വ്യവസ്ഥകൾ പാലിച്ചില്ല, പാകിസ്ഥാന് അപ്രതീക്ഷിത ഇരുട്ടടി; 4240 കോടി രൂപയുടെ വായ്പ റദ്ദാക്കി ലോകബാങ്ക് 

ഇസ്ലാമാബാദ്: സമയപരിധിക്കുള്ളിൽ വ്യവസ്ഥകൾ പാലിക്കുന്നതിൽ പരാജയപ്പെട്ടതിൻ്റെ ഫലമായി ലോകബാങ്ക് പാകിസ്ഥാന് 500 മില്യൺ ഡോളറിന്റെ വായ്പ മരവിപ്പിച്ചു. വ്യവസ്ഥകളിൽ   ചൈന-പാകിസ്ഥാൻ സാമ്പത്തിക ഇടനാഴിയുമായി ബന്ധപ്പെട്ട്  പർച്ചേസ് പവർ കരാർ പരിഷ്കരിക്കുന്നത് ഉൾപ്പെടെയുള്ളവയാണ് പാലിക്കാതിരുന്നതെന്ന് ദി എക്സ്പ്രസ് ട്രിബ്യൂൺ റിപ്പോർട്ട് ചെയ്തു.  ഊർജ രം​ഗത്ത് പാകിസ്ഥാന് വേണ്ടിയുള്ള 500 മുതൽ 600 മില്യൺ ഡോളർ വരെയുള്ള വായ്പ ലോകബാങ്ക് റദ്ദാക്കിയതായി സർക്കാർ വൃത്തങ്ങൾ വെളിപ്പെടുത്തി. തുടക്കത്തിൽ 500 മില്യൺ ഡോളറായി നിശ്ചയിച്ചിരുന്ന വായ്പാ തുക പിന്നീട് 600 മില്യൺ ഡോളറായി ഉയർത്തി.  നടപ്പ് സാമ്പത്തിക വർഷത്തിൽ പാകിസ്ഥാന് പുതിയ വായ്പകളില്ലെന്നും ലോകബാങ്ക് അറിയിച്ചു.

കടുത്ത സാമ്പത്തിക പ്രതിസന്ധിയിലൂടെ കടന്നുപോകുന്ന പാകിസ്ഥാന് തിരിച്ചടിയാണ് ലോക ബാങ്കിന്റെ തീരുമാനം. 2025 ജൂണിൽ അവസാനിക്കുന്ന നടപ്പ് സാമ്പത്തിക വർഷത്തിൽ പാകിസ്ഥാന് വായ്പയില്ലെന്ന്  ലോക ബാങ്ക് വക്താവ് പറഞ്ഞു. ഈ സാമ്പത്തിക വർഷം ഐഎംഎഫ് 2.5 ബില്യൺ ഡോളറിൻ്റെ ബാഹ്യ ധനസഹായ കുറവ് കണ്ടെത്തിയെന്നും പുതിയ വായ്പകളിലൂടെ പ്രശ്നം പരിഹരിക്കണമെന്നും വക്താവ് അറിയിച്ചു. പാകിസ്ഥാന്റെ പേസ് (PACE) പ്രോഗ്രാമിന് 2021 ജൂണിലാണ് ലോകബാങ്ക് അംഗീകാരം നൽകിയത്.

400 മില്യൺ യുഎസ് ഡോളറിൻ്റെ ആദ്യ ഗഡു ഇതിനകം നൽകി. സ്വതന്ത്ര പവർ പ്രൊഡ്യൂസർമാരുമായും (ഐപിപികൾ) ചർച്ച, സിപിഇസിക്ക് കീഴിൽ നിർമ്മിച്ച ചൈനീസ് പവർ പ്ലാൻ്റുകൾ പോലുള്ള നിരവധി നിബന്ധനകൾ പാലിക്കുന്നതിനെ ആശ്രയിച്ചാണ് രണ്ടാം ​ഗഡുവിന്റെ വിതരണം. കരാറുകൾ പുനഃപരിശോധിക്കുന്നതിനോ ഏകദേശം 16 ബില്യൺ ഡോളർ വരുന്ന ഊർജ്ജ കടം പുനഃക്രമീകരിക്കുന്നതിനോ ചൈന തുടർച്ചയായി വിസമ്മതിച്ചതിനാൽ  കരാറുകളുടെ പുനരാലോചനയിൽ ഒരു പുരോഗതിയും ഉണ്ടായിട്ടില്ലെന്നും ലോക ബാങ്ക് കണ്ടെത്തി.

• Pakistan