യൂറോ കപ്പ് യോഗ്യതാ പോരാട്ടം, പോര്‍ച്ചുഗല്‍ ടീമില്‍ റൊണാള്‍ഡോയും പെപ്പെയും
ഖത്തര്‍ ലോകകപ്പ് ക്വാര്‍ട്ടറില്‍ പോര്‍ച്ചുഗല്‍ മൊറോക്കോയോട് തോറ്റ് പുറത്തായശേഷം റൊണാള്‍ഡോയുടെ രാജ്യാന്തര കരിയര്‍ സംബന്ധിച്ച് അനിശ്ചിതത്വം നിലനിന്നിരുന്നു. ലോകകപ്പില്‍ പല മത്സരങ്ങളിലും മുന്‍ പരിശീലകനായിരുന്ന റോബര്‍ട്ടോ സാന്‍റോസ് റൊണാള്‍ഡോയെ പ്ലേയിംഗ് ഇലവനില്‍ കളിപ്പിച്ചിരുന്നില്ല.
Followലിസ്ബൺ്‍:യൂറോ കപ്പ് യോഗ്യതാ പോരാട്ടങ്ങള്‍ക്കുള്ള പോര്‍ച്ചുഗല്‍ ടീമില്‍ മുന്‍ നായകന്‍ ക്രിസ്റ്റ്യാനോ റൊണാള്‍ഡോ തിരിച്ചെത്തി.യൂറോ കപ്പ് യോഗ്യതാ പോരാട്ടങ്ങളില്‍ ലെചെസ്റ്റെയ്നിയും ലക്സംബര്‍ഗിനെയും നേരിടാനുള്ള പോര്‍ച്ചുഗല്‍ ടീമിലാണ് 38കാരനായ റൊണാള്‍ഡോയെയും കോച്ച് റോബര്‍ട്ട് മാര്‍ട്ടിനെസ് ഉള്‍പ്പെടുത്തിയത്. ഡിയാഗോ ജോട്ടയെയും 40കാരനായ ഡിഫന്‍ഡര്‍ പെപ്പെയെയും മാര്‍ട്ടിനെസ് ടീമിലേക്ക് തിരികെ വിളിച്ചിട്ടുണ്ട്.
ഖത്തര്‍ ലോകകപ്പ് ക്വാര്‍ട്ടറില്‍ പോര്‍ച്ചുഗല്‍ മൊറോക്കോയോട് തോറ്റ് പുറത്തായശേഷം റൊണാള്‍ഡോയുടെ രാജ്യാന്തര കരിയര്‍ സംബന്ധിച്ച് അനിശ്ചിതത്വം നിലനിന്നിരുന്നു. ലോകകപ്പില്‍ പല മത്സരങ്ങളിലും മുന്‍ പരിശീലകനായിരുന്ന റോബര്‍ട്ടോ സാന്‍റോസ് റൊണാള്‍ഡോയെ പ്ലേയിംഗ് ഇലവനില്‍ കളിപ്പിച്ചിരുന്നില്ല. മൊറോക്കോക്കെതിരെ ഒരു ഗോളിന് തോറ്റ ക്വാര്‍ട്ടര്‍ പോരാട്ടത്തില്‍ പോലും ആദ്യ പകുതി തീരുന്നതിന് തൊട്ടു മുമ്പ് മാത്രമാണ് റൊണാള്‍ഡോയെ ഇറക്കാന്‍ കോച്ച് തയാറായത്.
ഇതോടെ പോര്‍ച്ചുഗല്‍ ടീമിലെ റൊണാള്‍ഡോയുടെ ഭാവി സംബന്ധിച്ച് വലിയ ആശങ്ക നിലനിന്നിരുന്നു. എന്നാല്‍ ലോകകപ്പ് തോല്‍വിക്ക് പിന്നാലെ സാന്‍റോസിനെ പുറത്താക്കുകയും മുന്‍ ബെല്‍ജിയം പരിശീലകനായ റോര്‍ട്ടോ മാര്‍ട്ടിനെസിനെ പോര്‍ച്ചുഗല്‍ പരിശീലകനായി നിയമിക്കുകയും ചെയ്തിരുന്നു.ലോകകപ്പിന് പിന്നാലെ ഇംഗ്ലീഷ് പ്രീമിയര്‍ ലീഗ് ക്ലബ്ബ് മാഞ്ചസ്റ്റര്‍ യുണൈറ്റഡില്‍ നിന്ന് പടിയിറങ്ങിയ റൊണാള്‍ഡോ സൗദി പ്രോ ലീഗ് ക്ലബ്ബായ അല്‍ ഹിലാലുമായി മൂന്നര വര്‍ഷത്തെ കരാറിലേര്‍പ്പെട്ടിരുന്നു. യൂറോ കപ്പ് യോഗ്യതാ പോരാട്ടത്തിനുള്ള പോര്‍ച്ചുഗല്‍ ടീം.
46 വാര അകലെ നിന്നൊരു കരിയില; ആഴ്‌സണലിന്‍റെ നെഞ്ച് തകര്‍ത്ത് പെഡ്രോ ഗോണ്‍സാല്‍വസിന്‍റെ ഗോള്‍- വീഡിയോ
ഗോൾകീപ്പർമാർ: ഡിയോഗോ കോസ്റ്റ (പോർട്ടോ), ജോസ് സാ (വോൾവർഹാംപ്ടൺ വാണ്ടറേഴ്സ്), റൂയി പട്രീസിയോ (എഎസ് റോമ).
ഡിഫൻഡർമാർ: ജോവോ കാൻസെലോ (ബയേൺ മ്യൂണിക്ക്), പെപ്പെ (പോർട്ടോ), റൂബൻ ഡയസ് (മാഞ്ചസ്റ്റർ സിറ്റി), അന്റോണിയോ സിൽവ (ബെൻഫിക്ക), ഗോൺകാലോ ഇനാസിയോ (സ്പോർട്ടിംഗ് ലിസ്ബൺ), ഡിയോഗോ ലെയ്‌റ്റ് (യൂണിയൻ ബെർലിൻ) റാഫേൽ ഗ്യുറേറോ (ബൊറൂസിയ ഡാർട്ട്മുണ്ട്), മാഞ്ചസ്റ്റർ യുണൈറ്റഡ്), ഡാനിലോ പെരേര, ന്യൂനോ മെൻഡസ് (പാരീസ് സെന്റ് ജെർമെയ്ൻ).
മിഡ്ഫീൽഡർമാർ: ബെർണാഡോ സിൽവ (മാഞ്ചസ്റ്റർ സിറ്റി), ബ്രൂണോ ഫെർണാണ്ടസ് (മാഞ്ചസ്റ്റർ യുണൈറ്റഡ്), ജോവോ മരിയോ (ബെൻഫിക്ക), ഒട്ടാവിയോ മോണ്ടെറോ (പോർട്ടോ), വിറ്റിൻഹ (പാരീസ് സെന്റ് ജെർമെയ്ൻ), ജോവോ പാൽഹിൻഹ (ഫുൾഹാം), റൂബൻ നെവ്സ്, മാത്യൂസ് ന്യൂൻസ് (വോൾവർഹാം) .
ഫോർവേഡുകൾ: ക്രിസ്റ്റ്യാനോ റൊണാൾഡോ (അൽ-നാസർ), ഗോങ്കലോ റാമോസ് (ബെൻഫിക്ക), ജോവോ ഫെലിക്സ് (ചെൽസി), റാഫേൽ ലിയോ (മിലാൻ), ഡിയോഗോ ജോട്ട (ലിവർപൂൾ)
