World Hepatitis Day 2023 : ഹെപ്പറ്റൈറ്റിസ് പകരുന്നതെങ്ങനെ? എന്തൊക്കെ ശ്രദ്ധിക്കണം?

നാളെ ജൂലെെ 28. ലോക ഹെപ്പറ്റൈറ്റിസ് ദിന‌മാണ് (world hepatitis day). ലോകമാകെ പടർന്നു പിടിച്ച് ദശലക്ഷക്കണക്കിന് ആളുകളെ കരൾ രോഗികളാക്കി മാറ്റുന്ന രോഗം. ഹെപ്പറ്റൈറ്റിസ് - ബി പോലുള്ള രോഗം ഉണ്ടെന്ന് രോഗി തിരിച്ചറിയുമ്പോഴേക്കും പലപ്പോഴും അത് സങ്കീർണ്ണമായിതീർന്നിരിക്കും. രോഗബാധ തിരിച്ചറിയാൻ വൈകുന്നത് പെട്ടെന്നുള്ള ജീവഹാനിയിലേക്ക് എത്തിക്കുകയും ചെയ്യും.

'ഒരു ജീവിതം, ഒരു കരൾ' എന്നതാണ് ഈ വർഷത്തെ പ്രമേയം. ഇന്ത്യയിൽ ഏകദേശം 40 ദശലക്ഷം ആളുകൾ ഹെപ്പറ്റൈറ്റിസ് ബി ബാധിതരും 6 മുതൽ 12 ദശലക്ഷം ആളുകൾ ഹെപ്പറ്റൈറ്റിസ് സി ബാധിതരും ആണെന്ന് നാഷണൽ വൈറൽ ഹെപ്പറ്റൈറ്റിസ് കൺട്രോൾ പ്രോഗ്രാം പറയുന്നു. സംസ്ഥാന ആരോഗ്യ വകുപ്പിന്റെ കണക്കനുസരിച്ച്, 2019 മുതൽ ജൂൺ 2023 വരെ ആകെ 2,138 ഹെപ്പറ്റൈറ്റിസ് ബി രോഗികൾ ചികിത്സയ്ക്ക് വിധേയരായപ്പോൾ സംസ്ഥാനത്ത് റിപ്പോർട്ട് ചെയ്യപ്പെട്ട 1,230 ഹെപ്പറ്റൈറ്റിസ് സി രോഗികളിൽ 1,158 പേർ ചികിത്സ പൂർത്തിയാക്കി.

അനാരോഗ്യകരമായ ജീവിതശൈലി പോലുള്ള കാരണങ്ങൾ കരളിന് കോശജ്വലന തകരാറിന് കാരണമാകും...- പിംപ്രിയിലെ ഡിപിയു പ്രൈവറ്റ് സൂപ്പർ സ്പെഷ്യാലിറ്റി ഹോസ്പിറ്റലിലെ കൺസൾട്ടന്റ് ലിവർ ട്രാൻസ്പ്ലാൻറ് സർജൻ ഡോ. മനോജ് ഡോംഗ്രെ പറഞ്ഞു.

അടുത്തിടെയുള്ള ആൻറിവൈറൽ മരുന്നുകൾ മികച്ച ഫലപ്രാപ്തി പ്രകടമാക്കി. ഇത് മികച്ച ഫലങ്ങളും കുറഞ്ഞ പാർശ്വഫലങ്ങളും ഉറപ്പാക്കുന്നതായി സഹ്യാദ്രി ഹോസ്പിറ്റലിലെ കരൾ, മൾട്ടി-ഓർഗൻ ട്രാൻസ്പ്ലാൻറ് വിഭാഗം മേധാവി ഡോ ബിപിൻ വിഭൂതേ പറഞ്ഞു.

എല്ലാ ഗർഭിണികളും ഹെപ്പറ്റൈറ്റിസ് ബി പരിശോധിക്കുകയും പോസിറ്റീവ് ആണെങ്കിൽ എച്ച്ബിഐജി കുത്തിവയ്പ്പ് എടുക്കുകയും ചെയ്യണമെന്ന് സംസ്ഥാന ആരോഗ്യ വകുപ്പിലെ എൻവിഎച്ച്സിപിയുടെ കോർഡിനേറ്റർ ഡോ മഹേന്ദ്ര കേന്ദ്രേ പറഞ്ഞു. ഇത് അമ്മയിൽ നിന്ന് കുഞ്ഞിലേക്ക് പകരുന്നത് ഒഴിവാക്കും. 

2022ൽ ആകെ 89 കരളുകളാണ് മാറ്റിവച്ചത്. 2021-ൽ ഈ എണ്ണം 88 ആയി, 2020-ൽ ഇത് 69 ആയി എന്ന് റീജിയണൽ കം സ്റ്റേറ്റ് ഓർഗൻ ആൻഡ് ടിഷ്യു ട്രാൻസ്പ്ലാൻറ് ഓർഗനൈസേഷന്റെ (ROTTO-SOTTO) കണക്കുകൾ ചൂണ്ടിക്കാട്ടുന്നു.  

സുരക്ഷിതമല്ലാത്ത ലൈംഗികതയ്‌ക്ക് പുറമേ, അണുബാധയുള്ള രക്തം അല്ലെങ്കിൽ ശരീര സ്രവങ്ങൾ, സൂചികൾ  പങ്കിടൽ, മലിനമായ ഭക്ഷണവും വെള്ളവും, രക്തപ്പകർച്ച എന്നിവയിലൂടെയും ഹെപ്പറ്റൈറ്റിസ് പകരാമെന്ന് മുംബൈയിലെ വോക്ഹാർഡ് ഹോസ്പിറ്റലിലെ കൺസൾട്ടന്റ് ഗ്യാസ്ട്രോഎൻട്രോളജിസ്റ്റ് ഡോ.പ്രതിക് തിബ്‌ദേവാൽ പറഞ്ഞു.

അറിഞ്ഞിരിക്കാം ഇക്കാര്യങ്ങൾ...

ഹെപ്പറ്റൈറ്റിസ് ബാധിച്ച ഒരാളുമായി നേരിട്ടുള്ള സമ്പർക്കം ഹെപ്പറ്റൈറ്റിസ് വരാനുള്ള സാധ്യത വർദ്ധിപ്പിക്കുന്നു.

രക്തം, ഉമിനീർ, ശുക്ലം എന്നിവയിലൂടെയാണ് ഹെപ്പറ്റൈറ്റിസ് പിടിപെടാനുള്ള ഏറ്റവും സാധാരണമായ മാർഗ്ഗം. ഹെപ്പറ്റൈറ്റിസ് ബാധിച്ച ഒരാളുമായുള്ള ലൈംഗിക ബന്ധമോ അടുത്ത ബന്ധമോ അത് നിങ്ങളിലേക്ക് പകരുന്നു.

ഹെപ്പറ്റൈറ്റിസിന് കാരണമാകുന്ന വൈറസുകൾ മലിനമായ ഭക്ഷണത്തിൽ കണ്ടെത്തിയേക്കാം. പഴകിയതോ കേടായതോ ആയ ഭക്ഷണം ഒഴിവാക്കുക. ഭക്ഷണം എപ്പോഴും വൃത്തിയുള്ള ചുറ്റുപാടിൽ സൂക്ഷിക്കുക. വൃത്തിഹീനമായ ജലാശയങ്ങൾക്ക് സമീപം താമസിക്കുന്നതോ കുടിക്കുന്നതോ അപകടസാധ്യത വർദ്ധിപ്പിക്കും.

വേവിക്കാത്ത സമുദ്രവിഭവങ്ങൾ ഹെപ്പറ്റൈറ്റിസ് സാധ്യത വർദ്ധിപ്പിക്കും. ശരിയായി പാകം ചെയ്തതും വൃത്തിയുള്ളതുമായ സമുദ്രവിഭവങ്ങൾ കഴിക്കുന്നത് ഉറപ്പാക്കുക.

ഉപയോഗിച്ച സിറിഞ്ചുകളുടെ ഉപയോഗവും ഹെപ്പറ്റൈറ്റിസ് ബാധിച്ച ഒരാളുടെ രക്തവുമായി സമ്പർക്കം പുലർത്തുന്നതും രോ​ഗം പിടിപെടാൻ ഇടയാക്കും.

ഫാറ്റി ലിവർ ‌രോ​ഗം ഉണ്ടാകുന്നതിന് പിന്നിലെ കാരണങ്ങൾ

• World Hepatitis Day 2023