മോശം പ്രകടനം നടത്തി ഓട്ടോ സൂചിക: കൊവിഡ് പ്രതിസന്ധികളിൽ വാഹന വില ഉയരുന്നു; രണ്ടാം തരംഗ ആശങ്കയിൽ വ്യവസായം
കഴിഞ്ഞ മൂന്ന് മാസത്തിനിടെ സെൻസെക്സിലെ രണ്ട് ശതമാനം ഇടിവിനെ അപേക്ഷിച്ച് ഓട്ടോ സൂചിക ഒമ്പത് ശതമാനം ഇടിഞ്ഞു.
 )
Followദുർബലമായ ചില്ലറ വിൽപ്പന, കമ്മോഡിറ്റി നിരക്കിലെ വർധന, വിതരണ ശൃംഖലയിലെ തടസ്സങ്ങൾ എന്നിവ ഉൾപ്പെടെ ഒന്നിലധികം പ്രതിസന്ധികളെ തുടർന്ന് ബി എസ് ഇ ഓട്ടോ സൂചിക കഴിഞ്ഞ മൂന്ന് മാസമായി മോശം പ്രകടനമാണ് നടത്തിവരുന്നത്. കഴിഞ്ഞ മൂന്ന് മാസത്തിനിടെ സെൻസെക്സിലെ രണ്ട് ശതമാനം ഇടിവിനെ അപേക്ഷിച്ച് ഓട്ടോ സൂചിക ഒമ്പത് ശതമാനം ഇടിഞ്ഞു. ഇത് ഓട്ടോ മോട്ടീവ് വിപണിയെ തന്നെ മെല്ലപ്പോക്കിന് പ്രേരിപ്പിച്ചു.
ഒരു വർഷത്തെ ഫോർവേഡ് പ്രൈസ് - വരുമാന അനുപാതം ജനുവരി മുതൽ 18 ശതമാനം കൂടുതലാണ്. സമ്മർദ്ദ സൃഷ്ടിക്ക് ഇടയാക്കിയ വിഷയങ്ങൾ ഇനിയും തുടരാനാണ് സാധ്യതയെന്ന് മിക്ക വിശകലന വിദഗ്ധരും വിശ്വസിക്കുന്നു.
“കൊവിഡിന്റെ രണ്ടാം തരംഗ ഫലമായി ഉടലെടുത്ത സാമ്പത്തിക മാന്ദ്യം കാരണം, ഒന്നര മാസത്തിലേറെയായി ഈ മേഖല നേരിടുന്ന പ്രശ്നങ്ങൾ (ഡിമാൻഡ് സംബന്ധിച്ച ദുരിതങ്ങൾ) മെയ് വരെ തുടരുമെന്ന് പ്രതീക്ഷിക്കുന്നു. അതുപോലെ. മറുവശത്ത്, ഉയർന്ന കമ്മോഡിറ്റി നിരക്കും മറ്റ് പണപ്പെരുപ്പ സാഹചര്യവും ഈ കമ്പനികളുടെ പ്രവർത്തന മാർജിനുകളെ FY22 ജൂൺ പാദത്തിലും അതിനുശേഷവും ബാധിക്കും.” റിലയൻസ് സെക്യൂരിറ്റീസിലെ ഗവേഷണ മേധാവി മിതുൽ ഷാ പറയുന്നു.
പ്രതീക്ഷയായി ട്രാക്ടർ വിപണി
പ്രധാന നിർമാണ സമഗ്രികളായ ഉരുക്ക്, അലുമിനിയം, ചെമ്പ്, പ്രകൃതിദത്ത റബ്ബർ, വിലയേറിയ ലോഹങ്ങൾ എന്നിവയുടെ നിരക്ക് കെവിഡ് പ്രതിസന്ധികളെ തുടർന്ന് ഉയരുകയാണ്. ചെലവ് വർധനയെ നേരിടാൻ ഡിസംബർ, മാർച്ച് പാദങ്ങളിൽ വാഹന കമ്പനികൾ ഉൽപ്പന്നങ്ങളു‌ടെ വില ഉയർത്തി, ഏപ്രിൽ ഒന്ന് മുതൽ ഏറ്റവും പുതിയ വർധനവും അവർ പ്രഖ്യാപിച്ചു. എങ്കിലും, ഈ വർദ്ധനവ് ചെലവുകളുടെ വർദ്ധനവ് നികത്താൻ പര്യാപ്തമല്ല, മാത്രമല്ല ഇത് കൂടുതൽ വിൽപ്പന ഇടിവിന് കാരണമാവുകയും ചെയ്യും. നടപ്പ് സാമ്പത്തിക വർഷത്തിന്റെ ആദ്യ പകുതിയിൽ വർധിച്ചുവരുന്നു സമ്മർദ്ദത്തെക്കുറിച്ചുള്ള മാനേജ്മെൻറ് വ്യാഖ്യാനം വരുമാന മാന്ദ്യത്തിലേക്ക് നയിച്ചേക്കാമെന്നും ഐ എഫ് എൽ സെക്യൂരിറ്റീസിലെ അനലിസ്റ്റുകൾ വിശ്വസിക്കുന്നു.
മറ്റ് വിഭാഗങ്ങളിൽ, ട്രാക്ടറുകൾ, ഓട്ടോ കയറ്റുമതി, റീപ്ലേസ്മെന്റ് വിപണി എന്നിവ കൂടുതൽ ഊർജ്ജസ്വലമാകുമെന്ന് പ്രതീക്ഷിക്കുന്നു, ഉയർന്ന ഗ്രാമീണ ആവശ്യകത, കയറ്റുമതി രംഗം കൊവിഡ് സ്ഥിതിയിൽ നിന്ന് മെച്ചപ്പെട്ടത്, വാഹന ഭാഗങ്ങളുടെ സ്ഥിരമായ ആവശ്യം, റീപ്ലേസ്മെന്റ് വിപണിയിലെ പുരോഗതി എന്നിവയാണ് പ്രതീക്ഷയ്ക്ക് കാരണം. ബാറ്ററികൾ (അമര രാജ / എക്സൈഡ്) മുന്നേറ്റം പ്രകടമാക്കുന്ന ഒരേയൊരു സെഗ്മെന്റായി മാറുന്നു, ഇവയിൽ വാർഷിക അടിസ്ഥാനത്തിൽ പുരോഗതി റിപ്പോർട്ട് ചെയ്യും എന്നാണ് കണക്കാക്കുന്നത്.
