തൈറോയ്ഡ് ഗ്രന്ഥിയുടെ ആരോഗ്യത്തിനായി ശീലമാക്കേണ്ട അഞ്ച് കാര്യങ്ങൾ
ഉറക്കക്കുറവ് തൈറോയ്ഡ് പ്രവർത്തനത്തെ മോശമാക്കാമെന്ന് ജേർണൽ ഓഫ് ക്ലിനിക്കൽ എൻഡോക്രൈനോളജി ആൻഡ് മെറ്റബോളിസത്തിൽ പ്രസിദ്ധീകരിച്ച പഠനത്തിൽ പറയുന്നു.
 )
Followതൈറോയ്ഡിൻറെ ആരോഗ്യത്തെ കാത്തുസൂക്ഷിക്കേണ്ടത് ശരീരത്തിൻറെ വളർച്ചയ്ക്കും ഉപാപചയ പ്രവർത്തനങ്ങൾക്കും ഏറെ പ്രധാനമാണ്. കുട്ടികളിലെ വളർച്ചയ്ക്ക് തൈറോയ്ഡ് പ്രധാനമാണ്. തലച്ചോറിൻ്റെ വളർച്ചയിൽ കാര്യമായ പങ്ക് വഹിക്കുന്നു. തൈറോയ്ഡിൻറെ ആരോഗ്യത്തിനായി ശ്രദ്ധിക്കേണ്ട ചില കാര്യങ്ങൾ.
ധാരാളം വെള്ളം കുടിക്കുക
ശരീരത്തിൽ ആവശ്യത്തിന് ജലാംശം നിലനിർത്തേണ്ടത് വളരെ പ്രധാനമാണ്. ശരിയായ ഉപാപചയ പ്രവർത്തനത്തിന് അത്യന്താപേക്ഷിതമായ വെള്ളം കുടിക്കുന്നത് തൈറോയ്ഡ് ആരോഗ്യത്തിന് പ്രധാനമാണ്. കാരണം വെള്ളം കുടിക്കുന്നത് ഊർജ്ജ നില നിലനിർത്തുകയും നിർജ്ജലീകരണം തടയുന്നതിനും സഹായിക്കുന്നു.
നന്നായി ഉറങ്ങുക
തൈറോയ്ഡ് രോഗിയാണെങ്കിൽ ആവശ്യത്തിന് ഉറങ്ങണം. ആവശ്യത്തിന് ഉറക്കം ലഭിക്കുന്നത് സ്ട്രെസ് ഹോർമോണുകൾ കുറയ്ക്കാനും ഊർജ്ജ നില വർദ്ധിപ്പിക്കാനും ഉപാപചയം മെച്ചപ്പെടുത്താനും സഹായിക്കുന്നു. ഉറക്കക്കുറവ് തൈറോയ്ഡ് പ്രവർത്തനത്തെ മോശമാക്കാമെന്ന് ജേർണൽ ഓഫ് ക്ലിനിക്കൽ എൻഡോക്രൈനോളജി ആൻഡ് മെറ്റബോളിസത്തിൽ പ്രസിദ്ധീകരിച്ച പഠനത്തിൽ പറയുന്നു.
അയോഡിൻ അടങ്ങിയ ഭക്ഷണങ്ങൾ
തൈറോയ്ഡ് പ്രവർത്തനത്തിൽ അയോഡിൻ ഒരു പ്രധാന പങ്ക് വഹിക്കുന്നതിനാൽ തൈറോയ്ഡ് ഗ്രന്ഥിക്ക് അയോഡിൻ കഴിക്കുന്നത് അത്യന്താപേക്ഷിതമാണ്. ഇത് രോഗപ്രതിരോധ പ്രവർത്തനത്തെ സന്തുലിതമാക്കുന്നു.
സമ്മർദ്ദം ഒഴിവാക്കൂ
തൈറോയ്ഡ് രോഗികൾ സമ്മർദ്ദം ഒഴിവാക്കണം. കാരണം ഇത് തൈറോയ്ഡ് പ്രവർത്തനത്തിലും മൊത്തത്തിലുള്ള ഹോർമോൺ ബാലൻസിലും നേരിട്ട് സ്വാധീനം ചെലുത്തും. സമ്മർദ്ദം ഒഴിവാക്കുന്നത് മാനസികാരോഗ്യം മെച്ചപ്പെടുത്താനും തൈറോയിഡിൻ്റെ ലക്ഷണങ്ങൾ കുറയ്ക്കാനും സഹായിക്കും.
വ്യായാമം പതിവാക്കൂ
വ്യായാമം ചെയ്യുന്നത് തൈറോയ്ഡ് ആരോഗ്യത്തിന് പല തരത്തിൽ ഗുണം ചെയ്യും. പ്രത്യേകിച്ച് തൈറോയ്ഡ് തകരാറുള്ള രോഗികൾക്ക്. യോഗ, സൈക്ലിംഗ്, നീന്തൽ, നടത്തം എന്നിവ ശീലമാക്കാം. മിതമായ വ്യായാമം തൈറോയ്ഡ് ഹോർമോണുകളുടെ അളവ് മെച്ചപ്പെടുത്തുമെന്ന് ജേണൽ ഓഫ് ക്ലിനിക്കൽ എൻഡോക്രൈനോളജി ആൻഡ് മെറ്റബോളിസത്തിൽ പ്രസിദ്ധീകരിച്ച പഠനത്തിൽ പറയുന്നു.
ഉയർന്ന കോർട്ടിസോൾ ; പ്രധാനപ്പെട്ട എട്ട് ലക്ഷണങ്ങൾ
