ബയോട്ടിൻ അടങ്ങിയ ഈ നാല് ഭക്ഷണങ്ങള് കഴിക്കൂ; മുഖത്തും തലമുടിയിലും വ്യത്യാസമറിയാം...
ബയോട്ടിന്റെ കുറവു മൂലം തലമുടി കൊഴിച്ചില് ഉണ്ടാകാനുള്ള സാധ്യത ഏറെയാണ്. അതിനാല് തലമുടി കൊഴിച്ചില് ഉള്ളവര് ബയോട്ടിന് അടങ്ങിയ ഭക്ഷണങ്ങള് കഴിക്കുന്ന ഏറെ നല്ലതാണ്.
![biotin rich foods to add for healthy skin and hair](https://static-gi.asianetnews.com/images/01hh1ajnyyn5b2cc45fvkse034/fotojet---2023-12-07t102714-402.jpg?impolicy=All_policy&im=Resize=(1200) )
ചർമ്മത്തിന്റെയും തലമുടിയുടെയും ആരോഗ്യത്തിന് വേണ്ട ഒരു പോഷകമാണ് ബയോട്ടിൻ. നഖങ്ങളുടെ ആരോഗ്യത്തിനും ബയോട്ടിൻ ഏറെ പ്രധാനമാണ്. വിറ്റാമിൻ-ബി 7 എന്നും അറിയപ്പെടുന്ന ബയോട്ടിൻ ഭക്ഷണത്തിലൂടെ നമുക്ക് ലഭിക്കുന്ന ഒരു പോഷകമാണ്.
ബയോട്ടിന്റെ കുറവു മൂലം തലമുടി കൊഴിച്ചില് ഉണ്ടാകാനുള്ള സാധ്യത ഏറെയാണ്. അതിനാല് തലമുടി കൊഴിച്ചില് ഉള്ളവര് ബയോട്ടിന് അടങ്ങിയ ഭക്ഷണങ്ങള് കഴിക്കുന്ന ഏറെ നല്ലതാണ്. അതുപോലെ യുവത്വവും തിളക്കവുമുള്ള ചര്മ്മത്തിനും ബയോട്ടിന് അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തുന്നത് ഏറെ നല്ലതാണ്. അത്തരത്തില് ചര്മ്മത്തിന്റെയും തലമുടിയുടെയും ആരോഗ്യത്തിനായി ഡയറ്റില് ഉള്പ്പെടുത്തേണ്ട ബയോട്ടിന് അടങ്ങിയ ഭക്ഷണങ്ങളെ പരിചയപ്പെടാം...
ഒന്ന്...
മുട്ടയാണ് ആദ്യമായി ഈ പട്ടികയില് ഉള്പ്പെടുന്നത്. മുട്ടയുടെ മഞ്ഞക്കരുവിലാണ് ബയോട്ടിൻ ധാരാളം അടങ്ങിയിട്ടുള്ളത്.
രണ്ട്...
മഷ്റൂം ആണ് രണ്ടാമതായി ഈ പട്ടികയില് ഉള്പ്പെടുന്നത്. ബയോട്ടിന് ധാരാളം അടങ്ങിയ കൂണ് ഡയറ്റില് ഉള്പ്പെടുത്തുന്നതും ചര്മ്മത്തിന്റെയും തലമുടിയുടെയും ആരോഗ്യത്തിന് ഏറെ നല്ലതാണ്.
മൂന്ന്...
ബയോട്ടിന് ധാരാളം അടങ്ങിയ ഒരു നട്സ് ആണ് ബദാം. അതിനാല് ഇവ കഴിക്കുന്നതും ചര്മ്മത്തിന്റെയും തലമുടിയുടെയും ആരോഗ്യത്തിന് നല്ലതാണ്.
നാല്...
മധുരക്കിഴങ്ങ് ആണ് അവസാനമായി ഈ പട്ടികയില് ഉള്പ്പെടുന്നത്. ബയോട്ടിന്, ബീറ്റാ കരോട്ടിൻ, വിറ്റാമിൻ എ എന്നിവ അടങ്ങിയ ഇവ ചര്മ്മത്തിന്റെ ആരോഗ്യത്തിന് ഏറെ നല്ലതാണ്.
ശ്രദ്ധിക്കുക: നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: ചീത്ത കൊളസ്ട്രോള് ഉണ്ടോ? മുഖത്ത് പ്രകടമാകുന്ന ഈ ലക്ഷണങ്ങളെ തിരിച്ചറിയാം...