നിങ്ങൾ ഒരു ദിവസം എത്ര തവണ മുഖം കഴുകാറുണ്ട്?
കുറഞ്ഞത് 60 സെക്കന്റെങ്കിലും സമയമെടുത്ത് വേണം മുഖം കഴുകാൻ. നെറ്റി, മൂക്ക്, കവിൾ തുടങ്ങിയ ഭാഗങ്ങൾ കൂടുതൽ സമയമെടുത്ത് കഴുകണമെന്നും ഡോ. മീര അധികാരി പറഞ്ഞു.
 )
Followമുഖ സംരക്ഷണത്തിൽ ഏറ്റവും പ്രധാനപ്പെട്ട കാര്യങ്ങളിലൊന്നാണ് മുഖം കഴുകൽ. മുഖത്തെ അഴുക്കുകളും പൊടികളും നീക്കി ചർമത്തെ വൃത്തിയായി സൂക്ഷിക്കാൻ മുഖം കഴുകേണ്ടത് നിർബന്ധമാണ്. ഒരു ദിവസം മൂന്നും നാലും തവണ മുഖം കഴുകുന്നവരുണ്ട്. ശരിക്കും ഒരു ദിവസം എത്ര തവണ മുഖം കഴുകാം?
' നിങ്ങൾ മുഖം കഴുകുമ്പോൾ ചർമ്മത്തിൻ്റെ ഉപരിതലത്തിൽ അടിഞ്ഞുകൂടിയിരിക്കുന്ന അഴുക്ക്, എണ്ണ, വിയർപ്പ്, ചർമ്മത്തിലെ നിർജ്ജീവ കോശങ്ങൾ എന്നിവ നീക്കം ചെയ്യപ്പെടും...' - ക്ലിനിക്കൽ കോസ്മെറ്റോളജിസ്റ്റും ല്യൂർ സൗന്ദര്യശാസ്ത്രത്തിൻ്റെ സ്ഥാപകനുമായ ഡോ. ദേബേഷി ഭട്ടാചാരി പറയുന്നു.
ഇത് സുഷിരങ്ങൾ അടയ്ക്കാനും മുഖക്കുരു പൊട്ടുന്നത് തടയാനും ചർമ്മത്തിലെ ജലാംശം നിലനിർത്താനും ചർമ്മത്തിൻ്റെ മൊത്തത്തിലുള്ള ആരോഗ്യം പ്രോത്സാഹിപ്പിക്കാനും സഹായിക്കുന്നു. ദിവസത്തിൽ രണ്ട് തവണ മുഖം കഴുകുന്നതാണ് കൂടുതൽ നല്ലതെന്ന് പാൽഘറിലെ അധികാരി ലൈഫ്‌ലൈൻ മൾട്ടിസ്പെഷ്യാലിറ്റി ഹോസ്പിറ്റലിലെ ഡെർമറ്റോളജിസ്റ്റ് ഡോ. മീര അധികാരി പറയുന്നു.
മുഖം വൃത്തിയാക്കാൻ ക്ലെൻസർ ഉപയോഗിക്കേണ്ടത് അനിവാര്യമാണ്. എന്നാൽ എല്ലാ ക്ലെൻസറുകളും മുഖത്തെ ചർമത്തിന് യോജിച്ചതായിരിക്കില്ല. ചർമത്തിന്റെ സ്വഭാവം അനുസരിച്ചുള്ള ക്ലെൻസറുകൾ വേണം തിരഞ്ഞെടുക്കേണ്ടതും അവർ പറയുന്നു.
രാത്രിയിൽ മുഖം കഴുകുന്നത് മേക്കപ്പും മുഖത്തെ അഴുക്കും നീക്കം ചെയ്യുന്നതിന് സഹായിക്കുന്നതായി ഡോ. മീര അധികാരി പറഞ്ഞു. രാത്രിയിൽ മുഖം കഴുകിയിട്ട് തന്നെ കിടക്കുക. കാരണം, പകൽ സമയത്ത്, ചർമ്മം അഴുക്കും, മലിനീകരണവും, ബാക്ടീരിയയും ശേഖരിക്കുന്നു. ഇത് സുഷിരങ്ങൾ അടയുകയും ഉറക്കസമയം മുമ്പ് നീക്കം ചെയ്തില്ലെങ്കിൽ ബ്രേക്ക്ഔട്ടിലേക്ക് നയിക്കുകയും ചെയ്യുന്നതായി ഡോ. മീര അധികാരി പറഞ്ഞു.
കുറഞ്ഞത് 60 സെക്കന്റെങ്കിലും സമയമെടുത്ത് വേണം മുഖം കഴുകാൻ. നെറ്റി, മൂക്ക്, കവിൾ തുടങ്ങിയ ഭാഗങ്ങൾ കൂടുതൽ സമയമെടുത്ത് കഴുകണമെന്നും അവർ പറഞ്ഞു.
രക്താര്‍ബുദം : ശരീരം കാണിക്കുന്ന ഈ ലക്ഷണങ്ങള്‍ അവഗണിക്കരുത്
