായി 10 ദശലക്ഷം വിദ്യാർത്ഥികളെ ലക്ഷ്യമിട്ട് എല്ലാ സ്കൂളുകളിലും വീട്ടിലും വിദ്യാഭ്യാസവും വിനോദവും എത്തിക്കുന്നതിനുള്ള ഒരു ഹൈബ്രിഡ് മാതൃകയുമായി ഉടന് എത്തുന്നു
● ആരോഗ്യകരമായ മത്സരം പ്രോത്സാഹിപ്പിക്കുന്നതിനും വിദ്യാഭ്യാസത്തിൽ നവീകരണത്തെ പ്രോത്സാഹിപ്പിക്കുന്നതിനും സീസൺ 5 ഊന്നൽ നൽകുന്നു.
Followമുംബൈ : ഇന്ത്യയിലെ പ്രമുഖ ഇൻഫോടെയ്ൻമെന്റ് ചാനൽ ആയ ഡിസ്കവറി ചാനൽ, ഇന്ത്യയിലെ ഏറ്റവും വലുതും ഏറെ പ്രതീക്ഷയോടെ കാത്തിരിക്കുന്നതുമായ ക്വിസ് ഷോകളിലൊന്നായ ഡിസ്കവറി സ്കൂൾ സൂപ്പർ ലീഗിന്റെ അഞ്ചാം സീസണിന് തുടക്കം കുറിച്ചു. ഏറ്റവും പുതിയ സീസണിൽ ദേശീയതല സ്കൂൾ ക്വിസിന്റെ അണിയറ പ്രവർത്തനങ്ങൾ ആരംഭിച്ചു. 'പഠിച്ച് മനസ്സിലാക്കൂ, മനസ്സിലാക്കി ജയിക്കൂ’എന്ന മുദ്രാവാക്യത്തോടെ, 2000+ നഗരങ്ങളിലായി 10 ദശലക്ഷം വിദ്യാർത്ഥികളെ ഈ പുതിയ ഹൈബ്രിഡ് ഫോർമാറ്റ് ലക്ഷ്യമിടുന്നു.
സീസൺ 4-ലെ ഡിസ്കവറി സ്കൂൾ സൂപ്പർ ലീഗിന്റെ അഭൂതപൂർവമായ വിജയത്തിന്റെ അടിസ്ഥാനത്തിൽ ഡിസ്കവറി ചാനൽ, ഇന്ത്യയിലെ ഏറ്റവും വലിയ എഡ്-ടെക് കമ്പനിയും സ്കൂൾ ലേണിംഗ് ആപ്പുമായ ബൈജൂസുമായി സഹകരിച്ചാണ് ഈ പരിപാടി അവതരിപ്പിക്കുന്നത്. വിമർശനാത്മക ചിന്ത, അഭിരുചി, പൊതുവിജ്ഞാനം എന്നിവ അടിസ്ഥാനമാക്കിയുള്ള ഈ പ്രശ്നോത്തരി വിദ്യാർത്ഥികൾക്ക് ദേശീയ തലത്തിൽ മത്സരിക്കാനും അവർക്കും അവരുടെ സ്കൂളിനും അംഗീകാരങ്ങൾ നേടുന്നതിനും സവിശേഷമായ ഒരു പ്ലാറ്റ്ഫോം നൽകും. വിദ്യാർത്ഥികൾക്കിടയിൽ ആരോഗ്യകരമായ മത്സരം വളർത്തുകയും അവർക്ക് ആകർഷകമായ രീതിയിൽ അറിവ് നൽകുകയും ചെയ്യുക എന്നതാണ് ഈ പ്രോഗ്രാം കൊണ്ട് ലക്ഷ്യമിടുന്നത്.
“ഡിസ്കവറി സ്കൂൾ സൂപ്പർ ലീഗിന് ലഭിച്ച ഊഷ്മളതയും പ്രതികരണവും അവിശ്വസനീയവും ഒപ്പം ആഹ്ലാദകരവുമാണ്. വിദ്യാർത്ഥികളും സ്കൂളുകളും വർഷം മുഴുവൻ DSSL-നായി കാത്തിരിക്കുന്നു, അത് തന്നെ ഒരു നേട്ടമാണ്, ഓരോ സീസണിലും പുതിയ ആശയങ്ങളുമായി തിരിച്ചുവരാൻ ഞങ്ങളെ ഇത് പ്രചോദിപ്പിക്കുന്നു. നൂതനവും ആകർഷകവുമായ രൂപത്തിൽ അവതരിപ്പിച്ചാൽ പഠനവും വിനോദവും കൈകോർത്ത് പോകുമെന്ന് ഡിസ്കവറിയിലെ ഞങ്ങൾ വിശ്വസിക്കുന്നു. വാർണർ ബ്രദേഴ്സ് ഡിസ്കവറി, സൗത്ത് ഏഷ്യ ആഡ് സെയിൽസ് മേധാവി തനാസ് മേത്ത പറഞ്ഞു.
മത്സരത്തിനുള്ള താഴെതട്ടിലുള്ള പ്രവർത്തനങ്ങൾ ആരംഭിച്ചിരിക്കുന്നതിനാൽ, വിദ്യാർത്ഥികൾക്ക് അവരുടെ സ്കൂളുകളിൽ സൗജന്യമായി പ്രാഥമിക റൗണ്ടിൽ പങ്കെടുക്കാം. ജയിച്ചാലും തോറ്റാലും പങ്കെടുക്കുന്ന എല്ലാവർക്കും സൗജന്യ BYJU'S കോഴ്സുകൾ, BYJU'S ട്യൂഷൻ സെന്ററിന്റെ (BTC) ക്ലാസുകൾ പോലുള്ള പുരസ്കാരങ്ങൾ ലഭിക്കും. കൂടാതെ, ഓരോ ഗ്രേഡ് ടോപ്പർക്കും ഒരു സ്കൂൾ ബാഗും BTC-യിൽ 1-ടു-1 സംഭാഷണത്തിനുള്ള അഭിരുചി പരീക്ഷയുടെ വിശദമായ വിശകലനവും ലഭിക്കും. പ്രശ്നോത്തരിയുടെ കർശനമായ റൗണ്ടുകളിലൂടെ കടന്നുപോയ ശേഷം, സംസ്ഥാന റൗണ്ടിലേക്കുള്ള യോഗ്യതാ മത്സരാർത്ഥികളെ തിരഞ്ഞെടുക്കും, അത് അവരുടെ അടുത്തുള്ള ബിടിസിയിൽ ആയിരിക്കും നടക്കുന്നത്.
മികച്ച മൂന്ന് ടീമുകൾക്കും അവരുടെ സ്കൂൾ പ്രിൻസിപ്പൽമാർക്കും നാസയിലേക്ക് എല്ലാ ചെലവുകളും സഹിതം ഒരു യാത്ര പോകാനുള്ള ജീവിതത്തിൽ ഒരിക്കൽ മാത്രം ലഭിക്കുന്ന അവസരം ലഭിക്കും. കൂടാതെ, ഡിസ്കവറി നെറ്റ്വർക്കിൽ പ്രത്യക്ഷപ്പെടുന്നതിന് മികച്ച മൂന്ന് ടീമുകൾക്ക് ഉദാരമായ ക്യാഷ് പ്രൈസും ദേശീയ അംഗീകാരവും ലഭിക്കും.
പഠനത്തിനും വിനോദത്തിനുമുള്ള ഒരു വണ് സ്റ്റോപ്പ് ലക്ഷ്യസ്ഥാനമായതിനാൽ, ഡിസ്കവറി ഇന്ത്യ, വിദ്യാഭ്യാസ സിനിമകൾ, ക്വിസുകൾ, യാത്രകൾ എന്നിവയിലൂടെ അവരുടെ അറിവ് വികസിപ്പിക്കാനും എക്സ്ക്ലൂസീവ് സർട്ടിഫിക്കറ്റുകൾ, സ്കോളർഷിപ്പുകൾ, പുരസ്കാരങ്ങൾ എന്നിവ സ്വീകരിക്കാനും വിദ്യാർത്ഥികളെ പ്രാപ്തമാക്കുന്നു. വിദ്യാർത്ഥികൾക്കും അധ്യാപകർക്കും ഇടയിൽ ആരോഗ്യകരമായ മത്സരത്തിന്റെയും പഠനത്തിന്റെയും മനോഭാവം വളർത്തിയെടുക്കുന്ന ഡിസ്കവറി സ്കൂൾ സൂപ്പർ ലീഗ് യുവമനസ്സുകളുടെ വികാസത്തിന് ഉതകുന്ന വിദ്യാഭ്യാസത്തിന്റെ ഒരു പുതിയ മാതൃക മുന്നോട്ടു വയ്ക്കുന്നു.
