മരണകാരണം കൊവിഡെന്ന് സംശയം, ആരും സഹായിച്ചില്ല; മൃതദേഹം ശ്മശാനത്തിലേക്ക് കൊണ്ടുപോയത് ഉന്തുവണ്ടിയിൽ
കൊവിഡ് ബാധിച്ച് മരിച്ചതാണെന്ന സംശയം മൂലം ബന്ധുക്കളാരും ഇവരെ സഹായിക്കാൻ തയ്യാറായില്ല. ബെലഗാവിയിലെ അഥാനി താലൂക്കിലാണ് സംഭവം.
Followബലേഗാവി: ഭർത്താവിന്റെ മൃതദേഹം ശ്മശാനത്തിലേക്ക് ഭാര്യ കൊണ്ടുപോയത് ഉന്തുവണ്ടിയിൽ. കൊവിഡ് ബാധ മൂലമാണ് ഇയാൾ മരിച്ചതെന്ന് സംശയമുള്ളതിനാൽ ആരും സഹായിക്കാൻ തയ്യാറായില്ലെന്ന് സ്ത്രീ പറയുന്നു. ഇവരും മകനും മാത്രമാണ് മൃതദേഹത്തിനൊപ്പമുണ്ടായിരുന്നത്. കർണാടകത്തിലെ ബലേഗാവിയിലാണ് കണ്ണീരണിയിക്കുന്ന ഈ ദൃശ്യങ്ങൾ. കൊവിഡ് ബാധിച്ച് മരിച്ചതാണെന്ന സംശയം മൂലം ബന്ധുക്കളാരും ഇവരെ സഹായിക്കാൻ തയ്യാറായില്ല. ബെലഗാവിയിലെ അഥാനി താലൂക്കിലാണ് സംഭവം.
രണ്ട് ദിവസം മുമ്പാണ് ഇയാൾ മരിച്ചത്. കൊവിഡ് ബാധ മൂലമാണ് മരിച്ചതെന്ന ഭയം മൂലം അടുത്ത ബന്ധുക്കൾ പോലും മരണാനന്തര ചടങ്ങുകളിൽ സംബന്ധിക്കാനെത്തിയില്ല. എന്നാൽ, പിന്നീട് നടന്ന പരിശോധനയിൽ ഇയാൾ കൊവിഡ് നെഗറ്റീവാണെന്ന് കണ്ടെത്തി. കർണാടകയിൽ വെള്ളിയാഴ്ച 3693 പുതിയ കൊവിഡ് കേസുകൾ കണ്ടെത്തിയിട്ടുണ്ട്. 115 പേർ മരിച്ചതായി സംസ്ഥാന ആരോഗ്യ വകുപ്പ് അറിയിച്ചു.
സംസ്ഥാനത്ത് ആകെ കൊവിഡ് കേസുകളുടെ എണ്ണം 55115 ആണ്. ഇതിൽ 33205 കേസുകൾ സജീവമായിട്ടുള്ളവയാണ്. 20507 കേസുകൾ സുഖം പ്രാപിച്ചതായി റിപ്പോർട്ടുണ്ട്. ഇതുവരെ 1147 പേരാണ് മരിച്ചത്.
