Honor Magic 4 Lite : ഹോണര്‍ മാജിക്ക് 4 ലൈറ്റ് പുറത്തിറങ്ങി; വിലയും പ്രത്യേകതയും
ഹോണർ മാജിക് 4 ലൈറ്റ് വില ഇപ്പോള്‍ ഹോണര്‍ ഫോണ്‍ നിര്‍മ്മാതാക്കള്‍ പുറത്ത് വിട്ടിട്ടുണ്ട്.
 )
Followഹോണര്‍ മാജിക്ക് 4 ലൈറ്റ് ഫ്രാന്‍സില്‍ പുറത്തിറങ്ങി. ഹോണര്‍ മാജിക്ക് 4 ലൈറ്റില്‍ സ്നാപ്ഡ്രാഗണ്‍ 695 എസ്ഒസി ചിപ്പാണ് ഉള്ളത്. ഒപ്പം 6.81 ഇഞ്ച് എല്‍സിഡി സ്ക്രീന്‍ ലഭിക്കും. ഇതിന്‍റെ റീഫ്രഷ് നിരക്ക് 120 ഹെര്‍ട്സാണ്. 48 എംപി ട്രിപ്പിള്‍ റെയര്‍ ക്യാമറ സംവിധാനം പിന്നിലുണ്ട്. 66W സ്പീഡ് ചാര്‍ജിംഗ് സംവിധാനം ഈ ഫോണിനുണ്ട്.
ഹോണർ മാജിക് 4 ലൈറ്റ് വില ഇപ്പോള്‍ ഹോണര്‍ ഫോണ്‍ നിര്‍മ്മാതാക്കള്‍ പുറത്ത് വിട്ടിട്ടുണ്ട്. മിഡ്‌നൈറ്റ് ബ്ലാക്ക്, ഓഷ്യൻ ബ്ലൂ, ടൈറ്റാനിയം സിൽവർ നിറങ്ങളില്‍ ഈ സ്മാർട്ട്‌ഫോൺ ലഭ്യമാണ്. ഹോണറിന്‍റെ ഫ്രാൻസിലെ കോർപ്പറേറ്റ് വെബ്‌സൈറ്റുകളില്‍ ഈ ഹാൻഡ്‌സെറ്റ് ലിസ്റ്റുചെയ്തിട്ടുണ്ട്.
കഴിഞ്ഞമാസം അവതരിപ്പിച്ച ഹോണർ X9 5G സ്മാർട്ട്ഫോണിന് സമാനമാണ് ഹോണർ മാജിക് 4 ലൈറ്റിന് സവിശേഷതകള്‍ എന്നാണ് വിവരം. വിവിധ രാജ്യങ്ങളിലെ വിലകളുടെ സൂചന പ്രകാരം മാജിക്ക് 4 ലൈറ്റിന് ഏകദേശം 23,400 രൂപ വില വന്നേക്കും എന്നാണ് വിവരം.
റിപ്പോർട്ട് അനുസരിച്ച്, ഹോണർ മാജിക്ക് 4 ലൈറ്റിന് ഹോണർ എക്‌സ് 30, ഹോണർ എക്‌സ് 9 5 ജി സ്മാർട്ട്‌ഫോണുകള്‍ക്ക് സമാനമായ സവിശേഷതകളുണ്ട്. 6.81 ഇഞ്ച് ഫുൾ-എച്ച്‌ഡി+ (1,080×2,388-പിക്‌സൽ) ഐപിഎസ് എൽസിഡി സ്ക്രീനാണ് ഇതിനുള്ളത്. 120 ഹെർട്‌സിന്റെ റീഫ്രഷ് നിരക്ക് ഈ ഫോണിനുണ്ട്. സ്‌നാപ്ഡ്രാഗൺ 695 SoC ചിപ്പുള്ള ഈ ഫോണില്‍ 6GB റാം ശേഷിയുണ്ട്.
പുതിയ ഹോണർ സ്മാർട്ട്ഫോണിന് മൂന്ന് പിൻ ക്യാമറകളുണ്ട്: 48 മെഗാപിക്സൽ പ്രൈമറി ക്യാമറ, 2 മെഗാപിക്സൽ മാക്രോ ക്യാമറ, 2 മെഗാപിക്സൽ ഡെപ്ത് സെൻസർ. സെൽഫികൾക്കും വീഡിയോ കോളുകൾക്കുമായി 16 മെഗാപിക്സൽ ക്യാമറയും ഫോണിലുണ്ട്.
128 ജിബി ഇന്റേണൽ സ്‌റ്റോറേജാണ് ഈ ഫോണിന്. സ്മാർട്ട്ഫോണിന് 4,800എംഎഎച്ച് ബാറ്ററിയാണ് ഈ ഫോണിനുള്ളത്. 66 വാട്സ് ഹോണർ സൂപ്പർചാർജ് ഫാസ്റ്റ് ചാർജിംഗും ഈ ഫോണിനുണ്ട്.
