Polycystic Ovary Syndrome : പോളിസിസ്റ്റിക് ഓവറി സിൻഡ്രോം; സ്ത്രീകൾ ശ്രദ്ധിക്കേണ്ട ചിലത്...
പൊണ്ണത്തടിയുള്ള സ്ത്രീകളിലും മെലിഞ്ഞ സ്ത്രീകളിലും പിസിഒഎസ് പ്രശ്നം കണ്ട് വരുന്നു. ശരീരഭാരം വർദ്ധിപ്പിക്കുന്നതിന് ജീവിതശൈലി ഒരു പ്രധാന കാരണമാണ്. പിസിഒഎസ് പ്രശ്നം ഉള്ളവരിൽ കണ്ട് വരുന്ന പ്രശ്നമാണ് ഭാരം കൂടുന്നത്.
 )
Followപോളിസിസ്റ്റിക് ഒവേറി സിൻഡ്രോം അല്ലെങ്കിൽ പിസിഒഎസ് ഇന്നത്തെ കാലത്ത് പല സ്ത്രീകളെയും ബാധിക്കുന്ന ഒരു സാധാരണ ഹോർമോൺ, മെറ്റബോളിക് ഡിസോർഡർ ആണ്. ഇത് ശരീരഭാരം, മുഖക്കുരു, മുഖത്ത് രോമങ്ങൾ വളരുക ഇങ്ങനെ പല പ്രശ്നങ്ങൾക്കും കാരണമാകുന്നു.
പൊണ്ണത്തടിയുള്ള സ്ത്രീകളിലും മെലിഞ്ഞ സ്ത്രീകളിലും പിസിഒഎസ് പ്രശ്നം കണ്ട് വരുന്നു. ശരീരഭാരം വർദ്ധിപ്പിക്കുന്നതിന് ജീവിതശൈലി ഒരു പ്രധാന കാരണമാണ്. പിസിഒഎസ് പ്രശ്നം ഉള്ളവരിൽ കണ്ട് വരുന്ന പ്രശ്നമാണ് ഭാരം കൂടുന്നത്. അതിന് നാം ശ്രദ്ധിക്കണ്ട ചില കാര്യങ്ങൾ എന്തൊക്കെയാണെന്ന് ബാംഗ്ലൂർ റിച്ച്മണ്ട് റോഡിലെ ഫോർട്ടിസ് ലാ ഫെമ്മെ ഹോസ്പിറ്റലിലെ സീനിയർ കൺസൾട്ടന്റ് ഒബ്‌സ്റ്റട്രീഷ്യൻ ആൻഡ് ഗൈനക്കോളജിസ്റ്റ് ഡോ. അരുണ മുരളീധർ പറയുന്നു.
40-50 ശതമാനം ഇലക്കറികളും 25-30 ശതമാനം കാർബോഹൈഡ്രേറ്റുകളും 20-35 ശതമാനം പ്രോട്ടീനും ഉള്ള ഭക്ഷണക്രമം ശീലമാക്കുക. ഇത് ഇൻസുലിൻ പ്രതിരോധം കുറയ്ക്കാൻ സഹായിക്കും. വിശപ്പ് കുറയ്ക്കുന്നതിന് പ്രോട്ടീൻ സഹായിക്കുന്നു. കൂടാതെ, ആരോഗ്യകരമായ കൊഴുപ്പ് വിശപ്പ് കുറയ്ക്കുകയും ശരീരത്തിലെ കൊഴുപ്പ് നഷ്ടപ്പെടാൻ സഹായിക്കുകയും ചെയ്യുന്നു. ശരീരഭാരം കുറയ്ക്കാൻ സഹായിക്കുന്ന കുടലിലെ നല്ല ബാക്ടീരിയകളുടെ വളർച്ചയെ പ്രോബയോട്ടിക്സ് സഹായിക്കുന്നു. തൈര്, തൈര്, ഇഡ്ഡലി, ദോശ തുടങ്ങിയ ഭക്ഷണങ്ങളിൽ ധാരാളം പ്രോബയോട്ടിക്സ് അടങ്ങിയിട്ടുണ്ട്.
സംസ്കരിച്ച ഭക്ഷണങ്ങളായ ചിപ്സ്, കേക്കുകൾ, ചോക്കലേറ്റുകൾ, ശുദ്ധീകരിച്ച ധാന്യങ്ങൾ എന്നിവ ഒഴിവാക്കുകയോ പരിമിതപ്പെടുത്തുകയോ വേണം. ആരോഗ്യകരമായ ഭക്ഷണക്രമം പിന്തുടരുക. ജങ്ക് ഫുഡ്, ഫാസ്റ്റ് ഫുഡ് എന്നിവ പൂർണമായും ഒഴിവാക്കുക.
ആഴ്ചയിൽ മൂന്ന് ദിവസമെങ്കിലും ഏകദേശം 45-60 മിനിറ്റ് കാർഡിയോ അല്ലെങ്കിൽ എയ്റോബിക് വ്യായാമം ചെയ്യുക. ഇത് ഇൻസുലിൻ പ്രതിരോധം മെച്ചപ്പെടുത്തുന്നതിലും ടെസ്റ്റോസ്റ്റിറോൺ അളവ് കുറയ്ക്കുന്നതിലും പ്രവർത്തിക്കുന്നു. സ്‌ട്രെസ് ഹോർമോണുകൾ കൂടുന്തോറും ഇൻസുലിൻ പ്രതിരോധം വർദ്ധിക്കും. നടത്തം യോഗയും ധ്യാനവും സമ്മർദ്ദം കുറയ്ക്കാൻ സഹായിക്കുന്നു. മോശം ഉറക്കം അമിതവണ്ണത്തിലേക്ക് നയിക്കുന്നു. 6 മണിക്കൂറിൽ കൂടുതൽ ഉറങ്ങുന്നവരിൽ പൊണ്ണത്തടി ഉണ്ടാകാനുള്ള സാധ്യത കുറവാണ്. ഉറക്കക്കുറവ് കൂടുന്തോറും വിശപ്പ് കൂടും.
പിസിഒഎസ് പ്രശ്നം പരിഹരിക്കാൻ ശീലമാക്കൂ ഈ പാനീയങ്ങൾ...
അമിതവണ്ണം, മുടി കൊഴിച്ചിൽ, ക്രമരഹിതമായ ആർത്തവചക്രം, മുഖത്ത് രോമങ്ങൾ ഉണ്ടാവുക എന്നിവ പിസിഒഎസുമായി ബന്ധപ്പെട്ടിരിക്കുന്നു. പിസിഒഎസിനെ നിയന്ത്രിക്കാൻ സമീകൃതവും പോഷകമ്പുഷ്ടവുമായ ഭക്ഷണക്രമം പിന്തുടരാനും പതിവായി വ്യായാമം ചെയ്യാനും ഡോക്ടർമാർ നിർദേശിക്കുന്നു. ആരോഗ്യകരമായ പാനീയങ്ങൾ കുടിക്കുന്നത് പിസിഒഎസ് ലക്ഷണങ്ങൾ കുറയ്ക്കാൻ സഹായിക്കുന്നു. പിസിഒഎസ് പ്രശ്നം പരിഹരിക്കാൻ കുടിക്കേണ്ട ചില പാനീയങ്ങൾ ഏതൊക്കെയാണെന്ന് അറിയാം...
ജീരക വെള്ളം...
ഭക്ഷണങ്ങളിൽ നമ്മൾ ജീരകം ഉപയോഗിക്കാറുണ്ട്. ആന്റി ഓക്‌സിഡന്റുകളുടെ കലവറയായ ജീരകം പിസിഒഎസിനെ നിയന്ത്രിക്കാനുള്ള നല്ലൊരു ചേരുവയാണ്. പിസിഒഎസ് അലട്ടുന്നവർ ദിവസവും ജീരക വെള്ളം കുടിക്കുന്നത് ശീലമാക്കുക. പിസിഒഎസ് പ്രശ്നമുള്ളവർക്ക് ഇടയ്ക്കിടെ ബ്ലീഡിംഗ് ഉണ്ടാകും. അതിന് പരിഹാരമാണ് ജീരകം. ഇത് അയേണ്‍ സമ്പുഷ്ടമാണ്. മാത്രമല്ല, പിസിഒഎസ് പ്രശ്നം നേരിടുന്നവരിൽ ദഹന പ്രശ്‌നങ്ങള്‍ക്കും കോശങ്ങള്‍ക്ക് അകത്തെ ഇന്‍ഫ്‌ളമേഷന്‍ കുറയ്ക്കാനും ഇതു നല്ലതാണ്. ഹോര്‍മോണ്‍ അസന്തുലിതാവസ്ഥയ്ക്കും ഇതു നല്ലൊരു പരിഹാരമാണ്.
ഉലുവ വെള്ളം...
ഉലുവ ചർമ്മം, മുടി, ഹോർമോൺ ആരോഗ്യം എന്നിവയുമായി ബന്ധപ്പെട്ടിരിക്കുന്നു. ഒരു സ്പൂൺ ഉലുവ വെള്ളത്തിലിട്ട് കുതിർത്ത ശേഷം ആ ഉലുവ വെള്ളം കുടിക്കുന്നത് പിസിഒഎസ് ലക്ഷണങ്ങൾ കുറയ്ക്കാൻ സഹായിക്കും. ഇൻസുലിൻ സംവേദനക്ഷമത മെച്ചപ്പെടുത്തുന്നതിനു പുറമേ, ഈ പാനീയം അണ്ഡാശയത്തെ ആരോഗ്യത്തോടെ നിലനിർത്താനും ആർത്തവം ക്യത്യമാകാനും സഹായിക്കും.
മുരിങ്ങയില വെള്ളം...
മുരിങ്ങ ആരോഗ്യത്തിന് മികച്ചതാണെന്ന് നമ്മുക്കറിയാം. ഉറങ്ങുന്നതിന് മുമ്പോ ശേഷമോ ഒരു ഗ്ലാസ്സ് മുരിങ്ങയില വെള്ളം കുടിക്കുന്നത് പിസിഒഎസ് ലക്ഷണങ്ങൾ കുറയ്ക്കാനും ചർമ്മത്തിന്റെ ആരോഗ്യത്തിനും മികച്ചൊരു പ്രതിവിധിയാണ്. ആൻഡ്രോജന്റെ അളവ് കുറയ്ക്കുന്നതിലും ആർത്തവ പ്രശ്നങ്ങൾ അകറ്റാനും ഈ പാനീയം ഫലപ്രദമാണ്.
വണ്ണം കുറയ്ക്കണോ? കലോറി കുറഞ്ഞ ഈ ഭക്ഷണങ്ങൾ കഴിക്കൂ
