ഐഫോണ്‍ പ്രേമികളെ സന്തോഷിക്കൂ; 15 പ്രോ, പ്രോ മാക്‌സ് ഫോണുകള്‍ക്കും വമ്പന്‍ ഓഫറുകള്‍
184,900 രൂപ യഥാര്‍ഥ വിലയുള്ള ഐഫോണ്‍ 15 പ്രോ 1 ടിബി മോഡല്‍ 160,490 രൂപയ്ക്ക് നിങ്ങളുടെ കൈകളിലെത്തും
 )
Followമുംബൈ: ആപ്പിള്‍ ഫോണുകള്‍ക്ക് വമ്പന്‍ ഓഫര്‍ പ്രഖ്യാപിച്ചിരിക്കുന്ന റീട്ടെയില്‍ ശ്യംഖലയായ വിജയ് സെയില്‍സിന്‍റെ വില്‍പനയില്‍ ഐഫോണ്‍ 15 പ്രോയ്ക്കും, പ്രോ മാക്‌സിനും വിലക്കിഴിവ്. 184,900 രൂപ വിലയുള്ള ഐഫോണ്‍ 15 പ്രോ 1 ടിബിക്ക് 163,490 രൂപയെ ഇപ്പോള്‍ വിലയുള്ളൂ. ഐസിഐസിഐ, എസ്‌ബിഐ കാര്‍ഡുള്ളവര്‍ക്ക് 3,000 രൂപയുടെ അധിക ഡിസ്‌കൗണ്ട് കൂടി ലഭിക്കും. ഇതോടെ 160,490 രൂപയ്ക്ക് ഐഫോണ്‍ 15 പ്രോ 1 ടിബി നിങ്ങളുടെ കൈകളിലെത്തും. ഇതിനൊപ്പം 1226 ലോയല്‍റ്റി പോയിന്‍റുകള്‍ ലഭിക്കും എന്ന സവിശേഷതയുമുണ്ട്.
512 ജിബി സ്റ്റോറേജുള്ള ഐഫോണ്‍ 15 പ്രോയ്ക്ക് 164,900 രൂപയാണ് യഥാര്‍ഥ വില. ഇതിന് 154,990 രൂപയാണ് വിജയ് സെയില്‍സ് ഇപ്പോള്‍ വിലയിട്ടിരിക്കുന്നത്. ഐസിഐസിഐ, എസ്‌ബിഐ കാര്‍ഡ് ഉടമകള്‍ക്ക് ലഭിക്കുന്ന ഓഫര്‍ ഈ ഫോണിനുമുണ്ട്. ഇതുപ്രകാരം 3,000 രൂപ കൂടി കുറയുന്നതോടെ 151,990 രൂപയ്ക്ക് ഐഫോണ്‍ 15 പ്രോ 512 ജിബി കൈകളിലെത്തും. ഐഫോണ്‍ 15 പ്രോ 256 ജിബിക്കും ഓഫറുണ്ട്. ഈ ഐഫോണ്‍ മോഡലിന്‍റെ യഥാര്‍ഥ വില 144,900 രൂപയാണ്. ഇതിന് 135,990 രൂപയാണ് ഇപ്പോള്‍ വിജയ് സെയില്‍സിലെ ഓഫര്‍ വില. 3,000 രൂപ ഐസിഐസിഐ, എസ്‌ബിഐ കാര്‍ഡുടമകളുടെ ഡിസ്‌കൗണ്ട് കൂടി ചേരുമ്പോള്‍ 132,990 രൂപയ്ക്ക് ഫോണ്‍ കൈകളിലെത്തും. 1020 ലോയല്‍റ്റി പോയിന്‍റിന് അവകാശികളാവുകയും ചെയ്യും.
134,900 രൂപ വിലയുണ്ടായിരുന്ന ഐഫോണ്‍ 15 പ്രോ 128 ജിബിക്കും വിജയ് സെയില്‍സ് ഇപ്പോള്‍ ഓഫര്‍ തുക പ്രഖ്യാപിച്ചിട്ടുണ്ട്. 126,990 രൂപ ഓഫര്‍ വിലയ്ക്ക് പുറമെ ഐസിഐസിഐ, എസ്‌ബിഐ കാര്‍ഡ് ഉടമകള്‍ക്കുള്ള 3,000 രൂപ ഡിസ്‌കൗണ്ട് കൂടി ചേരുമ്പോള്‍ 123,990 രൂപയ്ക്ക് ഐഫോണ്‍ 15 പ്രോ 128 ജിബി വാങ്ങാന്‍ കഴിയും. ഉപഭോക്താക്കള്‍ക്ക് 952 ലോയല്‍റ്റി പോയിന്‍റുകള്‍ ലഭിക്കും എന്നതും സവിശേഷതയാണ്. ഇതിനെല്ലാം പുറമെ ഐഫോണ്‍ 15 പ്രോ മാക്‌സ് 1 ടിബി, 512 ജിബി, 256 ജിബി എന്നീ മോഡലുകള്‍ക്കും ഇപ്പോള്‍ വിലക്കിഴിവുണ്ട്. ഐഫോണ്‍ 15 പ്രോ മാക്‌സ് 1 ടിബി എല്ലാ ഡിസ്‌കൗണ്ടുകളും കഴിഞ്ഞ് 174,990 രൂപയ്ക്കും 512 ജിബി 164,990 രൂപയ്ക്കും 256 ജിബി 145,990 രൂപയ്ക്കും ലഭിക്കും. ജൂണ്‍ 17 വരെയാണ് ഓഫറുകള്‍ ലഭിക്കുക.
Read more: വന്‍ ലാഭം, ഐഫോണ്‍ 13, 14 വില കുറഞ്ഞു; വാങ്ങാന്‍ ഇതാണ് ഉചിതമായ സമയം!
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
