Health Tips: പ്രോട്ടീന്‍ അമിതമായാല്‍ ശരീരത്തില്‍ എന്ത് സംഭവിക്കും?
മതിയായ അളവിൽ പ്രോട്ടീൻ കഴിക്കുന്നത് മൊത്തത്തിലുള്ള ആരോഗ്യത്തിന് ഗുണകരമാണ്. എന്നിരുന്നാലും, അമിതമായ പ്രോട്ടീൻ കഴിക്കുന്നത് ആരോഗ്യത്തെ പ്രതികൂലമായി ബാധിക്കും.
Followശരീരത്തിന്‍റെ പല പ്രവർത്തനങ്ങളിലും ഏറെ ആവശ്യമായ ഒന്നാണ് പ്രോട്ടീൻ. ഇത് പേശികളുടെ വളര്‍ച്ചയ്ക്കും എല്ലുകളുടെ ആരോഗ്യത്തിനും ഏറെ പ്രധാനമാണ്. രോഗപ്രതിരോധ പ്രവർത്തനം, എൻസൈം പ്രവർത്തനം തുടങ്ങിയ വിവിധ ശാരീരിക പ്രക്രിയകളിലും അവ നിർണായക പങ്ക് വഹിക്കുന്നു.
മതിയായ അളവിൽ പ്രോട്ടീൻ കഴിക്കുന്നത് മൊത്തത്തിലുള്ള ആരോഗ്യത്തിന് ഗുണകരമാണ്. എന്നിരുന്നാലും, അമിതമായ പ്രോട്ടീൻ കഴിക്കുന്നത് ആരോഗ്യത്തെ പ്രതികൂലമായി ബാധിക്കും. അമിതമായി പ്രോട്ടീൻ കഴിക്കുന്നത് നമ്മുടെ ആരോഗ്യത്തെ എങ്ങനെ ബാധിക്കുമെന്ന് നോക്കാം...
1. വൃക്ക തകരാറ്
ഉയർന്ന പ്രോട്ടീൻ ഉപഭോഗം വൃക്കകളിൽ സമ്മർദ്ദം ചെലുത്തും. ഇത് വൃക്ക തകരാറിനും ഇടയാക്കും. അതിനാല്‍ മിതമായ അളവില്‍ മാത്രം പ്രോട്ടീന്‍ കഴിക്കുക.
2. ദഹന പ്രശ്നങ്ങൾ
അമിതമായി പ്രോട്ടീൻ കഴിക്കുന്നത് ചിലരില്‍ മലബന്ധം, വയറുവേദന, ദഹനക്കേട് എന്നിവയുൾപ്പെടെയുള്ള ദഹനസംബന്ധമായ അസ്വസ്ഥതകള്‍ ഉണ്ടായേക്കാം. അതിനാല്‍ ആവശ്യത്തിന് നാരുകള്‍ അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുക.
3. പോഷക അസന്തുലിതാവസ്ഥ
അമിതമായ പ്രോട്ടീൻ കഴിക്കുന്നത് മറ്റ് പോഷകങ്ങളുടെ അസന്തുലിതാവസ്ഥയിലേക്ക് നയിച്ചേക്കാം. അത്തരത്തില്‍ പോഷകങ്ങള്‍ നഷ്ടപ്പെടുന്നത് പല ആരോഗ്യപ്രശ്നങ്ങളും ഉണ്ടാക്കും. അതിനാല്‍ വൈവിധ്യമാർന്ന ഭക്ഷണ സ്രോതസ്സുകൾ ഉൾപ്പെടുന്ന സമീകൃതാഹാരം നിലനിർത്തുക.
4. നിർജ്ജലീകരണം
ഉയർന്ന പ്രോട്ടീനിന്‍റെ ഉപയോഗം ജലത്തിന്‍റെ ആവശ്യകത വർദ്ധിപ്പിക്കും. ദ്രാവകം കഴിക്കുന്നത് അപര്യാപ്തമാണെങ്കിൽ നിർജ്ജലീകരണത്തിലേയ്ക്ക് നയിച്ചേക്കാം. അതിനാല്‍ വെള്ളം ധാരാളം കുടിക്കാനും ശ്രദ്ധിക്കുക.
5. എല്ലുകളുടെ ആരോഗ്യ പ്രശ്നങ്ങൾ
അമിതമായ പ്രോട്ടീൻ കാത്സ്യം വിസർജ്ജനം വർദ്ധിപ്പിക്കും, ഇത് ദീർഘകാലത്തേക്ക് എല്ലുകളുടെ ആരോഗ്യത്തെ ബാധിക്കും.
6. ഹൃദ്രോഗ സാധ്യത
റെഡ് മീറ്റുകളിലെ അമിത പ്രോട്ടീന്‍ ഹൃദയത്തിന്‍റെ ആരോഗ്യത്തെ മോശമായി ബാധിക്കും.
7. ശരീരഭാരം കൂടുക
പ്രോട്ടീന്‍ അമിതമായി കഴിക്കുന്നത് ശരീരഭാരം വർദ്ധിപ്പിക്കുന്നതിന് കാരണമാകും. മൊത്തത്തിലുള്ള കലോറി ഉപഭോഗം കൂടാനും ഇത് കാരണമാകും.
8. കരൾ പ്രശ്നങ്ങൾ
അമിതമായ പ്രോട്ടീൻ കഴിക്കുന്നത് കരളിന്‍റെ ആരോഗ്യത്തെയും ബാധിക്കാം. അതിനാല്‍ പ്രോട്ടീനിന്‍റെ ഉപഭോഗം പരിമിതപ്പെടുത്തുക.
9. അലർജി പ്രശ്നങ്ങള്‍
അമിതമായി പ്രോട്ടീന്‍ കഴിക്കുന്നത് ചിലരില്‍ അലര്‍ജിയുണ്ടാക്കാം. അത്തരക്കാര്‍ അമിതമായി പ്രോട്ടീന്‍ അടങ്ങിയ ഭക്ഷണങ്ങള്‍ കഴിക്കുന്നത് ഒഴിവാക്കണം.
