മോശം റെക്കോര്‍ഡിനായി കൊല്‍ക്കത്തയും ഡല്‍ഹി കാപിറ്റല്‍സും മത്സരം! നിലവില്‍ ഡല്‍ഹിയുടെ അക്കൗണ്ടില്‍
പവര്‍പ്ലേയില്‍ തന്നെ അവര്‍ക്ക് നാല് വിക്കറ്റ് നഷ്ടമായി. പൃഥ്വി ഷാ (0), മിച്ചല്‍ മാര്‍ഷ് (0) യഷ് ദുള്‍ (1), ഡേവിഡ് വാര്‍ണര്‍ (19) എന്നിവരാണ് നാല് ഓവര്‍ പൂര്‍ത്തിയാവുമുമ്പ് മടങ്ങിയത്. പൃഥ്വി റണ്ണൗട്ടായപ്പോള്‍ മാര്‍ഷിനെ വെയ്ന്‍ പാര്‍നെല്‍ കോലിയുടെ കൈകളിലെത്തിച്ചു.
 )
Followബംഗളൂരു: റോയല്‍ ചലഞ്ചേഴ്‌സ് ബാംഗ്ലൂരിനോടേറ്റ തോല്‍വിക്ക് പിന്നാലെ മോശം റെക്കോര്‍ഡിന്റെ പട്ടികയില്‍ ഡല്‍ഹി കാപിറ്റല്‍സ്. ബാംഗ്ലൂരിനെതിരായ മത്സരത്തില്‍ 23 റണ്‍സിനായിരുന്നു ഡല്‍ഹിയുടെ തോല്‍വി. ടോസ് നഷ്ടപ്പെട്ട് ബാറ്റിംഗിനെത്തിയ ആര്‍സിബി നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 174 റണ്‍സാണ് നേടിയത്. വിരാട് കോലിയാണ് (34 പന്തില്‍ 50) ആര്‍സിബിയുടെ ടോപ് സ്‌കോറര്‍. മറുപടി ബാറ്റിംഗില്‍ ഡല്‍ഹിക്ക് ഒമ്പത് വിക്കറ്റ് നഷ്ടത്തില്‍ 151 റണ്‍സെടുക്കാനാണ് സാധിച്ചത്. 50 റണ്‍സെടുത്ത മനീഷ് പാണ്ഡെ മാത്രമാണ് ഡല്‍ഹി നിരയില്‍ തിളങ്ങിയത്. മൂന്ന് വിക്കറ്റ് നേടിയ അരങ്ങേറ്റക്കാരന്‍ വിജയ്കുമാര്‍ വൈശാഖാണ് ഡല്‍ഹിയെ തകര്‍ത്തത്. മുഹമ്മദ് സിറാജിന് രണ്ട് വിക്കറ്റുണ്ട്. ഡല്‍ഹിയുടെ തുടര്‍ച്ചയായ അഞ്ചാമത്തെ തോല്‍വിയാണിത്.
പവര്‍പ്ലേയില്‍ തന്നെ അവര്‍ക്ക് നാല് വിക്കറ്റ് നഷ്ടമായി. പൃഥ്വി ഷാ (0), മിച്ചല്‍ മാര്‍ഷ് (0) യഷ് ദുള്‍ (1), ഡേവിഡ് വാര്‍ണര്‍ (19) എന്നിവരാണ് നാല് ഓവര്‍ പൂര്‍ത്തിയാവുമുമ്പ് മടങ്ങിയത്. പൃഥ്വി റണ്ണൗട്ടായപ്പോള്‍ മാര്‍ഷിനെ വെയ്ന്‍ പാര്‍നെല്‍ കോലിയുടെ കൈകളിലെത്തിച്ചു. ദുളിനെ സിറാജ് വിക്കറ്റിന് മുന്നില്‍ കുടുക്കി. വാര്‍ണര്‍ വൈശാഖിന്റെ സ്ലോ ബൗണ്‍സറില്‍ കോലിക്ക് ക്യാച്ച് നല്‍കി. ഇതോടെയാണ് ഒരു മോശം റെക്കോര്‍ഡ് ഡല്‍ഹിയുടെ അക്കൗണ്ടിലായത്.
ഈ ഐപിഎല്ലില്‍ ഇതുവരെ പവര്‍പ്ലേയില്‍ ഏറ്റവും കൂടുതല്‍ വിക്കറ്റുകള്‍ നഷ്ടമാകുന്ന ടീമായി ഡല്‍ഹി. കൊല്‍ക്കത്ത നൈറ്റ് റൈഡേഴ്‌സിനെയാണ് ഡല്‍ഹി പിന്തള്ളിയത്. ഇന്നലെ സണ്‍റൈസേഴ്‌സ് ഹൈദരാബാദുമായുള്ള മത്സരത്തില്‍ അവര്‍ക്ക് മൂന്ന് വിക്കറ്റ് നഷ്ടമായിരുന്നു. ഇതോടെ ഒന്നാകെ പത്ത് വിക്കറ്റുകള്‍ കൊല്‍ക്കത്തയ്ക്ക് നഷ്ടമായിരന്നു. ഇത് ഡല്‍ഹി തിരിച്ചുപിടിച്ചു. ഇതുവരെ അവര്‍ക്ക് നഷ്ടമായത് 12 വിക്കറ്റുകള്‍. ഏഴ് വിക്കറ്റുകള്‍ നഷ്ടമായ ലഖ്നൗ സൂപ്പര്‍ ജെയന്റ്സാണ് മൂന്നാമത്.
അര്‍ധ സെഞ്ചുറിക്ക് പിന്നാലെ കോലി ചില നേട്ടങ്ങളും സ്വന്തമാക്കിയിരുന്നു. ഇതുവരെ 214 റണ്‍സാണ് കോലിയുടെ സമ്പാദ്യം. 71 റണ്‍സ് ശരാശരിയിലാണ് കോലിയുടെ നേട്ടം. 147.7 മോഹിപ്പിക്കന്ന സ്‌ട്രൈക്ക് റേറ്റും കോലിക്കുണ്ട്. ഓറഞ്ച് ക്യാപ്പിനുള്ള പട്ടികയില്‍ രണ്ടാമതെത്താനും കോലിക്ക് സാധിച്ചു. മാത്രമല്ല, ഐപിഎല്ലില്‍ ഡല്‍ഹിക്കെതിരെ ഏറ്റവും കൂടുതല്‍ റണ്‍സ് നേടുന്ന താരങ്ങളുടെ പട്ടികയില്‍ രണ്ടാമതെത്താനും കോലിക്കായി.
51 ശരാശരയില്‍ 975 റണ്‍സാണ് കോലി നേടിയത്. 975 നേടിയ രോഹിത് ശര്‍മയാണ് ഒന്നാമന്‍. 977 റണ്‍സാണ് രോഹിത് നേടിയത്. 61 ശരാശരിയില്‍ 792 റണ്‍സ് നേടിയ അജിന്‍ക്യ രഹാനെ മൂന്നാമത്. 740 റണ്‍സുള്ള റോബിന്‍ ഉത്തപ്പയാണ് നാലാം സ്ഥാനത്ത്.
മാത്രമല്ല, ഐപിഎല്ലിലെ ഒരു വേദിയില്‍ മാത്രം 2500 റണ്‍സ് പൂര്‍ത്തിയാക്കാനും കോലിക്കായി. ഈ നേട്ടം സ്വന്തമാക്കുന്ന ആദ്യ താരമാണ് കോലി. ചിന്നസ്വാമിയില്‍ 23-ാം അര്‍ധ സെഞ്ചുറിയാണ് കോലി നേടിയത്. ഏറ്റവും കൂടുതല്‍ അര്‍ധ സെഞ്ചുറികളുള്ള താരവും കോലി തന്നെ.
അരങ്ങേറ്റം ഗംഭീരമാക്കി വൈശാഖ്! ചിന്നസ്വാമിയിലും ഡല്‍ഹിക്ക് രക്ഷയില്ല; ആര്‍സിബി വിജയവഴിയില്‍
