ശരീരം നിറയെ മുത്തുകളും കല്ലുകളും; വേറിട്ട ഔട്ട്ഫിറ്റില്‍ നോറ ഫത്തേഹി; വീഡിയോ വൈറല്‍
സോഷ്യല്‍ മീഡിയയില്‍ സജ്ജീവമായ നോറ തന്‍റെ ഓരോ വിശേഷങ്ങളും ആരാധകരുമായി പങ്കുവയ്ക്കാറുമുണ്ട്. നോറയുടെ ഫാഷന്‍ സെന്‍സിനെ കുറിച്ചും ബിടൌണില്‍ നല്ല അഭിപ്രായമാണ്. താരത്തിന്‍റെ വസ്ത്രങ്ങള്‍ ഫാഷന്‍ ലോകത്തിന്‍റെ ശ്രദ്ധ നേടാറുമുണ്ട്.
 )
Followനിരവധി യുവ ആരാധകരുള്ള ബോളിവുഡ് നടിയാണ് നോറ ഫത്തേഹി. 'ദിൽബർ' എന്ന ഗാനത്തിലൂടെ ആണ് താരം പ്രേക്ഷകരുടെ പ്രിയങ്കരിയായി മാറിയത്. കാനഡയില്‍ ജനിച്ച മൊറോക്കൻ വംശജയായ നോറ നര്‍ത്തകി, മോഡല്‍ എന്നീ നിലകളില്‍ നേരത്തെ തന്നെ ശ്രദ്ധേയയായെങ്കിലും നടിയെന്ന നിലയില്‍ പക്ഷേ ഇന്ത്യൻ സിനിമയിലാണ് പ്രശസ്തിയാര്‍ജ്ജിച്ചത്.
സോഷ്യല്‍ മീഡിയയില്‍ സജ്ജീവമായ നോറ തന്‍റെ ഓരോ വിശേഷങ്ങളും ആരാധകരുമായി പങ്കുവയ്ക്കാറുമുണ്ട്. നോറയുടെ ഫാഷന്‍ സെന്‍സിനെ കുറിച്ചും ബിടൌണില്‍ നല്ല അഭിപ്രായമാണ്. താരത്തിന്‍റെ വസ്ത്രങ്ങള്‍ ഫാഷന്‍ ലോകത്തിന്‍റെ ശ്രദ്ധ നേടാറുമുണ്ട്. ഇപ്പോഴിതാ നോറയുടെ ഏറ്റവും പുത്തന്‍ ചിത്രങ്ങളാണ് സൈബര്‍ ലോകത്ത് വൈറലാകുന്നത്.
ശരീരം മുഴുവൻ മുത്തുകളും കല്ലുകളും പതിപ്പിച്ച വേറിട്ട ഔട്ട്ഫിറ്റില്‍ ആണ് നോറ ഫത്തേഹി എത്തിയത്. പിങ്ക് നിറത്തിലുള്ള ബോഡികോൺ ജംപ്സ്യൂട്ട് ആണ് താരത്തിന്‍റെ വേഷം. മുത്തുകളും കല്ലുകളും പിടിപ്പിച്ച ബോഡികോൺ ഓട്ട്ഫിറ്റിനൊപ്പം പിങ്ക് നിറത്തിലുള്ള ഒരു ജാക്കറ്റും താരം ധരിച്ചിരുന്നു. നെക്ലേസും ഹാങ്ങിങ്ങ് കമ്മലും ആണ് താരത്തിന്‍റെ ആക്സസറീസ്. നോറയുടെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാണ്.
Also Read: വെയിലേറ്റ് മുഖം കരുവാളിച്ചോ? കറുത്ത പാടുകളും? പപ്പായ ഇങ്ങനെ ഉപയോഗിക്കൂ...
