വാര്‍ത്ത വായിക്കുന്നതിനിടെ അവതാരകയ്ക്ക് പറ്റിയ അബദ്ധം; വീഡിയോ...
ലൈവായി വാര്‍ത്ത വായിക്കുന്നതിനിടെ ഇവര്‍ക്ക് സംഭവിച്ചൊരു അബദ്ധമാണ് വീഡിയോയിലുള്ളത്. വാര്‍ത്തയുടെ 'ഇൻട്രോ' (ആമുഖം) വായിച്ച ശേഷം വാര്‍ത്തയുടെ ദൃശ്യാവതരണം പോകാനുള്ള സമയെത്തിയപ്പോള്‍ അവതാരകയായ ലുക്വേസ ബുറാക്, കൈകളുയര്‍ത്തി ഒന്ന് സ്ട്രെച്ച് ചെയ്യാൻ ശ്രമിച്ചതാണ്.
 )
Followനിത്യവും സോഷ്യല്‍ മീഡിയയിലൂടെ എത്രയോ രസകരമായ സംഭവങ്ങളുടെ വീഡിയോകള്‍ നാം കാണാറുണ്ട്. ഇവയില്‍ കാഴ്ചക്കാരെ കൂട്ടുന്നതിനായി ബോധപൂര്‍വം തയ്യാറാക്കിയെടുക്കുന്ന വീഡിയോകള്‍ ഏറെ ഉണ്ടാകാറുണ്ട്. എന്നാല്‍ തീര്‍ത്തും അവിചാരിതമായി ഉണ്ടാകുന്ന സംഭവവികാസങ്ങളുടെ നേര്‍ക്കാഴ്ചയായി വരുന്ന വീഡിയോകളാണ് എപ്പോഴും ഒരു പടി മുമ്പിലെത്താറ്.
ഇവയില്‍ സെലിബ്രിറ്റികള്‍ക്ക് അടക്കം പലര്‍ക്കും പലപ്പോഴായി സംഭവിച്ച അബദ്ധങ്ങളുടെ രംഗങ്ങളെല്ലാം വരാറുണ്ട്. വെറുമൊരു തമാശ എന്ന നിലയില്‍ സരസമായി ഇതിനെ സമീപിക്കുന്നവരാണ് ഏറെയും.
ഇത്തരത്തില്‍ വൈറലാവുകയാണിപ്പോള്‍ ബിബിസി വാര്‍ത്താ അവതാരകയുടെ ഒരു വീഡിയോ. ലൈവായി വാര്‍ത്ത വായിക്കുന്നതിനിടെ ഇവര്‍ക്ക് സംഭവിച്ചൊരു അബദ്ധമാണ് വീഡിയോയിലുള്ളത്. വാര്‍ത്തയുടെ 'ഇൻട്രോ' (ആമുഖം) വായിച്ച ശേഷം വാര്‍ത്തയുടെ ദൃശ്യാവതരണം പോകാനുള്ള സമയെത്തിയപ്പോള്‍ അവതാരകയായ ലുക്വേസ ബുറാക്, കൈകളുയര്‍ത്തി ഒന്ന് സ്ട്രെച്ച് ചെയ്യാൻ ശ്രമിച്ചതാണ്.
ഇത് ഏറെ നേരം ഇരിക്കുമ്പോള്‍ നാം സ്വാഭാവികമായും ചെയ്യുന്നൊരു കാര്യമാണ്. എന്നാല്‍ അവതാരക ഇങ്ങനെ ചെയ്ത സമയത്ത് ദൗര്‍ഭാഗ്യവശാല്‍ വാര്‍ത്തയുടെ ദൃശ്യാവതരണം പോകുന്ന ഫീഡിന് പകരം അവതാരകയുടെ ഫീഡ് തന്നെ ലൈവില്‍ പോവുകയായിരുന്നു. ഇതോടെ ഇവര്‍ സ്ട്രെച്ച് ചെയ്യുന്നത് ഓണ്‍ എയറിലായി.
സംഗതി താൻ ചെയ്തത് ലൈവായി പോയി എന്ന് മനസിലാക്കിയ അവതാരകയുടെ ജാള്യതയും വീഡിയോയില്‍ കാണാം. രസകരമായൊരു അബദ്ധം, അല്ലെങ്കില്‍ തന്‍റേതല്ലാത്ത പിഴവ് ആയി മാത്രം തന്നെയാണ് അധികപേരും വീഡിയോയെ കാണുന്നത്. അതിനാല്‍ തന്നെ ഗൗരവപ്പെട്ട ചര്‍ച്ചകളൊന്നും വീഡിയോയെ ചുറ്റിപ്പറ്റി ഉണ്ടാകുന്നില്ല.
അതേസമയം കാണാനുള്ള കൗതുകം കൊണ്ടുതന്നെ വീഡിയോ വലിയ രീതിയിലാണ് സോഷ്യല്‍ മീഡിയയില്‍ പങ്കുവയ്ക്കപ്പെടുന്നത്.
രസകരമായ വീഡിയോ കണ്ടുനോക്കൂ...
