ബ്രെഡ് ഉപയോഗിച്ച് രുചികരമായ സാൻഡ്‍വിച്ച് തയ്യാറാക്കാം; റെസിപ്പി
ബ്രെഡ് ഉപയോഗിച്ച് രുചികരമായ ഒരു സാൻഡ്‍വിച്ച് തയ്യാറാക്കിയാലോ? ദീപ നായർ തയ്യാറാക്കിയ പാചകക്കുറിപ്പ്.
Follow'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
ബ്രെഡ് ഉപയോഗിച്ച് രുചികരമായ ഒരു സാൻഡ്‍വിച്ച് തയ്യാറാക്കിയാലോ?
വേണ്ട ചേരുവകൾ
ഉരുളക്കിഴങ്ങ് - ഒരെണ്ണം
ക്യാരറ്റ് - ഒരെണ്ണം
ഗ്രീൻ പീസ് - 50 ഗ്രാം
സവാള - 1 ചെറുത്
മല്ലിയില അരിഞ്ഞത് - 2 ടീസ്പൂൺ
ഉപ്പ്- ആവശ്യത്തിന്
മുളക് പൊടി - 1/2 ടീസ്പൂൺ
മഞ്ഞൾ പൊടി - 1/4 ടീസ്പൂൺ
ഗരം മസാല- 1/2 ടീസ്പൂൺ
റിഫൈൻഡ് ഓയിൽ - 2 ടേബിൾ സ്പൂൺ
പെരുംജീരകം - 1/4 ടീസ്പൂൺ
ബ്രെഡ് കഷ്ണങ്ങൾ - ആറെണ്ണം
നെയ്യ്- ആവശ്യത്തിന്
തയ്യാറാക്കുന്ന വിധം
സ്റ്റെപ്പ് 1
- ഉരുളക്കിഴങ്ങ് വേവിച്ച് പൊടിച്ചെടുക്കുക.
- ക്യാരറ്റ് തൊലി കളഞ്ഞ് ഗ്രേറ്റ് ചെയ്യുക.
- ഗ്രീൻ പീസ് ക്രഷ് ചെയ്ത് വയ്ക്കുക.
- ഈ മൂന്ന് ചേരുവകളും നന്നായി ഇളക്കി യോജിപ്പിച്ച് മാറ്റി വയ്ക്കുക.
- കുക്കി കട്ടർ ഉപയോഗിച്ച് ബ്രെഡ് സ്ലൈസുകളുടെ നക്ഷത്ര രൂപങ്ങൾ ഉണ്ടാക്കുക.
സ്റ്റെപ്പ് 2
- എണ്ണ ചൂടാക്കി, പെരുംജീരകം ചേർത്ത് മൂപ്പിക്കുക.
- സവാള വഴറ്റി പൊടിച്ച മസാലകൾ എല്ലാം ചേർത്ത് കുറച്ച് നേരം വഴറ്റുക.
- മല്ലിയില, പച്ചക്കറികൾ എന്നിവ ചേർത്ത് നന്നായി ഇളക്കി ചെറിയ തീയിൽ 5 മിനിറ്റ് വേവിക്കുക.
- തണുക്കാൻ അനുവദിക്കുക.
സ്റ്റെപ്പ് 3
- ഒരു ചെറിയ സ്പൂൺ നിറയെ തയ്യാറാക്കിയ മസാല എടുത്ത് നക്ഷത്രാകൃതിയിലുള്ള ബ്രെഡ് സ്ലൈസിൽ തുല്യമായി പരത്തി മറ്റൊരു കഷണം ബ്രെഡ് കൊണ്ട് മൂടുക. ഇതേപോലെ എല്ലാ കഷണങ്ങളും ചെയ്യുക.
- ഒരു തവ ചൂടാക്കി അൽപം നെയ്യ് പുരട്ടി സ്റ്റാർ സാൻഡ്‌വിച്ചുകൾ വയ്ക്കുക, ഗോൾഡൻ ബ്രൗൺ നിറമാകുന്നത് വരെ തിരിച്ചും മറിച്ചും ടോസ്റ്റ് ചെയ്യുക. ഇതോടെ നക്ഷത്ര സാൻഡ്‌വിച്ചുകൾ റെഡിയായി. ചായ/കാപ്പിക്കൊപ്പം ചൂടോടെ ഇവ വിളമ്പാം.
Also read: ബ്രെഡ് ഉപയോഗിച്ച് രുചികരമായ ഇഡ്ഡലി തയ്യാറാക്കാം; റെസിപ്പി
