സിഗ്നലിലെ ഇന്നോവ കാറില്‍ പിന്നാലെ വന്ന കാറിടിച്ചു; മുന്നിലെ ടാങ്കർ ലോറിയിലിടിച്ച് ഇന്നോവ; 7 പേര്‍ക്ക് പരിക്ക്
പാലക്കാട്-കോയമ്പത്തൂർ ദേശീയപാതയിൽ കാറുകൾ കൂട്ടിയിടിച്ച് അപകടം. 7 പേർക്ക് പരിക്കേറ്റു.
Followപാലക്കാട്: പാലക്കാട്-കോയമ്പത്തൂർ ദേശീയപാതയിൽ കാറുകൾ കൂട്ടിയിടിച്ച് അപകടം. 7 പേർക്ക് പരിക്കേറ്റു. സിഗനലിൽ നിർത്തിയിട്ട ഇന്നോവ കാറിലേക്ക് മറ്റൊരു കാർ ഇടിച്ചുകയറുകയായിരുന്നു. ഉച്ചയ്ക്ക് 12മണിയോടെ പുതുശ്ശേരി പഞ്ചായത്ത് ഓഫീസിന് സമീപമായിരുന്നു അപകടം. സിഗ്നലിൽ നിർത്തിയിട്ടിരുന്ന ഇന്നോവ കാറിലേക്ക് കോയമ്പത്തൂരിലേക്ക് പോവുകയായിരുന്ന കാറാണ് ഇടിച്ചു കയറിയത് ഈ കാർ സിഗ്നലിൽ നിർത്തിയിട്ടിരുന്ന മുന്നിലെ ടാങ്കർ ലോറിയിലും ഇടിച്ചായിരുന്നു അപകടം. ഇരുകാറുകളിലുമുണ്ടായിരുന്ന ഏഴു പേർക്കാണ് പരിക്കേറ്റത്. ഇവരുടെ പരിക്ക് ഗുരുതരമല്ല. കോയമ്പത്തൂരിലേക്ക് പോവുകയായിരുന്ന കാർ വേഗത്തിലായിരുന്നു. ഇതിനിടയിൽ സിഗ്നലിൽ വാഹനങ്ങൾ നിർത്തിയത് കണ്ടെങ്കിലും ബ്രേക്ക് കിട്ടിയില്ല. ഇതാണ് അപകടമുണ്ടാകാൻ കാരണം.
