കൂടുതല്‍ ഇഷ്ടം സമൂസയുടെ പുറംഭാഗം; വിപണിയിലെത്തിച്ച് ഹോട്ടൽ!
അടുത്തിടെ സ്റ്റാര്‍ട്ടപ് അഡ്‌വൈസറായ ശ്രേയസ്സ് ദോഷി എന്ന യുവാവ് ട്വിറ്ററില്‍ ഒരു വോട്ടെടുപ്പ് നടത്തിയിരുന്നു. സമൂസയുടെ പുറംഭാഗമാണോ ഫില്ലിങ്‌സാണോ ഇഷ്ടമെന്ന് ചോദിച്ചായിരുന്നു ഈ വോട്ടെടുപ്പ്.
 )
Followസമൂസ ഇഷ്ടമല്ലാത്തവരായി ആരുമുണ്ടാകില്ല. കോണ്‍ ആകൃതിയില്‍ ഉള്ളില്‍ ഫില്ലിങ്‌സുകള്‍ നിറച്ച ഈ വിഭവത്തിന് ഇന്ത്യയിലെമ്പാടും ഏറെ ആരാധകരുണ്ട്. വെജ്, നോണ്‍ വെജ് രുചികളില്‍ ഇത് വിപണിയില്‍ ലഭ്യമാണ്. ചിലര്‍ക്ക് സമൂസയുടെ ക്രിസ്പിയായ പുറം ഭാഗമാണ് ഇഷ്ടമെങ്കില്‍ ചിലര്‍ക്ക് ഉള്ളില്‍ നിറച്ച ഫില്ലിങ്‌സുകളോടായിരിക്കും ഇഷ്ടം.
ഈ വിഷയത്തില്‍ അടുത്തിടെ സ്റ്റാര്‍ട്ടപ് അഡ്‌വൈസറായ ശ്രേയസ്സ് ദോഷി എന്ന യുവാവ് ട്വിറ്ററില്‍ ഒരു വോട്ടെടുപ്പ് നടത്തിയിരുന്നു. സമൂസയുടെ പുറംഭാഗമാണോ ഫില്ലിങ്‌സാണോ ഇഷ്ടമെന്ന് ചോദിച്ചായിരുന്നു ഈ വോട്ടെടുപ്പ്. ഇതില്‍ പങ്കെടുത്ത പകുതിയില്‍ അധികം ആളുകളും സമൂസയുടെ പുറംഭാഗമാണ് കൂടുതല്‍ ഇഷ്ടം എന്നായിരുന്നു പറഞ്ഞത്. ഈ വോട്ടെടുപ്പില്‍ നിന്ന് പ്രചോദനം ഉള്‍ക്കൊണ്ട് പുറംഭാഗം മാത്രം വില്‍പ്പനയ്‌ക്കെത്തിച്ചിരിക്കുകയാണ് ബെംഗളൂരുവില്‍ പ്രവര്‍ത്തിക്കുന്ന സമൂസ പാര്‍ട്ടി എന്ന സ്ഥാപനം. ചെറിയൊരു പാത്രത്തിൽ സമൂസയുടെ പുറംഭാഗത്തിനൊപ്പം ചട്‌നിയും ഇവിടെ ലഭിക്കും.
ശ്രേയസ്സ് ദോഷിയുടെ വോട്ടെടുപ്പില്‍ നിന്ന് പ്രചോദനം ഉള്‍ക്കൊണ്ടുകൊണ്ടാണ് ഇങ്ങനെ ഒരു ആശയം നടപ്പിലാക്കിയതെന്ന് സമൂസ പാര്‍ട്ടി അദ്ദേഹത്തോട് തന്നെ വ്യക്തമാക്കി. എന്തായാലും സമൂസ പ്രേമികളില്‍ നിന്ന് ഈ ആശയത്തിന് മികച്ച പ്രതികരണമാണ് ലഭിക്കുന്നത്.
