Malayalam News Highlights: ചന്ദ്രനെ കാൽകീഴിലാക്കി ഇന്ത്യ, ആവേശം, അഭിമാനം, രാജ്യം ആഘോഷത്തിൽ

ലോക ബഹിരാകാശ നേട്ടങ്ങളുടെ തലപ്പത്തേയ്ക്ക് ഇന്ത്യയെ ഉയർത്തിയ ചന്ദ്രയാൻ മൂന്ന് അടുത്ത ഘട്ടത്തിലേക്ക്. ചന്ദ്രയാൻ ലാൻഡറിന്റെ വാതിൽ തുറന്നു. റോവർ പുറത്തേക്ക് എത്തിക്കുന്ന ഘട്ടത്തിലേക്ക് ഇസ്രോ കടന്നു.

ചന്ദ്രയാൻ മൂന്നിനായി പ്രവര്‍ത്തിച്ച ശില്‍പ്പികളെ അനുമോദിച്ച് ഐഎസ്ആർഒ ചെയര്‍മാൻ.

ചന്ദ്രയാൻ മൂന്ന് മിഷൻ വിജയകരമെന്ന് ഐഎസ്ആര്‍ഒ ഔദ്യോഗികമായി പ്രഖ്യാപിച്ചു.

ചന്ദ്രയാൻ മൂന്ന് സോഫ്റ്റ് ലാൻഡിംഗ് വിജയകരമായി പൂര്‍ത്തിയാക്കിയതോടെ രാജ്യമാകെ ആഘോഷത്തിമിര്‍പ്പിൽ.

ചന്ദ്രയാൻ മൂന്ന് സോഫ്റ്റ് ലാൻഡിംഗ് വിജയകരമായി നടത്തിയതോടെ വൻ നേട്ടം പേരിലെഴുതി ഇന്ത്യ. ചന്ദ്രന്‍റെ ദക്ഷിണധ്രുവം തൊട്ട ആദ്യ രാജ്യമായാണ് ഇന്ത്യ മാറിയത്.

ചന്ദ്രനില്‍ സോഫ്റ്റ് ലാൻഡിംഗ് നടത്തുന്ന നാലാമത്തെ രാജ്യമായി ഇന്ത്യ.

ചന്ദ്രയാൻ മൂന്ന് മിഷൻ വിജയകരമായി പൂര്‍ത്തിയാക്കാൻ സാധിച്ചതിന്‍റെ ആവേശത്തില്‍ പ്രധാനമന്ത്രി നരേന്ദ്ര മോദി. ഭൂമിയിൽ സ്വപ്നം കണ്ടു, ചന്ദ്രനിൽ നടപ്പാക്കിയെന്ന് പ്രധാനമന്ത്രി പറഞ്ഞു.

ഇന്നോളം ഒരു ചാന്ദ്രദൗത്യവും കടന്നുചെന്നിട്ടില്ലാത്ത ചന്ദ്രന്റെ ദക്ഷിണ ധ്രുവത്തിലാണ് ചന്ദ്രയാൻ ലാൻഡ് ചെയ്തിരിക്കുന്നത്

അഭിമാനം... ആവേശം... ആഹ്ളാദം... ചന്ദ്രനെ കാൽകീഴിലാക്കി ഇന്ത്യ

ചന്ദ്രയാൻ മൂന്ന് ലാൻഡിംഗിന്‍റെ അവസാന ഘട്ടത്തിൽ എത്തിനില്‍ക്കുമ്പോള്‍ കണ്‍ട്രോള്‍ റൂമില്‍ ശാസ്ത്രജ്ഞര്‍ ആഘോഷം തുടങ്ങി.

ചന്ദ്രയാൻ മൂന്ന് ലാൻഡിംഗിന്‍റെ അവസാന ഘട്ടത്തില്‍ എത്തിയപ്പോള്‍ മീഡിയ സെന്‍ററില്‍ ആഘോഷം.

ചന്ദ്രൻ വെറും 500 മീറ്റര്‍ അകലെ. ചന്ദ്രനെ തൊടാൻ ഒരുങ്ങി ലാൻഡർ

ചന്ദ്രയാൻ മൂന്നിന്‍റെ ഇതുവരെയുള്ള ലാൻഡിംഗ് പ്രക്രിയ വിജയം. ലാൻഡിംഗിന് റെഡിയായ ഘട്ടത്തിലെത്തി.

ചന്ദ്രയാൻ മൂന്നിന്‍റെ ആള്‍ട്ടിറ്റ്യൂഡ് ഹോള്‍ഡ് ഫേസ് വിജയകരമായി പൂര്‍ത്തിയായി

എല്ലാ കണ്ണുകളും ചന്ദ്രനിലേക്ക്, അതി നിര്‍ണായകമാണ് നിമിഷങ്ങള്‍

എല്ലാം കൃത്യമായാല്‍ ചന്ദ്രയാൻ മൂന്ന് 6.04ന് ചന്ദ്രോപരിതലം തൊടും.

ചന്ദ്രയാൻ മൂന്നിന്‍റെ സോഫ്റ്റ്‌ ലാൻഡിംഗ് പ്രക്രിയ  വിചാരിച്ച രീതിയിൽ മുന്നോട്ട് പോകുന്നു. കൺട്രോൾ റൂമിൽ ആഘോഷം തുടങ്ങിയിട്ടുണ്ട്.

ചന്ദ്രയാൻ മൂന്നിന്‍റെ സോഫ്റ്റ്‌ ലാൻഡിംഗ് പ്രക്രിയ തുടങ്ങി. റഫ് ബ്രേക്കിങ് പ്രക്രിയ നടക്കുകയാണ്.

ചന്ദ്രയാനിലെ വിവിധ ക്യാമറകളിൽ നിന്ന് ചിത്രങ്ങൾ ലഭിച്ചു തുടങ്ങി. ലാൻഡിംഗിന് അനുയോജ്യമായ കാലാവസ്ഥ ആണോ, ഇപ്പോഴത്തെ ലാൻഡിംഗ് സൈറ്റ് അടക്കമുള്ളവയുടെ ചിത്രങ്ങള്‍ എത്തിക്കഴിഞ്ഞു.

ചന്ദ്രയാൻ 3 ചന്ദ്രോപരിതലത്തിലേക്ക് അടുത്തുകൊണ്ടിരിക്കുമ്പോള്‍ വിവിധ രാജ്യങ്ങളിലെ ബഹിരാകാശ ഏജൻസികൾ ചന്ദ്രയാൻ ദൗത്യത്തിൽ ഇന്ത്യക്ക് ആശംസകൾ നേർന്നു. 

ഇന്ത്യയുടെ ചന്ദ്രയാൻ ദൗത്യത്തിന് ബ്രിക്സ് ഉച്ചകോടിയിൽ ആശംസയും അനുമോദനവും. ദക്ഷിണാഫ്രിക്കൻ പ്രസിഡൻറും ബ്രസീൽ പ്രസിഡൻറുമാണ് ഇക്കാര്യം മോദിയോട് പരാമർശിച്ചത്.

ഓരോ പരാജയ സാധ്യതയും മുൻകൂട്ടി കണ്ട് അതിനെല്ലാം പ്രതിവിധിയും തയ്യാറാക്കിയാണ് ഇക്കുറി ദൗത്യം ആരംഭിച്ചത്. അതിനാൽ തന്നെ ഐഎസ്ആർഒയും രാജ്യവും ദൗത്യം വിജയിക്കുമെന്ന വലിയ ആത്മവിശ്വാസത്തിലാണ്.

ഇന്നോളം ഒരു ചാന്ദ്രദൗത്യവും കടന്നുചെന്നിട്ടില്ലാത്ത ചന്ദ്രന്റെ ദക്ഷിണ ധ്രുവത്തിലാണ് ഇന്ത്യൻ ദൗത്യം ഇറങ്ങാൻ പോകുന്നത്. 

ചന്ദ്രയാൻ 3 ലാൻഡിം​ഗിനുള്ള എല്ലാ ഒരുക്കങ്ങളും പൂർണമെന്ന് ഐഎസ്ആർഒ അറിയിച്ചു. ദൗത്യം പ്രതീക്ഷിച്ചത് പോലെ തന്നെ മുന്നോട്ട് പോകുകയാണ്. വൈകിട്ട് 5.44 ന് തന്നെ സോഫ്റ്റ് ലാൻഡിങ് തുടങ്ങുമെന്നും ഐഎസ്ആർഒ അറിയിച്ചു. 

ചന്ദ്രോപരിതലത്തിലേക്ക് ചന്ദ്രയാൻ 3; വൈകിട്ട് 5.44 ന് തന്നെ സോഫ്റ്റ് ലാൻഡിങ് തുടങ്ങും.