സൈക്കിളോടിച്ച് 'ഐ ലവ് മൈ ഇന്ത്യ' ഡാൻസുമായി സ്വാതന്ത്ര്യ ദിനത്തില്‍ യുവതി
സ്വാതന്ത്ര്യദിനത്തിന്‍റെ പശ്ചാത്തലത്തില്‍ പ്രശസ്ത ഗാനമായ 'ഐ ലവ് മൈ ഇന്ത്യ...' എന്ന ഗാനത്തിന് പെര്‍ഫോം ചെയ്യുകയാണ് ബുഷ്റ. ത്രിവര്‍ണ പതാകയുടെ ചാരുത ചോരാത്ത, അതേ നിറങ്ങള്‍ തുന്നിച്ചേര്‍ത്ത ഗൗണ്‍ അണിഞ്ഞ് സൈക്കിളോടിച്ചുകൊണ്ടാണ് ബുഷ്റയുടെ പെര്‍ഫോമൻസ്.
 )
Followരാജ്യത്തിന്‍റെ എഴുപത്തിയേഴാം സ്വാതന്ത്ര്യദിനാഘോഷവുമായി ബന്ധപ്പെട്ട് നിരവധി വീഡിയോകളും ചിത്രങ്ങളുമെല്ലാം നാം സോഷ്യല്‍ മീഡിയയില്‍ കണ്ടു. വിവിധ സ്ഥാപനങ്ങളിലോ, സ്കൂളുകളിലോ, കോളേജുകളിലോ, സര്‍ക്കാര്‍ ഓഫീസുകളിലോ വീടുകളിലോ എല്ലാം നടന്ന സ്വാതന്ത്ര്യ ദിനാഘോഷങ്ങളുടെ വര്‍ണാഭമായ പകര്‍പ്പുകള്‍ തന്നെ എല്ലാം.
എന്നാല്‍ ഇതിനിടെ വ്യത്യസ്തമായ ആശയങ്ങളോടെ സ്വാതന്ത്ര്യദിനാഘോഷം സംഘടിപ്പിച്ചവരും ഉണ്ട്. സമാനമായ രീതിയില്‍ സോഷ്യല്‍ മീഡിയയില്‍ ഏറെ ശ്രദ്ധേയമാവുകയാണ് നര്‍ത്തകിയായ ബുഷ്റയുടെ വീഡിയോ. ഭോപ്പാല്‍ സ്വദേശിയായ ബുഷ്റയുടെ ഡാൻസ് വീഡിയോകളും പെര്‍ഫോമൻസ് വീഡിയോകളുമെല്ലാം നേരത്തെ തന്നെ സോഷ്യല്‍ മീഡിയയില്‍ ശ്രദ്ധിക്കപ്പെട്ടിട്ടുള്ളതാണ്.
ഇപ്പോള്‍ സ്വാതന്ത്ര്യദിനത്തിന്‍റെ പശ്ചാത്തലത്തില്‍ പ്രശസ്ത ഗാനമായ 'ഐ ലവ് മൈ ഇന്ത്യ...' എന്ന ഗാനത്തിന് പെര്‍ഫോം ചെയ്യുകയാണ് ബുഷ്റ. ത്രിവര്‍ണ പതാകയുടെ ചാരുത ചോരാത്ത, അതേ നിറങ്ങള്‍ തുന്നിച്ചേര്‍ത്ത ഗൗണ്‍ അണിഞ്ഞ് സൈക്കിളോടിച്ചുകൊണ്ടാണ് ബുഷ്റയുടെ പെര്‍ഫോമൻസ്.
സൈക്കിളില്‍ മുന്നോട്ട് ചലിച്ചുകൊണ്ടിരിക്കെ പാട്ടിന് അനുയോജ്യമായ ഭാവപ്രകടനങ്ങളും കൈ കൊണ്ടുള്ള മനോഹരമായ ചലനങ്ങളുമെല്ലാം കയ്യടി നേടി. ഇടയ്ക്ക് ഇന്ത്യൻ പതാക ഉയര്‍ത്തിയും ബുഷ്റ ഭംഗിയോടെ പെര്‍ഫോം ചെയ്തു. സൈക്കിളോടിച്ചുകൊണ്ട് ഇങ്ങനെ പെര്‍ഫോമൻസ് ചെയ്യുന്നത് അത്ര എളുപ്പമല്ല. അതിന് ആവശ്യത്തിന് പരിശീലനവും ആത്മവിശ്വാസവുമെല്ലാം വേണം. ഇതിനാണ് ബുഷ്റയ്ക്ക് ഏറെയും അഭിനന്ദനം കിട്ടുന്നത്.
ലക്ഷക്കണക്കിന് പേരാണ് വീഡിയോ ചുരുങ്ങിയ സമയത്തിനുള്ളില്‍ കണ്ടിരിക്കുന്നത്. നിരവധി പേര്‍ തങ്ങളുടെ സോഷ്യല്‍ മീഡിയ പേജില്‍ ഇത് പങ്കുവയ്ക്കുകയും ചെയ്തിരിക്കുന്നു. ഈ വീഡിയോ ഹിറ്റ് ആയതിന് പിന്നാലെ മിലിട്ടറി വേഷത്തില്‍ സൈക്കിളോടിച്ചുകൊണ്ട് പതാക വീശുന്ന മറ്റൊരു പെര്‍ഫോമൻസ് വീഡിയോ കൂടി ബുഷ്റ പങ്കിട്ടിട്ടുണ്ട്.
ബുഷ്റയുടെ വീഡിയോ...
ഏഷ്യാനെറ്റ് ന്യൂസ് ലൈവ് യൂട്യൂബില്‍ കാണാം:-
