അവന്‍ രണ്ട് മുട്ട കഴിച്ചു! തുടര്‍ച്ചയായി പൂജ്യത്തിന് പുറത്തായതിന് പിന്നാലെ സഞ്ജുവിനെ ട്രോളി അശ്വിന്- വീഡിയോ
മത്സരത്തിന് ശേഷം സഞ്ജുവും അശ്വിനും വിജയാഹ്ലാദം പങ്കുവച്ചുകൊണ്ട് ഒരു വീഡിയോ ചെയ്തിരുന്നു. റോയല്‍സിന്റെ ഫിറ്റ്‌നെസ് ട്രെയ്‌നര്‍ രാജാമണിയും കൂടെയുണ്ടായിരുന്നു.
 )
Followചെന്നൈ: സോഷ്യല്‍ മീഡിയയില്‍ സജീവമാണ് രാജസ്ഥാന്‍ റോയല്‍സ് സ്പിന്‍ ഓള്‍റൗണ്ടര്‍ ആര്‍ അശ്വിന്. ബാറ്റര്‍മാരെ വട്ടം കറക്കാന്‍ മാത്രമല്ല, സഹതാരങ്ങളെ ട്രോളുന്നതിനും അശ്വിന് യാതൊരു മടിയും കാണിക്കാറില്ല. റോയല്‍സിന്റെ ക്യാപ്റ്റന്‍ സഞ്ജു സാസണിനെ വരെ അദ്ദേഹം ട്രോളി. ചെപ്പോക്കികല്‍ ചെന്നൈ സൂപ്പര്‍ കിംഗ്‌സിനെതിരായ മത്സരത്തിന് ശേഷമാണ് സംഭവം.
മത്സരത്തിന് ശേഷം സഞ്ജുവും അശ്വിനും വിജയാഹ്ലാദം പങ്കുവച്ചുകൊണ്ട് ഒരു വീഡിയോ ചെയ്തിരുന്നു. റോയല്‍സിന്റെ ഫിറ്റ്‌നെസ് ട്രെയ്‌നര്‍ രാജാമണിയും കൂടെയുണ്ടായിരുന്നു. അശ്വിനും രാജാമണിയുമാണ് കൂടുതല്‍ നേരം സംസാരിച്ചത്. ടിക്കറ്റെടുത്ത് കൊടുത്തിട്ടും സ്റ്റേഡിയത്തില്‍ റോയല്‍സിനെ പിന്തുണയ്ക്കാന്‍ ആരുമില്ലെന്നും സ്റ്റേഡിയം മുഴുവന്‍ മഞ്ഞയില്‍ കുളിച്ചിരിക്കുകയാണെന്നും അശ്വിന് തുടക്കത്തില്‍ പറഞ്ഞു. എന്നാല്‍ സ്‌റ്റേഡിയത്തിന്റെ ചില ഭാഗങ്ങളില്‍ റോയല്‍സ് ആരാധകരുണ്ടായിരുന്നുവെന്നായിരുന്നു രാജാമണിയുടെ മറുപടി. മാത്രമല്ല തമിഴ്‌നാട് നിന്നുള്ള സഞ്ജുവിന്റെ ആരാധകര്‍ തടിച്ചുകൂടിയിരുന്നുവെന്നും രാജാമണി പറഞ്ഞു.
ഭക്ഷണം കഴിച്ചോവെന്ന് ചിലര്‍ ചോദിക്കുന്നത് കേട്ടതായി സഞ്ജുവും വീഡിയോയില്‍ പറയുന്നുണ്ട്. അപ്പോഴാണ് അശ്വിന് ട്രോളുമായെത്തിയത്. സഞ്ജു ഉടനെ രണ്ട് മുട്ട കഴിച്ചുവെന്ന് മറുപടി പറയുകയായിരുന്നുവെന്ന് അശ്വിന് പരിഹാസത്തോടെ പറഞ്ഞു. ചെന്നൈക്കെതിരേയും അതിന് മുമ്പ് ഡെല്‍ഹി കാപിറ്റല്‍സിനെതിരേയും പൂജ്യത്തിന് പുറത്തായത് ഓര്‍ത്തെടുത്താണ് അശ്വിന് ഇത്തരത്തില്‍ രസകരമായി പറഞ്ഞത്.
സഞ്ജുവിനും രാജാമണിക്കും ചിര്‍നിര്‍ത്താന്‍ പോലുമായില്ല. ഓംലറ്റ് ആയിരുന്നുവെന്ന സഞ്ജുവിന്റെ മറുപടി രംഗം കൂടുതല്‍ രസകരമയാക്കി. വീഡിയോ കാണാം...
എന്നാല്‍ സഞ്ജുവിന്റെ ക്യാപ്റ്റന്‍സിയെ പ്രകീര്‍ത്തിക്കാനും അശ്വിന് മറന്നില്ല. ചെന്നൈയില്‍ വന്നിട്ട് അവരോട് ജയിക്കുക ചെറിയ കാര്യമല്ലെന്നും സഞ്ജു നന്നായി ടീം മാനേജ് ചെയ്തുവെന്നും അശ്വിന് പറയുന്നുണ്ട്.
