ഒരു യൂട്യൂബ് ചാനല്‍ നിറയെ വ്യാജ വീഡിയോകള്‍; പൊളിച്ചടുക്കി പിഐബി ഫാക്ട് ചെക്ക്
കേന്ദ്ര സര്‍ക്കാര്‍ നേരിട്ട് ആളുകളുടെ ബാങ്ക് അക്കൗണ്ടിലേക്ക് 10000 രൂപ നല്‍കുന്നു എന്നുമൊക്കെ വീഡിയോയിലുണ്ട്
Followദില്ലി: 'ടോട്ടല്‍ ജോബ്' എന്ന യൂട്യൂബ് ചാനലിലെ ഒന്നിലേറെ വീഡിയോകള്‍ വഴിയുള്ള വ്യാജ പ്രചാരണത്തിന്‍റെ ചുരുളഴിച്ച് പ്രസ് ഇന്‍ഫര്‍മേഷന്‍ ബ്യൂറോയ്ക്ക് കീഴിലുള്ള ഫാക്ട് ചെക്ക് വിഭാഗം. പ്രചാരണങ്ങളും അവയുടെ വസ്‌തുതയും അറിയാം.
പ്രചാരണം 1
'വണ്‍ ഫാമിലി വണ്‍ ജോബ് പദ്ധതി പ്രകാരം എല്ലാ കുടുംബത്തിലെയും ഒരാള്‍ക്ക് കേന്ദ്ര സര്‍ക്കാര്‍ ജോലി നല്‍കുന്നു'. ടോട്ടല്‍ ജോബ് എന്ന യൂട്യൂബ് ചാനലിലാണ് ഈ വാദത്തോടെ വീഡിയോ പ്രത്യക്ഷപ്പെട്ടത്.
വസ്‌തുത
ഇങ്ങനെയൊരു പദ്ധതി കേന്ദ്ര സര്‍ക്കാരിനില്ല.
പ്രചാരണം 2
'പരീക്ഷകളില്ലാതെ റൂറല്‍ ടീച്ചര്‍ റിക്രൂട്ട്‌മെന്‍റ് പ്രകാരം കേന്ദ്ര സര്‍ക്കാര്‍ നേരിട്ട് അധ്യാപക ജോലി നല്‍കുന്നു' എന്നതായിരുന്നു രണ്ടാമത്തെ പ്രചാരണം. ടോട്ടല്‍ ജോബ് എന്ന യൂട്യൂബ് ചാനലിലാണ് ഈ വീഡിയോയും പ്രത്യക്ഷപ്പെട്ടത്.
വസ്‌തുത
ഇത്തരമൊരു പ്രചാരണം വ്യാജമാണ്.
പ്രചാരണം 3
ടോട്ടല്‍ ജോബ് യൂട്യൂബ് ചാനലിലൂടെയുള്ള മറ്റൊരു പ്രചാരണം ഇങ്ങനെ...'ആധാര്‍ കാര്‍ഡുള്ളവര്‍ക്ക് പലിശയും ഈടുമില്ലാതെ കേന്ദ്രം അഞ്ച് ലക്ഷം രൂപ വരെ ലോണ്‍ നല്‍കുന്നു'.
വസ്‌തുത
ലോണിനെ കുറിച്ചുള്ള ഈ പ്രചാരണവും വ്യാജം.
പ്രചാരണം 4
'പിഎം ജന്‍ ധന്‍ ഹോളി സ്‌കീം പ്രകാരം കേന്ദ്ര സര്‍ക്കാര്‍ നേരിട്ട് ആളുകളുടെ ബാങ്ക് അക്കൗണ്ടിലേക്ക് 10000 രൂപ നല്‍കുന്നു, ഇന്ത്യയൊട്ടാകെയുള്ളവര്‍ക്ക് ഈ പദ്ധതിയില്‍ അപേക്ഷിക്കാം' എന്നും പ്രചാരണത്തില്‍ പറയുന്നു.
വസ്‌തുത
മുമ്പുള്ളവ പോലെതന്നെ, ഇതും വ്യാജ പ്രചാരണം എന്നുറപ്പിക്കാം. ഇത്തരമൊരു പദ്ധതിയും കേന്ദ്ര സര്‍ക്കാരിനില്ല. ഇത്തരത്തില്‍ മറ്റ് നിരവധി വീഡിയോകളുടെ വസ്‌തുതയും പിഐബി ഫാക്ട് ചെക്ക് വിഭാഗം പുറത്തുവിട്ടിട്ടുണ്ട്.
Read more: കേരള മോഡല്‍; 'ഫാക്ട് ചെക്കിംഗ്' 5, 7 ക്ലാസുകളിലെ ഐ.സി.ടി. പാഠപുസ്‌തകത്തില്‍ ഉള്‍പ്പെടുത്തി
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
