റാ​ഗിയുടെ അതിശയിപ്പിക്കുന്ന ഈ ​ഗുണങ്ങൾ അറിയാതെ പോകരുത്

ധാരാളം പോഷക​ഗുണങ്ങൾ അടങ്ങിയ ധാന്യമാണ് റാ​ഗി. രുചികരവും ശരീരത്തിന് ബലം നൽകുന്ന ഇരുമ്പിന്റെ അംശവും അടങ്ങിയിട്ടുള്ള റാ​ഗി മൊത്തത്തിലുള്ള ആരോ​ഗ്യത്തിന് ​ഗുണം ചെയ്യും. നാരുകൾ, പ്രോട്ടീൻ, പോഷകങ്ങൾ എന്നിവ റാ​ഗിയിൽ അടങ്ങിയിരിക്കുന്നു.

റാഗി ഗ്ലൂറ്റൻ രഹിതവും ആരോഗ്യകരമായ അപൂരിത കൊഴുപ്പുകളും അടങ്ങിയിട്ടുണ്ട്. ഇത് കൊളസ്ട്രോൾ കുറയ്ക്കാനും ഹൃദ്രോഗ സാധ്യത കുറയ്ക്കാനും മൊത്തത്തിലുള്ള ഹൃദയാരോഗ്യം മെച്ചപ്പെടുത്താനും സഹായിക്കും.
വിറ്റാമിൻ സി, വിറ്റാമിൻ ഇ,  ഇരുമ്പ്, കാൽസ്യം, ആൻ്റിഓക്‌സിഡൻ്റുകൾ എന്നിവയുൾപ്പെടെ അവശ്യ പോഷകങ്ങളാൽ റാ​ഗിയിൽ അടങ്ങിയിരിക്കുന്നു.

ശാരീരികവും മാനസികവുമായ ആരോഗ്യം വർധിപ്പിക്കാൻ റാ​ഗി മികച്ച ഭക്ഷണമാണ്. റാഗിയിൽ നാരുകൾ അടങ്ങിയിട്ടുണ്ട്. ഇത് ദഹനത്തെ ആരോഗ്യകരമായി നിലനിർത്താനും മലബന്ധം തടയാനും സഹായിക്കും. ഉയർന്ന നാരുകളുള്ള ഭക്ഷണങ്ങൾ ശരീരഭാരം കുറയ്ക്കാൻ സഹായകമാണ്.

മറ്റേതൊരു ധാന്യങ്ങളുമായി താരതമ്യപ്പെടുത്തുമ്പോൾ കാത്സ്യത്തിന്റെ അളവ് കൂടുതലുള്ള ധാന്യമാണ്. 100 ഗ്രാം റാഗിയിൽ 344 മില്ലിഗ്രാം കാൽസ്യം അടങ്ങിയിട്ടുള്ളതായി ഇന്ത്യയിലെ നാഷണൽ ഇൻസ്റ്റിറ്റ്യൂട്ട് ഓഫ് ന്യൂട്രീഷൻ വ്യക്തമാക്കുന്നു. 

'ആരോഗ്യമുള്ള എല്ലുകളുടെയും പല്ലുകളുടെയും ആരോഗ്യത്തിനും ഓസ്റ്റിയോപൊറോസിസ് തടയുന്നതിനും കാൽസ്യം നിർണായകമാണ്. അസ്ഥികളെ ദുർബലപ്പെടുത്തുന്ന ഒരു രോഗമാണ് ഓസ്റ്റിയോപൊറോസിസ്. വളരുന്ന കുട്ടികൾക്ക് ഇത് വളരെ പ്രയോജനകരമാണ്. റാഗി കഞ്ഞിയുടെ രൂപത്തിൽ കുടിക്കാവുന്നതാണ്...' -  പോഷകാഹാര വിദഗ്ധൻ ഡോ. അഞ്ജു സൂദ് പറയുന്നു.

അരി, ചോളം അല്ലെങ്കിൽ ഗോതമ്പ് എന്നിവയുമായി താരതമ്യപ്പെടുത്തുമ്പോൾ ധാന്യത്തിൽ പോളിഫെനോളുകളും നാരുകളും ധാരാളമായി അടങ്ങിയിട്ടുണ്ട്. കുറഞ്ഞ ഗ്ലൈസെമിക് സൂചിക ഭക്ഷണത്തിൻ്റെ ആസക്തി കുറയ്ക്കുകയും ദഹനത്തിൻ്റെ വേഗത നിലനിർത്തുകയും ചെയ്യുന്നു. 

റാ​ഗിയിൽ അടങ്ങിയിരിക്കുന്ന മെഥിയോണിൻ, ലൈസിൻ തുടങ്ങിയ സുപ്രധാന അമിനോ ആസിഡുകൾ ചുളിവുകൾ അകറ്റുന്നതിന് സഹായിക്കുന്നു. റാഗി പ്രകൃതിദത്തമായ ഇരുമ്പിൻ്റെ മികച്ച ഉറവിടമാണ്. റാ​ഗി കഴിക്കുന്നത് വിറ്റാമിൻ സി അളവ് വർദ്ധിക്കുകയും രക്തപ്രവാഹത്തിലേക്ക് ഇരുമ്പ് എളുപ്പത്തിൽ ആഗിരണം ചെയ്യപ്പെടുകയും ചെയ്യും.

റാ​ഗിയിൽ അടങ്ങിയിട്ടുള്ള ഉയർന്ന അളവിലുള്ള ഡയറ്ററി ഫൈബർ വിശപ്പ് കുറയ്ക്കുന്നതിനും ശരീരഭാരം കുറയ്ക്കുന്നതിനും സഹായിക്കുന്നു. 

തെെറോയ്ഡ് രോ​ഗികൾ ഈ പോഷകങ്ങൾ അടങ്ങിയ ഭക്ഷണങ്ങൾ കഴിക്കണം, കാരണം

• ragi