പ്ലേ ഓഫ് ഉറപ്പിക്കാന്‍ ചെന്നൈ; തോല്‍വികളില്‍ നിന്ന് കരകയറാന്‍ സണ്‍റൈസേഴ്‌സ്
സൺറൈസേഴ്സ് ഹൈദരാബാദും ചെന്നൈ സൂപ്പര്‍ കിംഗ്‌സും ഇന്ന് നേര്‍ക്കുനേര്‍. ഹൈദരാബാദിൽ രാത്രി എട്ട് മണിക്കാണ് മത്സരം.
 )
Followഹൈദരാബാദ്: ഐപിഎല്ലില്‍ ഇന്ന് ദക്ഷിണേന്ത്യന്‍ പോരാട്ടം. സൺറൈസേഴ്സ് ഹൈദരാബാദും ചെന്നൈ സൂപ്പര്‍ കിംഗ്‌സും നേര്‍ക്കുനേര്‍ വരും. ഹൈദരാബാദിൽ രാത്രി എട്ട് മണിക്കാണ് മത്സരം. ഏഴ് കളിയിൽ ആറ് പോയിന്‍റുള്ള ഹൈദരാബാദ് തുടര്‍ച്ചയായ മൂന്ന് തോൽവികള്‍ക്ക് ശേഷമാണ് കളത്തിലിറങ്ങുന്നത്.
വാര്‍ണറും ബെയര്‍സ്റ്റോയും ഒഴികെയുള്ള ബാറ്റ്സ്മാന്മാരുടെ മോശം ഫോം ഹൈദരാബാദിന് തിരിച്ചടിയായേക്കും. വാര്‍ണര്‍(400) ബെയര്‍സ്റ്റോ(304) റണ്‍സ് വീതം നേടിയപ്പോള്‍ മൂന്നാമതുള്ള വിജയ് ശങ്കറിന് 132 റണ്‍സാണ് നേടാനായത്.
അതേസമയം എട്ട് കളിയിൽ ഏഴിലും ജയിച്ച സൂപ്പര്‍ കിംഗ്‌സ് പ്ലേ ഓഫിലേക്കുള്ള വഴി എളുപ്പമാക്കാനാണ് ശ്രമിക്കുന്നത്.
