പാചക വാതക ലോറി ബുള്ളറ്റിലിടിച്ചു, കാലിൽ ടയർ കയറി യുവാവിന് ഗുരുതര പരിക്ക്; ഡ്രൈവര്‍ ഓടി രക്ഷപ്പെട്ടു
കൊയിലാണ്ടി കൊല്ലത്ത് ടാങ്കര്‍ ലോറി ബൈക്കില്‍ ഇടിച്ച് യുവാവിന് ഗുരുതര പരിക്ക്. ലോറി ഉപേക്ഷിച്ച് ഓടി രക്ഷപ്പെട്ട് പാചക വാതക ടാങ്കർ ലോറി ഡ്രൈവർ
 )
Followകോഴിക്കോട്: ടാങ്കര്‍ ലോറി ബൈക്കില്‍ ഇടിച്ച് യുവാവിന് ഗുരുതര പരിക്ക്. കൊയിലാണ്ടി കൊല്ലത്ത് കഴിഞ്ഞ ദിവസം രാത്രി ഒന്‍പതോടെയാണ് അപകടം നടന്നത്. കൊല്ലത്തെ വില്ലേജ് ഓഫീസിന് സമീപത്തുവെച്ച് യുവാവ് സഞ്ചരിച്ച എന്‍ഫീല്‍ഡ് ബുള്ളറ്റില്‍ കര്‍ണാടക രജിസ്‌ട്രേഷനിലുള്ള ഇന്‍ഡേന്‍ കമ്പനിയുടെ പാചക വാതകവുമായി വന്ന ടാങ്കര്‍ ലോറി ഇടിക്കുകയായിരുന്നു. കൊയിലാണ്ടി ഭാഗത്തേക്ക് വരികയായിരുന്നു യുവാവ്. എതിര്‍ ദിശയിലായിരുന്നു ലോറി സഞ്ചരിച്ചിരുന്നത്. അപകടത്തെ തുടര്‍ന്ന് റോഡില്‍ വീണ യുവാവിന്റെ കാലില്‍ കൂടി ലോറിയുടെ ടയറുകള്‍ കയറിയിറങ്ങി.
കാലിന് ഗുരുതരമായി പരിക്കേറ്റ യുവാവിനെ നാട്ടുകാരും അഗ്നിരക്ഷാസേനയും ചേര്‍ന്ന് കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമായതിനാല്‍ വിദഗ്ധ ചികിത്സക്കായി പിന്നീട് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. സംഭവം നടന്നയുടന്‍ ലോറി ഡ്രൈവര്‍ ഇറങ്ങി ഓടിയെന്ന് നാട്ടുകാര്‍ ആരോപിച്ചു. അപകടത്തെ തുടര്‍ന്ന് പ്രദേശത്ത് ഏറെ നേരമാണ് പ്രദേശത്ത് ഗതാഗതക്കുരുക്ക് അനുഭവപ്പെട്ടത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
