ആറു നുറുങ്ങുകള്‍, സുരേഷ് നാരായണന്‍ എഴുതിയ കവിത
ചില്ല, എഴുത്തിന്‍റെ ചിറകനക്കങ്ങള്‍. സുരേഷ് നാരായണന്‍ എഴുതിയ കവിത
Followചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ submissions@asianetnews.in എന്ന വിലാസത്തില്‍ അയക്കൂ. ഒപ്പം ഫോട്ടോയും വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും.
1
ചോറുപാത്രം തുറന്നതും
നെലവിളിച്ചും കൊണ്ട്
ചാടിയോടിപ്പോയീ
വിശപ്പ്!
2
അഗ്‌നിയാണ്.
കാറ്റില്‍ പരിചയാകാന്‍
കൈകള്‍ ഉള്ളിടത്തോളം!
3
നിങ്ങള്‍
ഓടക്കുഴലുകളില്‍
ഉമ്മ വയ്ക്കവേ
ചുമച്ചു ശ്വാസം മുട്ടി
തലയില്‍ കൈ വയ്ക്കുന്നൂ ഓലക്കുടിലുകള്‍!
4
'ഞാന്‍ അകത്തേക്കു വരട്ടെ?
സന്തോഷം ചോദിച്ചു
'വേണ്ട'
വാതില്‍പ്പുറകില്‍ നിന്ന്
ചൊടിച്ചൂ പരിഭവം.
5
മൂവാണ്ടന്‍ മാവൊരു
മുത്തശ്ശിയമ്മ
മുലപ്പാലൂറ്റും
ഗ്രാമത്തിന്നമ്മ
ഒളിസേവയ്‌ക്കൊരു നാള്‍
കൂടണയുന്നേരം
ഒരുമിച്ചു പഴുക്കും
രുചിഫണക്കൂട!
6
നിന്‍ ശരമുന തറച്ചയിടങ്ങളെ
എന്‍ നഖമുനകളാല്‍
ഓര്‍ത്തെടുക്കവേ,
ഇരുട്ട് ഒരു
ഗജമായ് മാറി
തുമ്പിക്കൈ കൊണ്ടെന്നെ
എടുത്തു ചുഴറ്റി
