Realme C35 : റിയല്‍മി സി35 ഇന്ത്യയില്‍ ഇറങ്ങുന്നു; വിലയും പ്രത്യേകതയും
50 എംപി എഐ ട്രിപ്പിള്‍ ക്യാമറ സെറ്റപ്പാണ് ഈ ഫോണിന് പിന്നില്‍ ഉണ്ടാകുക. സി സീരിസിലെ ആദ്യത്തെ 6.6 ഇഞ്ച് എഫ്എച്ച്ഡി സ്ക്രീനോടെയാണ് ഈ ഫോണ്‍ എത്തുക.
 )
Followറിയല്‍മീയുടെ വിലകുറഞ്ഞ സ്മാര്‍ട്ട്ഫോണ്‍ ശ്രേണിയാണ് റിയല്‍മി സി സീരിസ് (Realme C Series). ഇതിലെ ഏറ്റവും പുതിയ സ്മാര്‍ട്ട്ഫോണ്‍ റിയല്‍മീ സി35 (Realme C35) മാര്‍ച്ച് ഏഴിന് പുറത്തിറക്കും എന്നാണ് റിയല്‍മി അറിയിച്ചിരിക്കുന്നത്. മാര്‍ച്ച് 7ന് ഫ്ലിപ്പ്കാര്‍ട്ട് (Flipkart) വഴിയായിരിക്കും ഈ ഫോണ്‍ പുറത്തിറങ്ങുക. സി35 ഏറ്റവും പുതിയ ഡിസൈനും, പുത്തന്‍ ഡിസ്പ്ലേയിലുമാണ് ഇറങ്ങുന്നത്. കൂടിയ ബാറ്ററിയും, കരുത്തുറ്റ പ്രകടനവും, കൃത്യതയാര്‍ന്ന ക്യാമറ പ്രകടനവും ഈ ഫോണ്‍ നല്‍കും എന്നാണ് റിയല്‍മി അവകാശവാദം.
50 എംപി എഐ ട്രിപ്പിള്‍ ക്യാമറ സെറ്റപ്പാണ് ഈ ഫോണിന് പിന്നില്‍ ഉണ്ടാകുക. സി സീരിസിലെ ആദ്യത്തെ 6.6 ഇഞ്ച് എഫ്എച്ച്ഡി സ്ക്രീനോടെയാണ് ഈ ഫോണ്‍ എത്തുക. ഏറ്റവും നേരിയതും, ഏറ്റവും ഭാരക്കുറവും ഉള്ള സി സീരിസ് ഫോണായിരിക്കും ഇത്- ഇതൊക്കെയാണ് റിയല്‍മി അവകാശവാദം.
ആന്‍ഡ്രോയ്ഡ് 11 ഓപ്പറേറ്റിംഗ് സിസ്റ്റമായിരിക്കും ഈ ഫോണിന് ഉണ്ടാകുക. 4,500 എംഎഎച്ച് ബാറ്ററി ശേഷിയാണ് ഈ ഫോണിന് ഉണ്ടാകുക. 18W ചാര്‍ജര്‍ ഫോണിനൊപ്പം ബോക്സില്‍ റിയല്‍മി സി35 നല്‍കുന്നു. 3.5 എംഎം ഓഡിയോ ജാക്ക് ഈ ഫോണിന് ഉണ്ട്.
സി 35 അല്ലാതെ സീരിസ് 9 സ്മാര്‍ട്ട്ഫോണും ഇന്ത്യന്‍ വിപണിയില്‍ റിയല്‍മി ഇറക്കും എന്നാണ് വിവരം. മാര്‍ച്ച് 10നായിരിക്കും നോണ്‍ പ്രോ സ്മാര്‍ട്ട്ഫോണ്‍ ശ്രേണിയില്‍ പെടുന്ന രണ്ട് പുതിയ ഫോണുകള്‍ ഇറങ്ങുക. പുതിയ സ്മാര്‍ട്ട് വാച്ചും ഇതിനൊപ്പം പുറത്തിറങ്ങും എന്നാണ് സൂചന.
150 W ചാര്‍ജിംഗ് സംവിധാനമുള്ള ജിടി 2 പ്രോ കഴിഞ്ഞ മൊബൈല്‍ വേള്‍ഡ് കോണ്‍ഗ്രസ് 2022 വില്‍ റിയല്‍മി അവതരിപ്പിച്ചിരുന്നു. സ്നാപ്ഡ്രാഗണ്‍ 8 ജെന്‍ 1 ചിപ്പ് സെറ്റ് ഈ ഫോണിനല്‍ ഉണ്ട്. ഇതിന് പുറമെ ജിടി നിയോ 3 എന്ന സ്മാര്‍ട്ട്ഫോണും റിയല്‍മി പ്രഖ്യാപിച്ചിട്ടുണ്ട്.
റിയല്‍മി സി35 നേരത്തെ പുറത്തിറങ്ങിയ തായ്ലാന്‍റില്‍ 13,200 രൂപയ്ക്കാണ് ഈ ഫോണിന്റെ വില ആരംഭിക്കുന്നത്. അതിനാല്‍ തന്നെ ഇന്ത്യയില്‍ ഏതാണ്ട് 11,000 രൂപയ്ക്ക് അടുത്ത് അടിസ്ഥാന വില ഈ ഫോണിന് പ്രതീക്ഷിക്കുന്നു. അതേ സമയം ഇതിന്‍റെ കൂടിയ പതിപ്പിന് 14,000 രൂപയോളമാണ് ഇന്ത്യയില്‍ പ്രതീക്ഷിക്കുന്നത്.
റിയല്‍മി നാര്‍സോ 50
റിയല്‍മി നാര്‍സോ 50 (Realme Narzo 50) ഇന്ത്യയില്‍ 12,999 രൂപ വിലയില്‍ അവതരിപ്പിച്ചു. ഉയര്‍ന്ന റിഫ്രഷ് ഡിസ്പ്ലേ, വലിയ 5,000 എംഎഎച്ച് ബാറ്ററി, 50 മെഗാപിക്‌സല്‍ ട്രിപ്പിള്‍ റിയര്‍ ക്യാമറ സജ്ജീകരണം എന്നിവയും അതിലേറെയും ഉള്ള കമ്പനിയുടെ ഏറ്റവും പുതിയ 4ജി സ്മാര്‍ട്ട്ഫോണാണിത്.
റിയല്‍മി നാര്‍സോ 50 ന്റെ ഇന്ത്യയിലെ വില 12,999 രൂപയില്‍ നിന്ന് ആരംഭിക്കുന്നു. ഇത് 4ജിബി റാം + 64ജിബി സ്റ്റോറേജ് മോഡലിന്റേതാണ്. 6 ജിബി റാം + 128 ജിബി സ്റ്റോറേജ് വേരിയന്റും കമ്പനി പുറത്തിറക്കിയിട്ടുണ്ട്, ഇതിന് രാജ്യത്ത് 15,499 വിലയുണ്ട്. ഫോണ്‍ മാര്‍ച്ച് 3 ന് വില്‍പ്പനയ്ക്കെത്തും. കൂടാതെ Flipkart, Realme.com എന്നിവയിലൂടെ വാങ്ങാന്‍ ലഭ്യമാകും.
സ്‌പെസിഫിക്കേഷനുകളെ സംബന്ധിച്ചിടത്തോളം, പുതുതായി പുറത്തിറക്കിയ റിയല്‍മി നാര്‍സോ 50-ന് 90.8 ശതമാനം സ്‌ക്രീന്‍-ടു-ബോഡി അനുപാതവും 480nits പരമാവധി തെളിച്ചവും 180 ഹേര്‍ട്‌സ് ടച്ച് സാമ്പിള്‍ നിരക്കും ഉള്ള 6.6 ഇഞ്ച് ഡിസ്പ്ലേയുണ്ട്. ഫുള്‍ എച്ച്ഡി+ റെസല്യൂഷനിലാണ് പാനല്‍ പ്രവര്‍ത്തിക്കുന്നത്. ഡിസ്പ്ലേയ്ക്ക് 120 ഹേര്‍ട്‌സ് റിഫ്രഷ് റേറ്റിനുള്ള പിന്തുണയും ഉണ്ട്. ഏറ്റവും പുതിയ റിയല്‍മി ഫോണില്‍ കെവ്ലര്‍ ടെക്സ്ചര്‍ ഡിസൈന്‍ ഉണ്ട്, ഇത് കാറുകളില്‍ നിന്ന് പ്രചോദനം ഉള്‍ക്കൊണ്ടതാണെന്ന് കമ്പനി പറയുന്നു.
ഷവോമിയുടെ റെഡ്മി നോട്ട് 11 പ്രോ സ്മാര്‍ട്ട്ഫോണിന് കരുത്ത് പകരുന്ന മീഡിയടെക് ഹീലിയോ ജി96 ചിപ്സെറ്റിന് ഇതിനുണ്ട്. ഇത് നിലവില്‍ ആഗോള വിപണിയില്‍ ലഭ്യമാണ്, ഈ വര്‍ഷം മാര്‍ച്ചില്‍ ഇന്ത്യയില്‍ അരങ്ങേറ്റം കുറിക്കുമെന്ന് പറയപ്പെടുന്നു. ഇത് ആന്‍ഡ്രോയിഡ് 11 ഔട്ട് ഓഫ് ദി ബോക്സില്‍ പ്രവര്‍ത്തിക്കുന്നു. ഒരു പ്രത്യേക മൈക്രോ എസ്ഡി കാര്‍ഡ് സ്ലോട്ട് ( 1ടിബി വരെ) ഉപയോഗിച്ച് ഇന്റേണല്‍ സ്റ്റോറേജ് വികസിപ്പിക്കാനുള്ള ഓപ്ഷന്‍ റിയല്‍മി നല്‍കിയിട്ടുണ്ട്. 11 ജിബി വരെ ഡൈനാമിക് റാം പിന്തുണയും ഉണ്ട്. ഇതോടെ, ഒരാള്‍ക്ക് അവരുടെ ഫോണിന്റെ സ്റ്റോറേജ് വെര്‍ച്വല്‍ റാമിലേക്ക് പരിവര്‍ത്തനം ചെയ്യാന്‍ കഴിയും. റിയല്‍മി നാര്‍സോ 50 ന് സൈഡ് മൗണ്ടഡ് ഫിംഗര്‍പ്രിന്റ് സെന്‍സര്‍ ഉണ്ട്.
