ലിച്ചിപ്പഴത്തെ നിസാരമായി കാണരുത് ; ആരോഗ്യഗുണങ്ങൾ ചെറുതൊന്നുമല്ല

ലിച്ചിപ്പഴത്തിലെ ഉയർന്ന ആൻ്റിഓക്‌സിഡൻ്റ് ഓക്‌സിഡേറ്റീവ് സ്ട്രെസ് കുറയ്ക്കാനും അകാല വാർദ്ധക്യം തടയാനും സഹായിക്കുന്നു. കൊളാജൻ ഉൽപാദനത്തിന് ആവശ്യമായ പോഷകമായ വിറ്റാമിൻ സി ലിച്ചിയിൽ കൂടുതലാണ്. ലിച്ചി കഴിക്കുന്നത് കൊളാജൻ ചർമ്മത്തിൻ്റെ ഇലാസ്തികതയും ദൃഢതയും നിലനിർത്തുന്നു.

Web Team

First Published Jun 5, 2024, 3:46 PM IST | Last Updated Jun 5, 2024, 3:50 PM IST

ധാരാളം പോഷകഗുണങ്ങൾ അടങ്ങിയ പഴമാണ് ലിച്ചി. പോഷകങ്ങളും ആൻ്റിഓക്‌സിഡൻ്റുകളും അടങ്ങിയ ലിച്ചി വിവിധ രോഗങ്ങൾ അകറ്റി നിർത്തുന്നതിന് സഹായിക്കുന്നു. അവശ്യ വിറ്റാമിനുകൾ, ധാതുക്കൾ, ജലാംശം എന്നിവയാൽ സമ്പന്നമായ ലിച്ചി രോഗപ്രതിരോധ ശേഷി വർദ്ധിപ്പിക്കുന്നത് മുതൽ ദഹനത്തെ സഹായിക്കുന്നതുവരെ വിവിധ പ്രവർത്തനങ്ങളെ പിന്തുണയ്ക്കുന്നു.

വിറ്റാമിൻ സി രോഗപ്രതിരോധ സംവിധാനത്തെ ശക്തിപ്പെടുത്തുകയും അണുബാധകളെയും രോഗങ്ങളെയും പ്രതിരോധിക്കാൻ ശരീരത്തെ സഹായിക്കുകയും ചെയ്യുന്നു. ലിച്ചിയിൽ മറ്റ് പല പഴങ്ങളേക്കാളും ഉയർന്ന അളവിൽ പോളിഫെനോൾ അടങ്ങിയിട്ടുണ്ട്. ഹൃദയാരോഗ്യം മെച്ചപ്പെടുത്താനും ക്യാൻസർ, പ്രമേഹം എന്നിവയ്ക്കുള്ള സാധ്യത കുറയ്ക്കാനും സഹായിക്കുന്ന പഴമാണ് ലിച്ചി.

പൊട്ടാസ്യം, മഗ്നീഷ്യം, ചെമ്പ്, ഫോളേറ്റ് എന്നിവയുൾപ്പെടെയുള്ള അവശ്യ പോഷകങ്ങളുടെ സമ്പന്നമായ ഉറവിടമാണ് ലിച്ചി. ഈ പോഷകങ്ങൾ ഹൃദയാരോഗ്യം, നാഡികളുടെ പ്രവർത്തനം എന്നിവയ്ക്ക് സഹായിക്കുന്നു. വ്യായാമത്തിന് ശേഷം ലിച്ചി കഴിക്കുന്നത് വയറിലെ കൊഴുപ്പ്, വീക്കം എന്നിവ കുറയ്ക്കും. ലിച്ചിയിൽ കാണപ്പെടുന്ന ആന്റി - ഇൻഫ്ലമേറ്ററി സംയുക്തങ്ങൾ ശരീരത്തിലുടനീളം വീക്കം കുറയ്ക്കാൻ സഹായിക്കും.

ആരോഗ്യകരമായ ദഹനവ്യവസ്ഥയ്ക്ക് സഹായിക്കുന്ന പഴമാണ് ലിച്ചി. അസിഡിറ്റി, വിവിധ ദഹന പ്രശ്നങ്ങൾ എന്നിവ അകറ്റുന്നതിന് ലിച്ചി സഹായകമാണ്. തിമിരം രോഗം വരാനുള്ള സാധ്യത കുറയ്ക്കാനും ലിച്ചി സഹായിക്കുമെന്ന് പഠനങ്ങൾ സൂചിപ്പിക്കുന്നു. ലിച്ചിയിൽ കലോറി കുറവാണ്. കൂടാതെ, ധാരാളം വെള്ളവും അടങ്ങിയിട്ടുള്ള പഴമായ ലിച്ചി ഭാരം കുറയ്ക്കാൻ മികച്ചതായി വിദഗ്ധർ പറയുന്നു.