ഇന്ത്യയില്‍ 10 ലക്ഷം യൂണിറ്റ് വിറ്റ് പോക്കോ സി3, പുതിയ വില ഇങ്ങനെ
ഒപ്റ്റിക്‌സിന്റെ കാര്യത്തില്‍, 13 മെഗാപിക്‌സല്‍ പ്രൈമറി സെന്‍സര്‍, 5 മെഗാപിക്‌സല്‍ അള്‍ട്രാവൈഡ് സെന്‍സര്‍, 2 മെഗാപിക്‌സല്‍ ഡെപ്ത് സെന്‍സര്‍ എന്നിവ അടങ്ങിയ ട്രിപ്പിള്‍ റിയര്‍ ക്യാമറ സജ്ജീകരണം പോക്കോ സി 3 സവിശേഷതയാണ്.
 )
Followപൂച്ചയായി വന്നു പുലിയായി മാറിയ പോക്കോ സി 3 ഇപ്പോള്‍ 1 ദശലക്ഷം (10 ലക്ഷം) യൂണിറ്റുകള്‍ വിറ്റിരിക്കുന്നു. കാര്യമായ ബഹളങ്ങളൊന്നുമില്ലാതെ ഈ നേട്ടത്തിലെത്തിയത് വലിയ സംഭവം തന്നെ. ഇക്കാര്യം പോക്കോ ഔദ്യോഗികമായി അറിയിച്ചതാണ്. ഇന്ത്യയില്‍ ഏറ്റവും മികച്ച ഓണ്‍ലൈന്‍ വില്‍പ്പനയുള്ള മികച്ച 3 ഫോണുകളിലൊന്ന് ഇതാണെന്നും കമ്പനി അവകാശപ്പെട്ടു.
പോക്കോ സി 3 കമ്പനിയില്‍ നിന്നുള്ള എന്‍ട്രി ലെവലാണ്, കൂടാതെ 720-1600 പിക്‌സല്‍ സ്‌ക്രീന്‍ റെസല്യൂഷനുള്ള 6.53 ഇഞ്ച് ഐപിഎസ് എല്‍സിഡി പാനല്‍ ഇത് അവതരിപ്പിക്കുന്നു. വാട്ടര്‍ ഡ്രോപ്പ് നോച്ചും പിന്‍വശത്ത് ഘടിപ്പിച്ച ഫിംഗര്‍പ്രിന്റ് സ്‌കാനറുമാണ് ഇതിന്റെ പ്രത്യേകത. ഇതുകൂടാതെ, ചെറിയ സ്പ്ലാഷുകളില്‍ നിന്ന് പരിരക്ഷിക്കുന്നതിന് ഒരു സ്പ്ലാഷ് റെസിസ്റ്റന്റ് ബോഡിയുമുണ്ട്. പക്ഷേ ഇത് വാട്ടര്‍പ്രൂഫ് അല്ല. പിന്‍ ക്യാമറ ഒരു ചതുര സംവിധാനത്തില്‍ അടുക്കിയിരിക്കുന്നു, അതേസമയം ഫ്രണ്ട് ഷൂട്ടര്‍ വാട്ടര്‍ ഡ്രോപ്പ് നോച്ചില്‍ സ്ഥാപിച്ചിരിക്കുന്നു.
ഒപ്റ്റിക്‌സിന്റെ കാര്യത്തില്‍, 13 മെഗാപിക്‌സല്‍ പ്രൈമറി സെന്‍സര്‍, 5 മെഗാപിക്‌സല്‍ അള്‍ട്രാവൈഡ് സെന്‍സര്‍, 2 മെഗാപിക്‌സല്‍ ഡെപ്ത് സെന്‍സര്‍ എന്നിവ അടങ്ങിയ ട്രിപ്പിള്‍ റിയര്‍ ക്യാമറ സജ്ജീകരണം പോക്കോ സി 3 സവിശേഷതയാണ്. മുന്‍വശത്ത്, ഫോണിന് 5 മെഗാപിക്‌സല്‍ സെല്‍ഫി ഷൂട്ടര്‍ നല്‍കിയിരിക്കുന്നു. 1080പി റെസല്യൂഷന്‍ വരെ വീഡിയോകള്‍ റെക്കോര്‍ഡുചെയ്യാന്‍ ഇതിന് കഴിയും.
മീഡിയാടെക്കിന്റെ ഹീലിയോ ജി 35 ചിപ്‌സെറ്റാണ് ഇതിലുള്ളത്. പവര്‍വിആര്‍ ജിഇ 8320 ജിപിയുവിനൊപ്പം ഒക്ടാകോര്‍ ചിപ്‌സെറ്റും നല്‍കിയിരിക്കുന്നു. മൈക്രോ എസ്ഡി വഴി 512 ജിബി വരെ വികസിപ്പിക്കാവുന്ന 3 ജിബി റാമും 32 ജിബി ഓണ്‍ബോര്‍ഡ് സ്‌റ്റോറേജും ഉള്ള ഇതിന് 10വാട്‌സ് ഫാസ്റ്റ് ചാര്‍ജിംഗിനുള്ള പിന്തുണയോടെ 5000 എംഎഎച്ച് ബാറ്ററിയാണുള്ളത്.
ആന്‍ഡ്രോയിഡ് 10 ന് മുകളില്‍ എംഐയുഐ 11 പ്രവര്‍ത്തിപ്പിക്കുന്നു. കണക്റ്റിവിറ്റിയുടെ കാര്യത്തില്‍, ഡ്യുവല്‍ 4 ജി വോള്‍ട്ട്, വൈഫൈ, 3.5 എംഎം ജാക്ക്, ബ്ലൂടൂത്ത് 5.0, ഹോട്ട്‌സ്‌പോട്ട് എന്നിവയുണ്ട്. 3 ജിബി / 32 ജിബി വേരിയന്റിന് 6,299 രൂപയ്ക്കും പോക്കോ സി 3, 4 ജിബി / 64 ജിബി വേരിയന്റിന് 7,199 രൂപയ്ക്കും (ബാങ്ക് ഓഫറുകള്‍ ഉള്‍പ്പെടുത്തി) ജനുവരി 24 വരെ ഫ്‌ലിപ്കാര്‍ട്ടില്‍ വാങ്ങാം.
