എന്താണ് പ്രീഡയബറ്റിസ്? ലക്ഷണങ്ങൾ എന്തൊക്കെ?
പ്രീഡയബറ്റിസ് കാലതാമസം കൂടാതെ കണ്ടെത്തുകയും കൃത്യമായി ചികിത്സിക്കുകയും ചെയ്യുകയാണെങ്കിൽ പ്രമേഹരോഗത്തിനുള്ള സാധ്യത കുറയുന്നു.
 )
Followപ്രീ ഡയബറ്റിസിനെ കുറിച്ച് അധികം ആളുകളും അറിയാതെ പോകുന്നു. പ്രമേഹരോഗങ്ങളിലേക്ക് നയിക്കുന്ന ഘടകങ്ങളിൽ ഏറ്റവും പ്രധാനപ്പെട്ട ഒന്നാണ് പ്രീഡയബറ്റിസ്. പ്രമേഹരോഗികളിൽ കാണപ്പെടുന്ന രോഗസങ്കീർണതകളായ റെറ്റിനോപ്പതി, ന്യൂറോപ്പതി, വൃക്കരോഗം, ഹൃദ്രോഗം, പക്ഷാഘാതം തുടങ്ങിയ പല സങ്കീർണതകളും വരാനുള്ള സാധ്യത പ്രീഡയബറ്റിസ്സുളളവരിൽ കൂടുതലാണെന്ന് വിദഗ്ധർ പറയുന്നു.
ഏകദേശം 136 ദശലക്ഷം ഇന്ത്യക്കാർ പ്രീ ഡയബറ്റിക് ഘട്ടത്തിലാണെന്ന് പഠനങ്ങൾ പറയുന്നു. അതിനാൽ ഈ അവസ്ഥയെക്കുറിച്ച് കൂടുതൽ അറിയേണ്ടത് ആവശ്യമാണ്. പ്രമേഹബാധിതരിൽ കാണുമ്പോലെയുള്ള പ്രകടമായ ലക്ഷണങ്ങളൊന്നും ഇവരിൽ കാണാറില്ല. അമിതവണ്ണമുള്ളവർ, അടുത്ത ബന്ധുക്കൾക്ക് പ്രമേഹമുള്ളവർ, ഗർഭകാല പ്രമേഹമുണ്ടായിരുന്നവർ, പോളിസിസ്റ്റിക് ഓവറി സിൻഡ്രം ഉള്ളവർ, വ്യായാമം ചെയ്യാത്തവർ തുടങ്ങിയവർ ഇടയ്ക്കിടെ രക്തപരിശോധന നടത്തുകയും രോഗാവസ്ഥ ഇല്ലെന്ന് ഉറപ്പാക്കുകയും ചെയ്യേണ്ടത് പ്രധാനമാണ്.
' പ്രീഡയബറ്റിസ് കാലതാമസം കൂടാതെ കണ്ടെത്തുകയും കൃത്യമായി ചികിത്സിക്കുകയും ചെയ്യുകയാണെങ്കിൽ പ്രമേഹരോഗത്തിനുള്ള സാധ്യത കുറയുന്നു. പ്രീ ഡയബറ്റിസിന് സാധാരണയായി ലക്ഷണങ്ങൾ ഉണ്ടാകാറില്ല. ചില ശരീരഭാഗങ്ങളിൽ (കഴുത്ത്, കക്ഷം, ഞരമ്പ്) ഇരുണ്ട ചർമ്മമാണ് പ്രീ ഡയബറ്റിസിൻ്റെ ഒരു ലക്ഷണം. വർദ്ധിച്ച ദാഹം, ഇടയ്ക്കിടെ മൂത്രമൊഴിക്കൽ, വർദ്ധിച്ച വിശപ്പ്, ഭാരം കുറയൽ എന്നിവയുടെ ലക്ഷണങ്ങൾ പ്രീ ഡയബറ്റിസിൽ നിന്ന് പ്രമേഹത്തിലേക്ക് മാറിയതായി സൂചിപ്പിക്കുന്നു...' - ഫരീദാബാദിലെ മെട്രോ ഹോസ്പിറ്റലിലെ എൻഡോക്രൈനോളജി & ഡയബറ്റോളജി ഡയറക്ടർ ഡോ. അരുൺ കുമാർ സി. സിംഗ് പറയുന്നു. പാരമ്പര്യമായി ടൈപ്പ് 2 പ്രമേഹമുണ്ടെങ്കിൽ അപകടസാധ്യത വർദ്ധിക്കും.
മൊത്തത്തിലുള്ള ആരോഗ്യം നിലനിർത്തുന്നതിന് പ്രത്യേകിച്ച് പ്രമേഹം പോലുള്ള അവസ്ഥകൾ നിരീക്ഷിക്കുന്നതിനും തടയുന്നതിനും രക്തത്തിലെ പഞ്ചസാരയുടെ അളവ് പതിവായി പരിശോധിക്കേണ്ടത് അത്യാവശ്യമാണ്. പ്രമേഹത്തിനുള്ള അപകട ഘടകങ്ങളുള്ള വ്യക്തികൾ നേരത്തെ പരിശോധനയ്ക്ക് വിധേയരാകണം. പ്രമേഹത്തിൻ്റെ കുടുംബ ചരിത്രം, അമിതഭാരം, ഉയർന്ന രക്തസമ്മർദ്ദം, ഗർഭകാല പ്രമേഹത്തിൻ്റെ ചരിത്രം എന്നിവ അപകട ഘടകങ്ങളിൽ ഉൾപ്പെടുന്നു.
പ്രമേഹം തടയുന്നതിന് ആരോഗ്യകരമായ ജീവിതശൈലി നിലനിർത്തുക എന്നതാണ് പ്രധാനം. സമീകൃതാഹാരം കഴിക്കുക, വ്യായാമം ചെയ്യുക, സമ്മർദ്ദം നിയന്ത്രിക്കുക, ആരോഗ്യകരമായ ഭാരം നിലനിർത്തുക, അമിതമായ പഞ്ചസാരയും ശുദ്ധീകരിച്ച കാർബോഹൈഡ്രേറ്റുകളും ഒഴിവാക്കുക എന്നിവയിലൂടെ പ്രീ ഡയബറ്റിസ് തടയാം.
കുട്ടികളുടെ ബുദ്ധിവളർച്ചയ്ക്ക് ഈ അഞ്ച് ഭക്ഷണങ്ങൾ നൽകാം
