സിറാജ് ഓണ്‍ ഫയര്‍, ആദ്യ അടിയേറ്റ് സിഎസ്കെ; തിരിച്ചടിച്ച് കോണ്‍വേയും രഹാനെയും
ടോസ് നേടിയ ആര്‍സിബി നായകന്‍ ഫാഫ് ഡുപ്ലസിസ് സിഎസ്‌കെയെ ബാറ്റിംഗിന് അയക്കുകയായിരുന്നു
 )
Followബെംഗളൂരു: ഇന്ത്യന്‍ പ്രീമിയര്‍ ലീഗിന്‍റെ പതിനാറാം സീസണിലെ പോരാട്ടത്തില്‍ ചെന്നൈ സൂപ്പര്‍ കിംഗ‌്‌സിന് ആദ്യ പ്രഹരം നല്‍കി റോയല്‍ ചലഞ്ചേഴ്‌സ് ബാംഗ്ലൂര്‍. ഇന്നിംഗ്‌സിലെ മൂന്നാം ഓവറിലെ രണ്ടാം പന്തില്‍ ഓപ്പണര്‍ റുതുരാജ് ഗെയ്‌ക്‌വാദിനെ(6 പന്തില്‍ 3) മുഹമ്മദ് സിറാജ്, വെയ്‌ന്‍ പാര്‍നലിന്‍റെ കൈകളിലെത്തിച്ചു. എന്നാല്‍ ഇതിന് ശേഷമൊന്നിച്ച കോണ്‍വേ-രഹാനെ സഖ്യം തകര്‍ത്തടിക്കുന്നതിനാല്‍ പവര്‍പ്ലേ പൂര്‍ത്തിയാകുമ്പോള്‍ 53-1 എന്ന സ്കോറിലാണ് സിഎസ്കെ. അജിങ്ക്യ രഹാനെ 28* റണ്‍സുമായും ദേവോണ്‍ കോണ്‍വേ 22* റണ്‍സെടുത്തുമാണ് ക്രീസില്‍ നില്‍ക്കുന്നത്. ടോസ് നേടിയ ആര്‍സിബി നായകന്‍ ഫാഫ് ഡുപ്ലസിസ് സിഎസ്‌കെയെ ബാറ്റിംഗിന് അയക്കുകയായിരുന്നു.
റോയല്‍ ചലഞ്ചേഴ്‌സ് ബാംഗ്ലൂര്‍ പ്ലേയിംഗ് ഇലവന്‍: വിരാട് കോലി, ഫാഫ് ഡുപ്ലസിസ്(ക്യാപ്റ്റന്‍), മഹിപാല്‍ ലോംറര്‍, ഗ്ലെന്‍ മാക്‌സ്‌വെല്‍, ഷഹ്‌ബാസ് അഹമ്മദ്, ദിനേശ് കാര്‍ത്തിക്(വിക്കറ്റ് കീപ്പര്‍), ഹര്‍ഷല്‍ പട്ടേല്‍, വനിന്ദു ഹസരങ്ക, വെയ്‌ന്‍ പാര്‍നല്‍, വിജയകുമാര്‍ വൈശാഖ്, മുഹമ്മദ് സിറാജ്.
സബ്‌സ്റ്റിറ്റ്യൂട്ട്സ്: സുയാഷ് പ്രഭുദേശായി, ഡേവിഡ് വില്ലി, ആകാശ് ദീപ്, കരണ്‍ ശര്‍മ്മ, അനുജ് റാവത്ത്.
ചെന്നൈ സൂപ്പര്‍ കിംഗ്‌സ് പ്ലേയിംഗ് ഇലവന്‍: ദേവോണ്‍ കോണ്‍വേ, റുതുരാജ് ഗെയ്‌ക്‌വാദ്, അജിങ്ക്യ രഹാനെ, മൊയീന്‍ അലി, അമ്പാട്ടി റായുഡു, ശിവം ദുബെ, രവീന്ദ്ര ജഡേജ, എം എസ് ധോണി(വിക്കറ്റ് കീപ്പര്‍/ക്യാപ്റ്റന്‍), മതീഷ പതിരാന, തുഷാര്‍ ദേശ്‌പാണ്ഡെ, മഹീഷ് തീക്‌ഷന.
സബ്‌സ്റ്റിറ്റ്യൂട്ട്സ്: ആകാശ് സിംഗ്, ഡ്വെയ്‌ന്‍ പ്രിറ്റോറിയസ്, സുഭാന്‍ഷു സേനാപതി, ഷെയ്‌ക് റഷീദ്, ആര്‍എസ് ഹങ്കര്‍ഗേക്കര്‍.
നേര്‍ക്കുനേര്‍ കണക്ക്
ഇന്ത്യന്‍ പ്രീമിയര്‍ ലീഗില്‍ ഇരു ടീമും മുമ്പ് മുപ്പത് കളിയില്‍ ഏറ്റുമുട്ടിയിട്ടുണ്ട്. ഇതില്‍ ചെന്നൈ സൂപ്പര്‍ കിംഗ്‌സ് 19 മത്സരങ്ങള്‍ ജയിച്ചു. റോയല്‍ ചലഞ്ചേഴ്‌സ് ബാംഗ്ലൂര്‍ പത്തെണ്ണവും. ഒരു മത്സരം ഉപേക്ഷിച്ചു. കഴിഞ്ഞ സീസണില്‍ ഇരു ടീമിനും ഓരോ ജയം വീതമാണുണ്ടായിരുന്നത്. അവസാനം കളിച്ച അഞ്ച് മത്സരങ്ങളില്‍ നാലിലും ചെന്നൈക്കായിരുന്നു ജയം. എവേ ഗ്രൗണ്ടിലെങ്കിലും ഇത് മത്സരത്തിന് ഇറങ്ങുമ്പോള്‍ എം എസ് ധോണിക്ക് ആത്മവിശ്വാസം നല്‍കുന്ന ഘടകമാണ്. പതിനാറാം സീസണിലെ നാല് കളിയില്‍ ഇരു ടീമുകള്‍ക്കും രണ്ട് ജയവും രണ്ട് തോല്‍വിയും വീതമാണുള്ളത്. ഡല്‍ഹിയെ തോല്‍പിച്ച് ബാംഗ്ലൂര്‍ വിജയവഴിയില്‍ തിരിച്ചെത്തിയപ്പോള്‍ തുടര്‍ വിജയങ്ങള്‍ക്ക് ശേഷം ചെന്നൈ മൂന്ന് റണ്ണിന് രാജസ്ഥാന്‍ റോയല്‍സിനോട് തോറ്റിരുന്നു.
Read more: അവസാനിപ്പിച്ചത് 15 വര്‍ഷത്തെ നീണ്ട കാത്തിരിപ്പ്; അപൂര്‍വ നേട്ടത്തിനുടമയായി വെങ്കടേഷ് അയ്യര്‍
