ആ മമ്മൂട്ടി ചിത്രവും വീണു! കേരളത്തിലെ എക്കാലത്തെലും അഞ്ചാമത്തെ ബോക്സ് ഓഫീസ് ഹിറ്റ് ആയി 'നേര്'
ക്രിസ്മസ് റിലീസ് ആയി ഡിസംബര്‍ 21 ന് എത്തിയ ചിത്രം
 )
Followഒരു മോഹന്‍ലാല്‍ ചിത്രത്തിന് പോസിറ്റീവ് അഭിപ്രായം വന്നാല്‍ ബോക്സ് ഓഫീസില്‍ അത്ഭുതങ്ങള്‍ സംഭവിക്കുമെന്നത് ചലച്ചിത്ര മേഖലയിലുള്ളവര്‍ കാലങ്ങളായി പറയുന്ന കാര്യമാണ്. എന്നാല്‍ മോഹന്‍ലാല്‍ എന്ന താരത്തിന്‍റെ ബോക്സ് ഓഫീസ് പൊട്ടന്‍ഷ്യല്‍ അളക്കാന്‍ കഴിയുന്ന ഒരു ചിത്രം വന്നിട്ട് ഏറെക്കാലം ആയിരുന്നു. ആ കുറവ് നികത്തിയിരിക്കുകയാണ് ജീത്തു ജോസഫിന്‍റെ സംവിധാനത്തില്‍ മോഹന്‍ലാല്‍ നായകനായ നേര് എന്ന ചിത്രം.
ക്രിസ്മസ് റിലീസ് ആയി ഡിസംബര്‍ 21 ന് തിയറ്ററുകളിലെത്തിയ ചിത്രത്തിന് ആദ്യദിനം മുതല്‍ പോസിറ്റീവ് അഭിപ്രായങ്ങളാണ് ലഭിച്ചത്. അതിന്‍റെ ഫലം കൃത്യമായി ബോക്സ് ഓഫീസില്‍ പ്രതിഫലിക്കുകയും ചെയ്തു. കഴിഞ്ഞ ദിവസം പുറത്തെത്തിയ കണക്കുകള്‍ അനുസരിച്ച് ആഗോള ബോക്സ് ഓഫീസില്‍ നിന്ന് ചിത്രം 80 കോടി പിന്നിട്ടിരുന്നു. ഇപ്പോഴിതാ കേരള ബോക്സ് ഓഫീസില്‍ നിന്ന് മറ്റൊരു നേട്ടം കൂടി സ്വന്തമാക്കിയിരിക്കുകയാണ് നേര്.
കേരള ബോക്സ് ഓഫീസിലെ എക്കാലത്തെയും വലിയ അഞ്ച് ഹിറ്റുകളുടെ നിരയില്‍ ഇടംപിടിച്ചിരിക്കുകയാണ് ചിത്രം. കേരള ബോക്സ് ഓഫീസിലെ ആള്‍ ടൈം ടോപ്പ് 5 ലിസ്റ്റില്‍ അഞ്ചാം സ്ഥാനത്താണ് നിലവില്‍ നേര്. മമ്മൂട്ടി നായകനായ അമല്‍ നീരദ് ചിത്രം ഭീഷ്മപര്‍വ്വത്തെ മറികടന്നാണ് നേര് ഈ നേട്ടം സ്വന്തമാക്കിയിരിക്കുന്നത്. കേരള ബോക്സ് ഓഫീസിലെ ആള്‍ ടൈം ടോപ്പ് 5 ല്‍ നിലവില്‍ മൂന്നും മോഹന്‍ലാല്‍ ചിത്രങ്ങളാണ്. പുലിമുരുകനും ലൂസിഫറുമാണ് ലിസ്റ്റിലുള്ള മറ്റ് രണ്ട് മോഹന്‍ലാല്‍ ചിത്രങ്ങള്‍. ഒന്നാം സ്ഥാനത്ത് 2018 ഉള്ള ലിസ്റ്റില്‍ രണ്ടാമത് പുലിമുരുകനും മൂന്നാമത് ലൂസിഫറുമാണ്. നാലാമത് ആര്‍ഡിഎക്സും അഞ്ചാമത് നേരും.
ALSO READ : ഇനി മണിക്കൂറുകളുടെ കാത്തിരിപ്പ്; 'ഭ്രമയുഗം' ബിഗ് അപ്ഡേറ്റ് എത്തി
ഏഷ്യാനെറ്റ് ന്യൂസ് ലൈവ് യുട്യൂബില്‍ കാണാം
