'ഒരുമിച്ച് ഒത്തിരി സന്തോഷം'; മയോനിയെ ചേർത്തണച്ച് ​ഗോപി സുന്ദർ, പതിവ് പോലെ കമന്റ് ബോക്സ് ഓഫ്

സോഷ്യൽ മീഡിയയിൽ സജീവമായ ​ഗോപി സുന്ദറിന് പലപ്പോഴും വിമർശനങ്ങൾ കേൾക്കേണ്ടി വന്നിട്ടുണ്ട്. വ്യക്തി ജീവിതവുമായി ബന്ധപ്പെട്ടാണ് ഇവയിൽ ഏറെയും. തന്റെ പെൺ സുഹൃത്തുക്കൾക്ക് ഒപ്പം പങ്കുവയ്ക്കുന്ന ഫോട്ടോകളാണ് വിമർശനങ്ങള്‍ക്കും ട്രോളുകൾക്കും കാരണമാകുന്നത്. ഇവയ്ക്ക് ചിലപ്പോൾ മറുപടിയും ​ഗോപി സുന്ദർ നൽകാറുണ്ട്. 
 

അത്തരത്തിൽ ആർട്ടിസ്റ്റ് ആയ മയോനിയ്ക്ക് ഒപ്പമുള്ളൊരു ​ഗോപി സുന്ദറിന്റെ ഫോട്ടോയാണ് ശ്രദ്ധനേടുന്നത്. ബീച്ച് സൈഡിൽ നിന്നുമുള്ളതാണ് ഫോട്ടോ. "ഒരുമിച്ച് ഒത്തിരി സന്തോഷം", എന്നാണ് ഫോട്ടോയ്ക്ക് ഒപ്പം ​ഗോപി സുന്ദർ കുറിച്ചത്. പതിവ് പോലെ കമന്റ് ബോക്സ് ഓഫ് ചെയ്തിട്ടുമുണ്ട്. 

കഴിഞ്ഞ വർഷമാണ് മയോനിക്ക് ഒപ്പമുള്ള ഫോട്ടോ ​ഗോപി സുന്ദർ സോഷ്യൽ മീഡിയയിൽ പങ്കിട്ടത്. മയോനിയുടെ യഥാർത്ഥ പേര് പ്രിയ നായർ എന്നാണ്. എങ്ങനെ സ്നേഹിക്കണമെന്നും എങ്ങനെ ജീവിക്കണമെന്നും പഠിപ്പിച്ചയാളാണ് ​ഗോപി സുന്ദറെന്നായിരുന്നു അന്ന് മയോനി കുറിച്ചത്. 

ശേഷം പലപ്പോഴും മയോനിക്കൊപ്പമുള്ള ഫോട്ടോകൾ ​ഗോപി സുന്ദർ പങ്കിടാറുണ്ട്. കലർപ്പില്ലാത്ത ശുദ്ധമായ കഴിവും പോസിറ്റിവിറ്റിയും നിറഞ്ഞ ആളാണ് ഇദ്ദേഹം. ഒരു പക്ഷിയെ പോലെ പറന്ന് ജീവിതമെന്ന യാത്ര തുടരുന്നു. സം​ഗീതത്തിലൂടെ മാന്ത്രികത സൃഷ്ടിക്കുന്നുവെന്നായിരുന്നു മറ്റൊരിക്കൽ ​ഗോപിയെ കുറിച്ച് മയോനി കുറിച്ചത്.