Cervical cancer Symptoms : സെര്‍വിക്കല്‍ ക്യാന്‍സര്‍; അവഗണിക്കരുത് ഈ ലക്ഷണങ്ങൾ
സ്തനാര്‍ബുദം പോലെ തന്നെ സ്ത്രീകള്‍ക്ക് ഏറെ അപകടകരമായ ഒന്നാണ് സെര്‍വിക്കല്‍ ക്യാന്‍സര്‍. 'ഹ്യൂമന്‍ പാപ്പിലോമ വൈറസ്' (എച്ച്പിവി) ആണ് ഈ രോഗത്തിന് കാരണമാകുന്നത്. സ്പർശനത്തിലൂടെയും ലൈംഗിക ബന്ധത്തിലൂടെയുമാണ് ഈ വൈറസ് പകരുന്നത്.
Followഗര്‍ഭപാത്രത്തിന്റെ ഏറ്റവും താഴെയുള്ള ഭാഗത്തിനെയാണ് സെര്‍വിക്സ് അഥവാ ഗര്‍ഭാശയ മുഖം എന്നു പറയുന്നത്. വളരെ വൈകിയാകും ലക്ഷണങ്ങൾ പ്രകടമാകുന്നത്. 45 വയസ്സിന് മുകളിലുള്ള സ്ത്രീകൾക്ക് സെര്‍വിക്കല്‍ ക്യാന്‍സര്‍ ഉണ്ടാകാനുള്ള സാധ്യത കൂടുതലാണെന്ന് പഠനങ്ങൾ വ്യക്തമാക്കുന്നു.
ഇന്ത്യയിൽ പ്രതിവർഷം 1.2 ലക്ഷത്തിലധികം സ്ത്രീകളിൽ ഈ രോഗം കണ്ടെത്തുന്നു. മരണനിരക്ക് 50 ശതമാനത്തിൽ കൂടുതലാണ്. 15 നും 44 നും ഇടയിൽ പ്രായമുള്ള ഇന്ത്യൻ സ്ത്രീകളിൽ ഏറ്റവും സാധാരണമായ രണ്ടാമത്തെ അർബുദമാണ് സെർവിക്കൽ ക്യാൻസർ.
സെർവിക്കൽ ക്യാൻസർ സാവധാനത്തിൽ വികസിക്കുന്ന ഒരു രോഗമാണെങ്കിലും, നേരത്തെ കണ്ടെത്തിയില്ലെങ്കിൽ, വയറ്, കരൾ, മൂത്രസഞ്ചി അല്ലെങ്കിൽ ശ്വാസകോശം എന്നിങ്ങനെ ശരീരത്തിന്റെ മറ്റ് ഭാഗങ്ങളിലേക്ക് ഇത് വ്യാപിച്ചേക്കാമെന്ന് ഓൺക്വെസ്റ്റ് ലബോറട്ടറീസ് ലിമിറ്റഡ് സെർവിക്കൽ ക്യാൻസർ ലാബ് ഡയറക്ടർ ഡോ. ശിവാലി അഹ്‌ലാവത് പറഞ്ഞു.
low sex
ലൈംഗിക ബന്ധത്തിന് ശേഷം യോനിയിൽ രക്തസ്രാവം, ആർത്തവവിരാമത്തിനു ശേഷമുള്ള രക്തസ്രാവം, ദുർഗന്ധം വമിക്കുന്ന യോനിയിൽ നിന്നുള്ള ഡിസ്ചാർജ്, ലൈംഗിക ബന്ധത്തിനിടെ വേദന, മൂത്രമൊഴിക്കുമ്പോൾ വേദന, ക്ഷീണം, ഭാരം കുറയുക, വിശപ്പ് കുറയുക എന്നിവയും സെർവിക്കൽ ക്യാൻസറിന്റെ മറ്റ് ലക്ഷണങ്ങളാണെന്ന് ഡോ.ശിവാലി പറഞ്ഞു.
cervical cancer
സെർവിക്കൽ ക്യാൻസറിന്റെ ലക്ഷണങ്ങളെയും അടയാളങ്ങളെയും കുറിച്ചുള്ള അവബോധം, പാപ് സ്മിയർ സ്ക്രീനിംഗ്, മോളിക്യുലാർ ടെസ്റ്റുകൾ എന്നിവയിലൂടെ നേരത്തെയുള്ള കണ്ടെത്തൽ ഈ രോഗത്തിൽ നിന്നുള്ള മരണനിരക്ക് കുറയ്ക്കുന്നതിന് വളരെയധികം സഹായിക്കും.
