തിരുവനന്തപുരത്തെ എൽഡിഎഫ് മേയർ സ്ഥാനാർത്ഥി എസ് പുഷ്പലത തോറ്റു
നാല് തവണ മത്സരിച്ച് വിജയിച്ച പുഷ്പലതയെയാണ് ഇത്തവണ വനിതാസംവരണമുള്ള തിരുവനന്തപുരത്ത് മേയർ സ്ഥാനാർത്ഥിയായി എൽഡിഎഫ് ഉയർത്തിക്കാട്ടിയത്. ചുറ്റും ബിജെപി വാർഡുകളുള്ള നെടുങ്കാട് നിന്ന് അഞ്ചാംവട്ടം ഫലം വന്നപ്പോൾ പുഷ്പലത പരാജയത്തിലേക്ക്.
 )
Followതിരുവനന്തപുരം: തിരുവനന്തപുരം കോർപ്പറേഷനിലേക്ക് മേയർ സ്ഥാനാർത്ഥിയായി ഉയർത്തിക്കാട്ടിയ എസ് പുഷ്പലത തോറ്റു. നെടുങ്കാട് വാർഡിൽ നിന്നാണ് പുഷ്പലത പരാജയപ്പെട്ടത്. ബിജെപി സ്ഥാനാർത്ഥിയായ കരമന അജിത്താണ് ഇവിടെ ജയിച്ചത്.
184 വോട്ടുകൾക്കാണ് എസ് പുഷ്പലത പരാജയപ്പെട്ടത്. കഴിഞ്ഞ തവണ 85 വോട്ടിന് ഇതേ വാർഡിൽ നിന്ന് ജയിച്ച സ്ഥാനാർത്ഥി കൂടിയാണിവർ. ഇത്തവണ വനിതാസംവരണമുള്ള തിരുവനന്തപുരത്ത് മേയർ സ്ഥാനാർത്ഥിയായി എൽഡിഎഫ് ഉയർത്തിക്കാട്ടിയത് ഏറെക്കാലത്തെ തദ്ദേശഭരണസ്ഥാനങ്ങളിൽ പ്രവർത്തിച്ച് പരിചയമുള്ള എസ് പുഷ്പലതയെയാണ്. കരമനയടക്കം ചുറ്റും ബിജെപി വാർഡുകളുള്ള നെടുങ്കാട് നിന്ന് അഞ്ചാംവട്ടം ഫലം വന്നപ്പോൾ പുഷ്പലത പരാജയത്തിലേക്ക്.
