'ബോക്സോഫീസ് സല്ലുഭായി അങ്ങ് എടുക്കൂവാ': ടൈഗര്‍ 3 രണ്ടാം ദിന കളക്ഷനില്‍ ഞെട്ടി ബോളിവുഡ്.!
വൈആര്‍എഫ് സ്പൈ യൂണിവേഴ്സിലെ ഏറ്റവും പുതിയ ചിത്രമായ ടൈഗര്‍ 3 ഈ വര്‍ഷം ബോളിവുഡ് പ്രതീക്ഷ അര്‍പ്പിക്കുന്ന ചിത്രമാണ്. അതിനൊത്ത പ്രകടനം സല്ലുഭായിയുടെ ചിത്രം ബോക്സോഫീസില്‍ കാഴ്ച വയ്ക്കുന്നു എന്നാണ് കണക്കുകള്‍ പറയുന്നത്.
 )
Followമുംബൈ: സല്‍മാൻ ഖാൻ നായകനായി വേഷമിട്ട ചിത്രം ടൈഗര്‍ 3 ഞായറാഴ്ചയാണ് റിലീസായത്. മനീഷ് ശര്‍മയാണ് ചിത്രത്തിന്‍റെ സംവിധാനം. കത്രീന കൈഫ് നായികയായി എത്തുന്ന ചിത്രത്തിന്.മികച്ച പ്രതികരണം ലഭിക്കുന്നുണ്ട്. ചിത്രം രണ്ട് ദിനത്തില്‍ ആഭ്യന്തര ബോക്സോഫീസ് കളക്ഷനില്‍ നൂറുകോടി പിന്നിട്ടുവെന്നാണ് റിപ്പോര്‍ട്ട്.
വൈആര്‍എഫ് സ്പൈ യൂണിവേഴ്സിലെ ഏറ്റവും പുതിയ ചിത്രമായ ടൈഗര്‍ 3 ഈ വര്‍ഷം ബോളിവുഡ് പ്രതീക്ഷ അര്‍പ്പിക്കുന്ന ചിത്രമാണ്. അതിനൊത്ത പ്രകടനം സല്ലുഭായിയുടെ ചിത്രം ബോക്സോഫീസില്‍ കാഴ്ച വയ്ക്കുന്നു എന്നാണ് കണക്കുകള്‍ പറയുന്നത്. ആഗോള ബോക്സോഫീസില്‍ രണ്ട് ദിനത്തില്‍ ചിത്രം 200 കോടിക്ക് അടുത്ത് എത്തിയെന്നാണ് വിവരം. അതിനിടെയാണ് ചിത്രത്തിന്‍റെ ഇന്ത്യന്‍ ആഭ്യന്തര ബോക്സോഫീസിലെ രണ്ടാം ദിന കളക്ഷന്‍ വിവരം പുറത്തുവരുന്നത്.
ട്രേഡ് അനലിസ്റ്റുകളുടെ കണക്കുകള്‍ പ്രകാരം, ദീപാവലി ലീവായിരുന്ന തിങ്കളാഴ്ച ചിത്രം 57 കോടിയാണ് ഇന്ത്യയില്‍ നിന്നും ചിത്രം നേടിയത്. അതായത് രണ്ട് ദിവസത്തില്‍ ചിത്രം 102 കോടി ആഭ്യന്തര ബോക്സോഫീസില്‍ മാത്രം നേടിയിട്ടുണ്ട്. ഇന്ത്യൻ ഫിലിം ട്രേഡ് പോർട്ടൽ സാക്‌നിൽക് റിപ്പോർട്ട് ചെയ്യുന്നത് പ്രകാരം തിങ്കളാഴ്ച ചിത്രത്തിന്‍റെ ഹിന്ദി ഒക്യുപെന്‍സി 48.62% ആയിരുന്നു. തെലുങ്കില്‍ ഇത് 26.43% ആണ്. തമിഴില്‍ 29.91% വുമാണ്.
അതേ സമയം ടൈഗര്‍ 3യില്‍ സല്മാന്റെ പ്രതിഫലം സംബന്ധിച്ച വിവരങ്ങളും ഇപ്പോള്‍ പുറത്തുവന്നിട്ടുണ്ട്. ജവാനില്‍ ഷാരൂഖ് ഖാന്‍ വാങ്ങിയ അതേ രീതിയിലാണ് ടൈഗര്‍ 3 ല്‍ സല്‍മാന്‍ ഖാനും പ്രതിഫലം വാങ്ങുന്നത്. ടൈംസ് ഓഫ് ഇന്ത്യയുടെ റിപ്പോര്‍ട്ട് അനുസരിച്ച് സല്‍മാന്‍ വാങ്ങിയിരിക്കുന്ന പ്രതിഫലം 100 കോടിയാണ്. ഒപ്പം പ്രൊഫിറ്റ് ഷെയറിംഗ് കരാറും ഉണ്ട്. എബിപി ലൈവിന്‍റെ മറ്റൊരു റിപ്പോര്‍ട്ട് പ്രകാരം ലാഭത്തിന്‍റെ 60 ശതമാനവും സല്മാന്റെ പോക്കറ്റിലേക്ക് പോകും. അതേസമയം ദീപാവലി ദിനമായ ഞായറാഴ്ച തിയറ്ററുകളിലെത്തിയ ചിത്രം മികച്ച പ്രതികരണമാണ് നേടുന്നത്. ആഗോള ബോക്സ് ഓഫീസില്‍ നിന്ന് ആദ്യദിനം ചിത്രം നേടിയത് 94 കോടിയാണെന്ന് നിര്‍മ്മാതാക്കളായ വൈആര്‍എഫ് അറിയിച്ചിരുന്നു.
ടൈഗറിന് മികച്ച അഡ്വാന്‍സ് ബുക്കിംഗുമായിരുന്നു. സല്മാന്റെ ടൈഗര്‍ യുഎഇയില്‍ വ്യാഴാഴ്ച വൈകീട്ട് തന്നെ റിലീസ് ചെയ്‍തിരുന്നു. അതിനാല്‍ നിരവധി പേര്‍ ചിത്രത്തെ കുറിച്ചുള്ള അഭിപ്രായങ്ങള്‍ സാമൂഹ്യ മാധ്യമങ്ങളില്‍ പങ്കുവെച്ചിട്ടുണ്ട്.
ഷാരൂഖ് ഖാന്റെ അതിഥി വേഷത്തിന്റെ ദൃശ്യങ്ങള്‍ ചോര്‍ന്നത് പ്രതിസന്ധിയിലാക്കിയിട്ടുണ്ട്. ചിത്രത്തിലെ സ്പോയിലറുകള്‍ ഒരിക്കലും വെളിപ്പെടുത്തരുതെന്ന് സല്‍മാൻ ഖാൻ ഇന്നലെ സാമൂഹ്യ മാധ്യമത്തിലൂടെ ആരാധകരോട് അഭ്യര്‍ഥിക്കുകയും ചെയ്‍തിരുന്നു. ഹൃത്വിക് റോഷനും അതിഥി വേഷത്തിലുണ്ട്. റിലീസിന് മുന്നേയുള്ള ഹൈപ്പ് സല്മാന്റെ ചിത്രത്തിന് സ്വീകാര്യത നല്‍കുന്നു എന്നാണ് വ്യക്തമാകുന്നത്.
പഠാന് പിന്നാലെ യാഷ് രാജ് ഫിലിംസിന്‍റെ സ്പൈ യൂണിവേഴ്‍സില്‍ നിന്ന് എത്തിയ ചിത്രം എന്നതായിരുന്നു ടൈഗര്‍ 3ന്റെ പ്രീ റിലീസ് ഹൈപ്പ്. സല്മാന്റെ ഏക് ഥാ ടൈഗറായിരുന്നു ആദ്യം സ്പൈ യൂണിവേഴ്‍സില്‍ നിന്ന് എത്തിയ ചിത്രം. ടൈഗര്‍ സിന്ദാ ഹെ രണ്ടാം ഭാഗമായി എത്തി. സല്‍മാൻ പഠാനില്‍ അതിഥി വേഷത്തിലെത്തിയിരുന്നു.
തൃശ്ശൂർ രാഗത്തില്‍ ബാന്ദ്രയുടെ വിജയം പ്രേക്ഷകർക്കൊപ്പം ആഘോഷിച്ച് ദിലീപ്
"ശേഷം മൈക്കിൽ ഫാത്തിമ"യുടെ ട്രയ്ലർ ശ്രദ്ധേയമാകുന്നു; മൈക്ക് ഏന്തി കല്യാണി.!
