വാക്സിൻ സ്വീകരിച്ച ശേഷം കൊവിഡ് ബാധിച്ചവരിൽ മരണം റിപ്പോര്‍ട്ട് ചെയ്തിട്ടില്ലെന്ന് എയിംസിന്റെ പഠനം
ഏപ്രിൽ-മെയ് മാസങ്ങളിൽ വാക്സിൻ എടുത്ത ശേഷവും കൊവിഡ് ബാധിച്ച ആരും തന്നെ മരണമടഞ്ഞില്ലെന്ന് പഠനത്തിൽ പറയുന്നു.
 )
Followവാക്സിൻ സ്വീകരിച്ച ശേഷം കൊവിഡ് ബാധിച്ചവരില്‍ മരണം റിപ്പോര്‍ട്ട് ചെയ്തിട്ടില്ലെന്ന് ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ്(എയിംസ്)ന്റെ പഠനം. ഏപ്രിൽ-മെയ് മാസങ്ങളിൽ വാക്സിൻ എടുത്ത ശേഷവും കൊവിഡ് ബാധിച്ച ആരും തന്നെ മരണമടഞ്ഞില്ലെന്ന് പഠനത്തിൽ പറയുന്നു.
കൊവിഡ് രണ്ടാം തരംഗത്തിനിടയിലെ ബ്രേക്ക് ത്രൂ വ്യാപനത്തെക്കുറിച്ച് നടത്തിയ ആദ്യ ജീനോമിക് പഠനത്തിലാണ് ഇക്കാര്യം വ്യക്തമായത്. 63 ബ്രേക്ക് ത്രൂ ഇൻഫക്ഷൻ കേസുകളാണ് പഠനവിധേയമാക്കിയത്. ഇതിൽ 36 പേർ രണ്ട് ഡോസ് വാക്സിനും 27 പേർ ഒരു ഡോസും സ്വീകരിച്ചവരായിരുന്നു. ഇതിൽ 53 പേർ കോവാക്സിനും 10 പേർ കോവിഷീൽഡുമാണ് എടുത്തത്.
ഇവരിൽ കുറച്ച് പേരെ അത്യാഹിത വിഭാഗത്തിൽ പ്രവേശിപ്പിക്കേണ്ടിവന്നതോടെ വാക്സിൻ നൽകുന്ന സുരക്ഷയെ സംബന്ധിച്ച് ആശങ്ക ഉയർന്നിരുന്നുവെന്നും ഈ സാഹചര്യത്തിലാണ് പഠനം നടത്തിയതെന്നും എയിംസ് അധികൃതർ വ്യക്തമാക്കി.
വാക്സിൻ സ്വീകരിച്ച ആളുകൾക്ക് പോലും വീണ്ടും കൊവിഡ് പിടിപെടാനോ മരിക്കാനും നേരിയ സാധ്യതകളുണ്ടെന്ന് യുഎസ് ആരോഗ്യ ഏജൻസിയായ സെന്‍റർ ഫോർ ഡിസീസ് കൺട്രോൾ ആൻഡ് പ്രിവൻഷൻ (സി.ഡി.സി) വ്യക്തമാക്കിയിരുന്നു.
കൊവിഡ് ബാധിച്ച് കാഴ്ച ബംഗ്ലാവിലെ സിംഹത്തിന് അന്ത്യം; മറ്റ് 8 സിംഹങ്ങള്‍ക്ക് കൂടി കൊവിഡ് ബാധ
