പ്രമേഹരോഗികൾക്ക് മധുരക്കിഴങ്ങ് കഴിക്കാമോ?

ശീതകാല സൂപ്പർഫുഡുകളിൽ ഒന്നാണ് മധുരക്കിഴങ്ങ്. മധുരക്കിഴങ്ങിൽ നാരുകൾ, വിറ്റാമിൻ സി, പൊട്ടാസ്യം എന്നിവയും മറ്റ് അവശ്യ പോഷകങ്ങളും അടങ്ങിയിട്ടുണ്ട്. എന്നാൽ, പ്രമേഹമുള്ളവർക്ക് മധുരക്കിഴങ്ങ് കഴിക്കാമോ? കാലാവസ്ഥയിലെ മാറ്റങ്ങളനുസരിച്ച് പ്രമേഹമുള്ളവർ ആരോഗ്യകരമായ രക്തത്തിലെ പഞ്ചസാരയുടെ അളവ് നിലനിർത്തുന്നതിന് ഭക്ഷണക്രമത്തിലും ജീവിതരീതിയിലും മാറ്റം വരുത്തേണ്ടത് അത്യാവശ്യമാണ്. 

മധുരക്കിഴങ്ങിൽ കാർബോഹൈഡ്രേറ്റുകൾ അടങ്ങിയിട്ടുണ്ട്. അതിനാൽ, പ്രമേഹരോഗികൾ പലപ്പോഴും ഈ  സൂപ്പർഫുഡ് ഒഴിവാക്കുന്നു. മധുരക്കിഴങ്ങിൽ സാധാരണ വെളുത്ത ഉരുളക്കിഴങ്ങിനേക്കാൾ നാരുകളും മറ്റ് അവശ്യ പോഷകങ്ങളും കൂടുതലാണ്. മധുരക്കിഴങ്ങിൽ കുറഞ്ഞതോ ഇടത്തരമോ ഉയർന്നതോ ആയ ജിഐ ഉണ്ടായിരിക്കാം. 

പ്രമേഹരോഗികൾ ഏതൊരു ഭ​ക്ഷണവും കഴിക്കുന്നതിന് മുമ്പ് ഭക്ഷണങ്ങളുടെ ഗ്ലൈസെമിക് സൂചികയിൽ ശ്രദ്ധ കേന്ദ്രീകരിക്കേണ്ടത് അത്യാവശ്യമാണ്. ഉരുളക്കിഴങ്ങും മധുരക്കിഴങ്ങും ഉയർന്ന ജിഐ ഉള്ള ഭക്ഷണങ്ങളാണ്. എന്നാൽ അവ പൂർണ്ണമായും ഒഴിവാക്കേണ്ടതില്ല...- പോഷകാഹാര വിദഗ്ധയായ മേഘ പറയുന്നു. മധുരക്കിഴങ്ങിൽ ഉയർന്ന നാരുകളും വിരുദ്ധ ബാഹ്യാവിഷ്ക്കാര ഗുണങ്ങളുമുണ്ട്. 

നിങ്ങൾ മധുരക്കിഴങ്ങ് ഉച്ചഭക്ഷണമായോ വൈകുന്നേരത്തെ ലഘുഭക്ഷണമായോ കഴിക്കുകയാണെങ്കിൽ സാലഡായി കഴിക്കാവുന്നതാണ്. രക്തത്തിലെ പഞ്ചസാരയുടെ വർദ്ധനവ് ഒഴിവാക്കാൻ വ്യായാമങ്ങൾ ചെയ്യണം. നിങ്ങൾ പ്രമേഹരോഗിയാണെങ്കിൽ മെറ്റബോളിസം ഉയർന്ന ദിവസത്തിന്റെ ആദ്യ പകുതിയിൽ മധുരക്കിഴങ്ങ് കഴിക്കാൻ പോഷകാഹാര വിദഗ്ധൻ ശുപാർശ ചെയ്യുന്നു. ഒരാൾക്ക് ആഴ്ചയിൽ ഒന്നോ രണ്ടോ തവണ കഴിക്കാം.

അമിതഭാരമുള്ളവരോ ഹൃദയസംബന്ധമായ അസുഖങ്ങളുള്ളവരോ ആയ പ്രമേഹരോഗികൾ മധുരക്കിഴങ്ങിന്റെ ഉപഭോഗം പരമാവധി കുറയ്ക്കണമെന്ന് പോഷകാഹാര വിദഗ്ധൻ കൂട്ടിച്ചേർക്കുന്നു. വൈറ്റമിൻ ബി 6 ധാരാളമടങ്ങിയിട്ടുള്ള മധുരക്കിഴങ്ങ് ഹൃദയാഘാത സാധ്യത കുറയ്ക്കാനും സഹായിക്കും. വൈറ്റമിൻ സി ധാരാളം അടങ്ങിയിട്ടുളള മധുരക്കിഴങ്ങ് എല്ലുകളുടെയും പല്ലുകളുടെയും ആരോഗ്യത്തിന് നല്ലതാണ്. മധുരക്കിഴങ്ങിൽ അടങ്ങിയിട്ടുള്ള ബീറ്റാകരോട്ടിൻ ചർമത്തിൽ ചുളിവുകൾ വീഴുന്നത് തടയുന്നു.

നാൽപത് കടന്നവർ സീസണലായി കഴിക്കേണ്ട ചില ഭക്ഷണങ്ങളെ കുറിച്ചറിയാം

• sweet potato