ഈഡനിൽ ഐപിഎൽ ചൂടേറ്റി ടോസ് വീണു; സ്വന്തം കാണികൾക്ക് മുന്നിൽ നി‍ർണായക തീരുമാനമെടുത്ത് റാണ, ടീം ഇങ്ങനെ
ബാറ്റിംഗ് ലൈനപ്പിൽ വമ്പന്‍ പേരുകാരില്ലെന്ന കുറവ് കൂട്ടായ പരിശ്രത്തിലൂടെയാണ് കൊൽക്കത്ത മറികടക്കുന്നത്. തുടർച്ചയായ രണ്ട് മത്സരത്തിലും കൊൽക്കത്ത 200 കടന്നിരുന്നു.
 )
Followകൊൽക്കത്ത: സൺറൈസേഴ്സ് ഹൈദരാബാദിനെതിരെ ടോസ് നേടിയ കൊൽക്കത്ത നൈറ്റ് റൈഡേഴ്സ് ബൗളിംഗ് തെരഞ്ഞെടുത്തു. കഴിഞ്ഞ മത്സരത്തിലെ അതേ ഇലവനെ നിലനിർത്തിക്കൊണ്ടാണ് കെകെആർ ഇറങ്ങുന്നത്. അതേസമയം ഹൈദരാബാദിൽ ഒരു മാറ്റമാണ് ഉള്ളത്. വാഷിംഗ്ടൺ സുന്ദറിന് പകരം അഭിഷേക് ശർമ ടീമിലെത്തി. റിങ്കു ഷോയിലൂടെ ആത്മവിശ്വാസത്തിന്‍റെ പരകോടിയിലാണ് കൊൽക്കത്ത നൈറ്റ് റൈഡേഴ്സ്. സൺറൈസേഴ്സ് ഹൈദരാബാദിനെതിരെ സ്വന്തം മണ്ണിൽ ഹാട്രിക് ജയമാണ് ലക്ഷ്യമിടുന്നത്.
ബാറ്റിംഗ് ലൈനപ്പിൽ വമ്പന്‍ പേരുകാരില്ലെന്ന കുറവ് കൂട്ടായ പരിശ്രത്തിലൂടെയാണ് കൊൽക്കത്ത മറികടക്കുന്നത്. തുടർച്ചയായ രണ്ട് മത്സരത്തിലും കൊൽക്കത്ത 200 കടന്നിരുന്നു. വിൻഡീസ് താരങ്ങളായ ആന്ദ്രേ റസൽ, സുനിൽ നരെയ്ൻ എന്നിവരുടെ ബാറ്റിംഗ് മികവ് കൂടി ടീം പ്രതീക്ഷിക്കുന്നു. എസ്ആർഎച്ചിൽ ബ്രൂക്ക് ടോപ് ഓർഡറിൽ തുടരും. മായങ്ക് അഗർവാൾ, രാഹുൽ ത്രിപാഠി, നായകൻ എയ്‌ഡൻ മർക്രാം എന്നിങ്ങനെ കരുത്തുറ്റ ബാറ്റിംഗ് നിരയുമായി തന്നെയാണ് ഹൈദരാബാദും ഇറങ്ങുന്നത്.
ഉമ്രാൻ മാലിക്, ടി നടരാജൻ, മാർക്കോ യാൻസൻ പേസ് ത്രയം കൊൽക്കത്തയ്ക്ക് വെല്ലുവിളി. എന്നാൽ കൊൽക്കത്തയുടെ സ്‌പിന്നർമാർ ഹൈദരാബാദിന് വെല്ലുവിളിയാകും. സീസണിൽ ഹൈദരാബാദിന്റെ 12 വിക്കറ്റുകളും പിഴുതത് സ്‌പിന്നർമാർ. നേർക്കുനേർ പോരിലെ 23 മത്സരങ്ങളിൽ 15 കെകെആറും 8 കളികളിൽ ഹൈദരാബാദും ജയിച്ചതാണ് ചരിത്രം,
ഹൈദരാബാദ് ടീം : Harry Brook, Mayank Agarwal, Rahul Tripathi, Aiden Markram(c), Abhishek Sharma, Heinrich Klaasen(w), Marco Jansen, Bhuvneshwar Kumar, Mayank Markande, Umran Malik, T Natarajan
കൊൽക്കത്ത : Rahmanullah Gurbaz(w), N Jagadeesan, Nitish Rana(c), Rinku Singh, Andre Russell, Sunil Narine, Shardul Thakur, Umesh Yadav, Suyash Sharma, Lockie Ferguson, Varun Chakaravarthy
