ദുരന്തമുഖങ്ങളില്‍ മാനുഷിക മുഖം അന്വേഷിച്ച ക്യാമറ ; ഡാനിഷ് സിദ്ദിഖി
അഫ്ഗാനില്‍ നിന്നുള്ള അമേരിക്കയുടെ പിന്മാറ്റത്തില്‍ ഇന്ത്യയ്ക്ക് സംഭവിച്ച ഏറ്റവും വലിയ ദുഃഖമാണ് ഡാനിഷ് സിദ്ദിഖി എന്ന ഫോട്ടോജേര്‍ണലിസ്റ്റിന്‍റെ മരണം. കാന്ദഹാർ നഗരത്തിലെ സ്പിൻ ബോൾഡക് ജില്ലയിൽ താലിബാനും തീവ്രവാദികളും അഫ്ഗാന്‍ സേനയും തമ്മില്‍ ഇന്ന് രാവിലെ നടന്ന ഏറ്റുമുട്ടലിനിടെയാണ് ഡാനിഷ് സിദ്ദിഖി കൊല്ലപ്പെട്ടത്. റോയിറ്റേഴ്സിന്‍റെ യുദ്ധകാര്യ ഫോട്ടോഗ്രാഫറായി അഫ്ഗാൻ പ്രത്യേക സേനയിൽ അംഗമായിരിക്കെയാണ് അദ്ദേഹത്തിന്‍റെ മരണം. റോയിറ്റേഴ്സ് തങ്ങളുടെ സൈറ്റിലെ ഡാനിഷ് സിദ്ദിഖിയുടെ പേജില്‍ ഇങ്ങനെ കൊടുത്തിരിക്കുന്നു. 'ബിസിനസ്സ് മുതൽ രാഷ്ട്രീയം, സ്പോർട്സ് വരെയുള്ള വാര്‍ത്തകളെടുക്കുമ്പോള്‍ ഞാന്‍ ഏറ്റവും ആസ്വദിക്കുന്നത് തകർന്ന കഥയുടെ മനുഷ്യമുഖം പകർത്തുമ്പോഴാണ്.' ഇത് തന്നെയായിരുന്നു ഡാനിഷിനെ സംബന്ധിച്ച് ഓരോ ഫോട്ടോഗ്രാഫുകളും. അദ്ദേഹത്തിന്‍റെ ആ 'തകർന്ന കഥയുടെ മനുഷ്യമുഖം' തന്നെയാണ് വര്‍ത്തമാനകാല ഇന്ത്യന്‍ യാഥാര്‍ത്ഥ്യങ്ങളെ ലോകത്തിന് മുന്നില്‍ ചോദ്യം ചെയ്യിച്ചതും. ഡാനിഷ് സിദ്ദിഖിയുടെ നിര്യാണത്തിൽ അഫ്ഗാനിസ്ഥാൻ ഇന്ത്യയിലെ അംബാസഡർ ഫരീദ് മാമുന്ദ്‌സെ അനുശോചനം രേഖപ്പെട്ടുത്തി.
മുംബൈ സ്വദേശിയായ ഡാനിഷ്, ജാമിയ മില്ലിയിലെ സാമ്പത്തിക ശാസ്ത്ര വിദ്യാര്‍ത്ഥിയായിരുന്നു. പഠനാനന്തരം പത്രപ്രവര്‍ത്തകനായാണ് ഔദ്ധ്യോഗീക ജീവിതം ആരംഭിച്ചത്. എന്നാല്‍ അധികം താമസിക്കാതെ അദ്ദേഹം ഫോട്ടോജേര്‍ണലിസത്തിലേക്ക് കടന്നു. പിന്നീട് റോയിറ്റേഴ്സിന്‍റെ ഫോട്ടോഗ്രാഫറായി. തുടര്‍ന്നിങ്ങോട്ട് ഡാനിഷ് പകര്‍ത്തിയ ചിത്രങ്ങളിലെല്ലാം വേദനിക്കുന്ന മനുഷ്യന്‍റെ മുഖങ്ങളായിരുന്നു. ചിലപ്പോള്‍ പ്രകൃതിയുടെ ദുരന്തങ്ങളില്‍, മറ്റ് ചിലപ്പോള്‍ ഭരണാധികാരികളുടെ തലതിരിഞ്ഞ നിതീ വ്യവസ്ഥയില്‍... എല്ലാം അയാള്‍ ഒപ്പിയെടുത്തത് ദുരന്തമുഖങ്ങളായിരുന്നു. ആ ദുരന്തമുഖങ്ങളുടെ തീവ്രതയില്‍ കാഴ്ചകളോരോന്നും ഉള്ളുരുക്കി. അദ്ദേഹത്തിന്‍റെ ചിത്രങ്ങള്‍ കാണാം.
അഫ്ഗാന്‍ യുദ്ധത്തിനിടെ താനടക്കമുള്ള അഫ്ഗാന്‍ സൈനീകര്‍ സഞ്ചരിച്ച വാഹനത്തില്‍ ഗ്രനൈഡ് എറിഞ്ഞപ്പോള്‍ അദ്ദേഹം പകര്‍ത്തിയ ചിത്രങ്ങളും വീഡിയോയും.
)
Followഡാനിഷ് തന്‍റെ ഇന്‍സ്റ്റാഗ്രാമില്‍ പ്രസിദ്ധീകരിച്ച അവസാന ചിത്രങ്ങളിലൊന്ന്. ' യുദ്ധ ദൗത്യങ്ങൾ മുതൽ രക്ഷാപ്രവർത്തനങ്ങൾ വരെ. അഫ്ഗാൻ പ്രത്യേക സേന താലിബാനെ ശക്തമായി പിന്നോട്ട് തള്ളാൻ പറ്റുന്നതെല്ലാം ചെയ്യുന്നു. ' ഈ ചിത്രങ്ങള്‍ അമേരിക്കയുടെ പിന്‍മാറ്റത്തിന് ശേഷം അഫ്ഗാനില്‍ ശക്തിപ്രാപിക്കാനൊരുങ്ങുന്ന താലിബാനെതിരെയുള്ള അഫ്ഗാന്‍ സൈന്യത്തിന്‍റെ പോരാട്ടമായിരുന്നു. ഈ ദൌത്യത്തിനിടയിലാണ് അദ്ദേഹം കൊല്ലപ്പെടുന്നത്.
)
ഇറാഖിലെ പടിഞ്ഞാറൻ മൊസൂളിൽ ഇറാഖി കൌണ്ടർ ടെററിസം സർവീസ് (സിടിഎസ്) സേനയും ഇസ്ലാമിക് സ്റ്റേറ്റ് തീവ്രവാദികളും തമ്മിലുള്ള ഏറ്റുമുട്ടലിനിടെ പലായനം ചെയ്യുന്ന ഇറാഖികൾ.
ഇറാഖിലെ പടിഞ്ഞാറൻ മൊസൂളിൽ ഇസ്ലാമിക് സ്റ്റേറ്റ് പോരാളികളുമായി ഏറ്റുമുട്ടുന്നതിനിടെ ഇറാഖി ഫെഡറൽ പൊലീസ് അംഗം ഗ്രനേഡ് എറിയുന്നു.
ബോട്ടിൽ ബംഗാൾ ഉൾക്കടൽ വഴി ബംഗ്ലാദേശ്-മ്യാൻമർ അതിർത്തി കടന്ന് ബംഗ്ലാദേശിലെ ഷാ പോരിർ ദ്വീപ്പിലെ കരയിലേക്ക് നടക്കുമ്പോൾ ഒരു റോഹിംഗ്യൻ അഭയാർഥി കുട്ടിയെ വലിച്ചിഴക്കുന്നു.
ബംഗാൾ ഉൾക്കടലിലൂടെ അതിദീര്‍ഘവും ദുരന്തപൂര്‍ണ്ണവുമായ പലായനത്തിനൊടുവില്‍ ബംഗ്ലാദേശ്-മ്യാൻമർ അതിർത്തി കടന്ന് ബംഗ്ലാദേശിലെ ഷാ പോരിർ ദ്വീപ്പിൽ കരയിൽ തൊട്ടുന്ന റോഹിംഗ്യൻ അഭയാർഥി വനിത.
മുംബൈയിലെ അറേബ്യന്‍ തീരത്ത് അതിരാവിലെ വ്യായാമം ചെയ്യുന്നയാള്‍.
മുംബൈയില്‍ മുഹറം ഘോഷയാത്രയിൽ പങ്കെടുത്ത ഒരു ഷിയ മുസ്ലീം പുരുഷന്‍റെ അഷുര ആഘോഷത്തില്‍ നിന്ന്.
ഇന്ത്യയിലെ ജെജൂരിയിലെ ഒരു ക്ഷേത്രത്തിൽ 'സോംവതി അമാവസി'യില്‍ രഥഘോഷയാത്രയ്ക്കിടെ മഞ്ഞള്‍പ്പൊടിയെറിയുന്ന ഭക്തര്‍.
ഇന്ത്യയിലെ കര്‍ഷക സമരത്തെ പിന്തുണച്ചുവെന്നതിന്‍റെ പേരില്‍ കാലാവസ്ഥാ വ്യതിയാനത്തിനെതിരെ പ്രവര്‍ത്തിക്കുന്ന കൌമാരക്കാരിയായ ഗ്രേറ്റാ തുംബര്‍ഗിന്‍റെ ചിത്രം അഗ്നിക്കിരയാക്കുന്ന ഹിന്ദു മുന്നണിയിലെ പ്രവർത്തകർ.
കര്‍ഷക സമരത്തില്‍ പങ്കെടുക്കാനെത്തിയ ജനസഞ്ചയം.
കൊവിഡ് കാലത്ത് നടന്ന ഒരു കുംഭമേളയില്‍ നിന്ന്.
2021 ഏപ്രിൽ 22 ന് കൊറോണ വൈറസ് രോഗം മൂലം ഇന്ത്യയില്‍ മരണമടഞ്ഞ ആളുകളുടെ ശവസംസ്കാര ചിത്രങ്ങള്‍. ന്യൂഡൽഹിയിലെ ഒരു ശ്മശാന മൈതാനത്ത് നിന്ന്.
2021 ഏപ്രിൽ 22 ന് കൊറോണ വൈറസ് രോഗം മൂലം ഇന്ത്യയില്‍ മരണമടഞ്ഞ ആളുകളുടെ ശവസംസ്കാര ചിത്രങ്ങള്‍. ന്യൂഡൽഹിയിലെ ഒരു ശ്മശാന മൈതാനത്ത് നിന്ന്.
ഉള്ളുലച്ച ഇന്ത്യന്‍ കൊവിഡ് രോഗാശുപത്രി ചിത്രങ്ങള്‍.
ഇന്ത്യയില്‍ കൊവിഡ് രണ്ടാം തരംഗം രൂക്ഷമായപ്പോള്‍ ഡാനിഷ് പകര്‍ത്തിയ ചിത്രങ്ങളാണ് ഇന്ത്യന്‍ തലസ്ഥാനമായ ദില്ലിയില്‍ കൊവിഡ് എത്രമാത്രം രൂക്ഷമായിരുന്നെന്ന് ലോകത്തിന് കാണിച്ച് കൊടുത്തത്. മോദി സര്‍ക്കാറിന്‍റെ കൊവിഡ് നിയന്ത്രണങ്ങളിലെ പരാജയമായിരുന്നു ആ ചിത്രങ്ങളില്‍ പ്രതിഫലിച്ചിരുന്നത്.
മുംബൈയിൽ നാവികസേനാ ആഘോഷത്തിന് മുന്നോടിയായി നടന്ന ഒരു റിഹേഴ്സലിനിടെ ഒരു ഇന്ത്യൻ നേവി മറൈൻ കമാൻഡോ തന്‍റെ കഴിവുകൾ പ്രദര്‍ശിപ്പിക്കുന്നു.
ഇറാഖ് സൈന്യം ഇസ്ലാമിക് സ്റ്റേറ്റ് പോരാളികളുമായി കനത്ത പോരാട്ടത്തിൽ ഏർപ്പെടുന്ന ഒരു മുൻനിരയ്ക്ക് സമീപത്ത് നിന്ന് ഡാനിഷ് സിദ്ദഖി.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്ക് ഈ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
