പഞ്ചസാരയുടെ അമിത ഉപയോഗം ചർമ്മത്തെ ബാധിക്കുന്നത് എങ്ങനെ?
ചര്‍മ്മത്തിന്‍റെ ആരോഗ്യത്തെയും ഇവ മോശമായി ബാധിക്കാം. അമിതമായ പഞ്ചസാരയുടെ ഉപയോഗം മുഖക്കുരു, അകാല വാർധക്യം തുടങ്ങിയ ചർമ്മപ്രശ്നങ്ങളിലേയ്ക്ക് നയിക്കുന്നു. പഞ്ചസാര നിങ്ങളുടെ ചർമ്മത്തിൽ ഉണ്ടാക്കുന്ന ദൂഷ്യഫലങ്ങൾ എന്തൊക്കെയാണെന്ന് പങ്കുവയ്ക്കുകയാണ് ന്യൂട്രീഷ്യനായ നമാമി അഗർവാൾ.
Followമധുരം ഇഷ്ടമുള്ളവര്‍ ധാരാളമാണ്. രാവിലെ കുടിക്കുന്ന ചായയില്‍ നിന്നും തുടങ്ങുന്നതാണ് പഞ്ചസാരയുടെ ഉപയോഗം. എന്നാല്‍ പഞ്ചസാരയുടെ അമിത ഉപയോഗം വണ്ണം കൂട്ടാനും പ്രമേഹത്തിനും ഹൃദ്രോഗങ്ങള്‍ക്ക് വരെ കാരണമാകും. ഭക്ഷണത്തിൽ നിന്ന് പഞ്ചസാര ഒഴിവാക്കിയാൽ, രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഇത് സഹായിക്കും. കലോറിയുടെ പ്രധാന ഉറവിടമാണ് പഞ്ചസാര. അതിനാല്‍ ഇവ അമിതമായി കഴിക്കുന്നത് ശരീരഭാരം വർധിക്കാനും കാരണമായേക്കാം.
ചര്‍മ്മത്തിന്‍റെ ആരോഗ്യത്തെയും ഇവ മോശമായി ബാധിക്കാം. അമിതമായ പഞ്ചസാരയുടെ ഉപയോഗം മുഖക്കുരു, അകാല വാർധക്യം തുടങ്ങിയ ചർമ്മപ്രശ്നങ്ങളിലേയ്ക്ക് നയിക്കുന്നു. പഞ്ചസാര നിങ്ങളുടെ ചർമ്മത്തിൽ ഉണ്ടാക്കുന്ന ദൂഷ്യഫലങ്ങൾ എന്തൊക്കെയാണെന്ന് പങ്കുവയ്ക്കുകയാണ് ന്യൂട്രീഷ്യനായ നമാമി അഗർവാൾ. ഇന്‍സ്റ്റഗ്രാമില്‍ പങ്കുവച്ച വീഡിയോയിലൂടെ ആണ് അവര്‍ ഇക്കാര്യം പറയുന്നത്. അവ എന്തൊക്കെയാണെന്ന് നോക്കാം...
ഒന്ന്...
അമിതമായ പഞ്ചസാരയുടെ ഉപയോഗം മൂലം ശരീരത്തിൽ വീക്കം വർധിപ്പിക്കും, ഇത് ചർമ്മത്തിൽ മുഖക്കുരു വരാനുള്ള സാധ്യതയെ കൂട്ടും. ഉയർന്ന അളവില്‍ പഞ്ചസാര കഴിക്കുന്നത് ഇൻസുലിൻ അളവിൽ വർധനവിന് കാരണമാകും, ഇത് അധിക സെബം, അടഞ്ഞ സുഷിരങ്ങൾ, മുഖക്കുരു ഉണ്ടാക്കുന്ന ബാക്ടീരിയ തുടങ്ങിയവയുടെ ഉത്പാദനത്തിലേയ്ക്ക് നയിക്കും.
രണ്ട്...
പഞ്ചസാരയുടെ അമിത ഉപയോഗം മൂലം ചര്‍മ്മത്തില്‍ ചുളിവുകളും അകാലവാര്‍ധക്യവും ഉണ്ടാകാം. പഞ്ചസാരയ്ക്ക് ഗ്ലൈക്കേഷൻ എന്ന ഒരു പ്രക്രിയയെ പ്രോത്സാഹിപ്പിക്കാൻ കഴിയും, അവിടെ പഞ്ചസാര തന്മാത്രകൾ ചർമ്മത്തിലെ കൊളാജൻ, എലാസ്റ്റിൻ നാരുകളുമായി ബന്ധിപ്പിക്കുന്നു, ഇത് ചുളിവുകൾക്ക് കൂടുതൽ സാധ്യതയുള്ളതാക്കുകയും അകാല വാർദ്ധക്യത്തിന് കാരണമാകുകയും ചെയ്യുന്നു.
മൂന്ന്...
പഞ്ചസാരയുടെ അളവ് കൂടുന്നത് ഹോർമോണുകളുടെ അളവ് ഉത്തേജിപ്പിക്കുന്നു. ഇത് സെബം ഉത്പാദനം വർധിപ്പിക്കുകയും ചർമ്മകോശങ്ങളുടെ വളർച്ചയെ ബാധിക്കുകയും ചെയ്യുന്നു. ഇതായിരിക്കാം മുഖക്കുരുവിന് കാരണം. പഞ്ചസാരയുടെ അമിത ഉപയോഗം രക്തത്തിലെ പഞ്ചസാരയുടെ അളവ് അതിവേഗം വർധിപ്പിക്കും, ഇത് ഇൻസുലിൻ ഉൽപാദനത്തിൽ വർധനവിന് കാരണമാകും.
ഉയർന്ന ഇൻസുലിൻ അളവ് കൂടുതൽ സെബം ഉൽപ്പാദിപ്പിക്കുന്നതിന് കാരണമാകും. ഈ അധിക സെബം എണ്ണമയമുള്ള ചർമ്മത്തിനും സുഷിരങ്ങൾ അടഞ്ഞുപോകുന്നതിനും കാരണമാകും എന്നും ന്യൂട്രീഷ്യനിസ്റ്റ് പറയുന്നു.
Also Read: തലമുടി വളരാന്‍ വിറ്റാമിന്‍ ബി അടങ്ങിയ ഏഴ് ഭക്ഷണങ്ങള്‍ മാത്രം കഴിച്ചാല്‍ മതി...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
