'ഏത് ഭാര്യയാണ് ഇത് വേണ്ടെന്ന് പറയുക!'; വിവാഹ വാര്‍ഷികത്തിന് ഭര്‍ത്താവ് നല്‍കിയ സമ്മാനം കണ്ടോ...
പങ്കാളിയെ അങ്ങേയറ്റം സന്തോഷിപ്പിക്കുന്നതിനായി ഒരു മനുഷ്യൻ നല്‍കിയ അത്യപൂര്‍വമായ സമ്മാനത്തെ കുറിച്ചാണിനി പങ്കുവയ്ക്കുന്നത്. യുഎസില്‍ കര്‍ഷകനായ ലീ വില്‍സണ്‍ എന്നയാള്‍ ഭാര്യ റെനീയ്ക്ക് തങ്ങളുടെ അമ്പതാം വിവാഹവാര്‍ഷികത്തിനാണ് ഈ അമൂല്യമായ സമ്മാനം നല്‍കിയിരിക്കുന്നത്.
 )
Followപ്രിയപ്പെട്ടവര്‍ക്ക് സമ്മാനങ്ങള്‍ നല്‍കുന്നതും പ്രിയപ്പെട്ടവരില്‍ നിന്ന് സമ്മാനങ്ങള്‍ സ്വീകരിക്കുന്നതുമെല്ലാം ഏറെ സന്തോഷം നല്‍കുന്ന കാര്യങ്ങളാണ്. പ്രത്യേകിച്ച് വിശേഷാവസരങ്ങളിലെ സമ്മാന കൈമാറ്റങ്ങള്‍.
ഇങ്ങനെ ഭാര്യ ഭര്‍ത്താവിനും, ഭര്‍ത്താവ് ഭാര്യക്കുമെല്ലാം സമ്മാനങ്ങള്‍ നല്‍കുന്നത് പതിവാണ്. പലരും തങ്ങളുടെ സമ്മാനങ്ങള്‍ വ്യത്യസ്തമായിരിക്കാനും അത് വാങ്ങുന്നവരുടെ മനസിന് അത്രമാത്രം സന്തോഷമുണ്ടാക്കുന്നതായിരിക്കാനും ശ്രദ്ധിക്കാറുണ്ട്. ജീവിതപങ്കാളികളാണ് ഇക്കാര്യത്തിലൊക്കെ കുറെക്കൂടി ശ്രദ്ധ പുലര്‍ത്തുന്നവര്‍.
എന്തായാലും അത്തരത്തില്‍ പങ്കാളിയെ അങ്ങേയറ്റം സന്തോഷിപ്പിക്കുന്നതിനായി ഒരു മനുഷ്യൻ നല്‍കിയ അത്യപൂര്‍വമായ സമ്മാനത്തെ കുറിച്ചാണിനി പങ്കുവയ്ക്കുന്നത്. യുഎസില്‍ കര്‍ഷകനായ ലീ വില്‍സണ്‍ എന്നയാള്‍ ഭാര്യ റെനീയ്ക്ക് തങ്ങളുടെ അമ്പതാം വിവാഹവാര്‍ഷികത്തിനാണ് ഈ അമൂല്യമായ സമ്മാനം നല്‍കിയിരിക്കുന്നത്.
വിശാലമായ ഒരു വലിയ സൂര്യകാന്തിപ്പാടം. കേള്‍ക്കുമ്പോള്‍ ഒരുപക്ഷേ ആദ്യം നിങ്ങള്‍ക്ക് അത് മനസിലായേക്കില്ല. എന്നാല്‍ വീഡിയോ കാണുമ്പോള്‍ എന്താണതെന്ന് വ്യക്തമാകും. ഭാര്യക്ക് സര്‍പ്രൈസായി ലീ, നല്‍കിയിരിക്കുന്നത്80 ഏക്കറിലായി അദ്ദേഹം കൃഷി ചെയ്തുണ്ടാക്കിയ സൂര്യകാന്തിപ്പൂക്കളാണ്.
ഒരു പൂ ചോദിച്ചപ്പോള്‍ പൂക്കാലം നല്‍കി എന്നൊക്ക പറഞ്ഞുകേട്ടിട്ടില്ലേ? അതുതന്നെ സംഭവം. അമ്പതാം വിവാഹവാര്‍ഷികം വരുന്നത് കണക്കാക്കി നേരത്തെ തന്നെ സ്ഥലം ശരിയാക്കിയിട്ട്, ഇദ്ദേഹം സൂര്യകാന്തി കൃഷി ആരംഭിക്കുകയായിരുന്നു. വാര്‍ഷികത്തിന്‍റെ സമയം ആയപ്പോള്‍ കൃത്യമായി പൂക്കള്‍ കൊണ്ട് നിറഞ്ഞു പാടം. എന്തായാലും വിവാഹവാര്‍ഷിക സമ്മാനമായി കിട്ടിയ സൂര്യകാന്തിപ്പാടത്തിനുള്ളിലൂടെ ലീയും റെനീയും ഒരുമിച്ച് കൈകോര്‍ത്ത്, സന്തോഷം പങ്കിട്ട് നടക്കുന്ന വീഡിയോ വലിയ രീതിയിലാണ് ശ്രദ്ധേയമാകുന്നത്.
ഏത് ഭാര്യയാണ് ഭര്‍ത്താവിന്‍റെ അടുത്ത് നിന്ന് ഇങ്ങനെയൊരു സമ്മാനം കൊതിക്കാത്തതെന്നും, ഭാര്യയോടുള്ള അദ്ദേഹത്തിന്‍റെ പ്രണയത്തിന്‍റെ പ്രതീകമാണ് ഈ സമ്മാനമെന്നുമെല്ലാം വീഡിയോ കണ്ടവര്‍ കമന്‍റുകളില്‍ കുറിച്ചിരിക്കുന്നു.
വീഡിയോ കണ്ടുനോക്കൂ...
Also Read:- 68ാം നിലയില്‍ നിന്ന് മരണത്തിലേക്ക് പതിച്ച റെമി എനിഗ്മയെന്ന സാഹസികൻ ആര്?
ഏഷ്യാനെറ്റ് ന്യൂസ് ലൈവ് യൂട്യൂബില്‍ കാണാം:-
