ആവേശം അഡ്വാൻസായി വിറ്റത് 1,23563 ടിക്കറ്റുകള്‍, നേടിയത് ഞെട്ടിക്കുന്ന തുക, കേരള കളക്ഷൻ കണക്കുകള്‍ പുറത്ത്
അഡ്വാൻസായി ഫഹദിന്റെ ആവേശം നേടിയ കളക്ഷന്റെ കണക്കുകള്‍ പുറത്ത്.
 )
Followആവേശം നിറയ്‍ക്കാൻ ഫഹദ് എത്തുകയാണ്. പ്രഖ്യാപനംതൊട്ടേ വലിയ പ്രതീക്ഷകളുളള ഒരു ചിത്രവുമാണ് ആവേശം. ഫഹദ് നായകനാകുന്ന ആവേശത്തിന്റെ അഡ്വാൻസ് ടിക്കറ്റ് ബുക്കിംഗ് വില്‍പനയിലും ആ സ്വീകാര്യതയുണ്ട്. ഇതിനകം ആവേശം മുൻകൂറായി 1.9 കോടി രൂപയില്‍ അധികം കേരളത്തില്‍ അഡ്വാൻസ് ടിക്കറ്റ് ബുക്കിംഗില്‍ നേടിയിരിക്കുകയാണെന്നാണ് റിപ്പോര്‍ട്ട്.
കേരളത്തില്‍ മുൻകൂറായി ആവേശത്തിന്റെ 1,23563 ടിക്കറ്റുകളാണ് വിറ്റഴിച്ചത്. സംഭവം ലോഡിംഗ് എന്നാണ് ആവേശത്തിന്റെ ടിക്കറ്റ് വില്‍പനയുടെ കുതിപ്പില്‍ നിന്ന് വ്യക്തമാകുന്നത്. മികച്ച പ്രതികരണം നേടാനായാല്‍ ആവേശത്തിന്റെ കളക്ഷനും അമ്പരപ്പിക്കുന്ന ഒന്നായി മാറുമെന്നാണ് പ്രതീക്ഷ. 2024ല്‍ മലയാളത്തിന്റെ മറ്റൊരു 100 കോടി ചിത്രമാകാൻ സാധ്യതയുണ്ട് ഫഹദിന്റെ ആവേശത്തിന്.
ജീത്തു മാധവനാണ് ആവേശത്തിന്റെ സംവിധായകൻ. ഫഹദ് നായനാകുന്ന ആവേശം എന്ന സിനിമയില്‍ ആശിഷ് വിദ്യാര്‍ത്ഥി, സജിന്‍ ഗോപു, റോഷന്‍, പ്രമുഖ മലയാളി ഗെയിമറും യൂട്യൂബറുമായ ഹിപ്സ്റ്റര്‍, മിഥുന്‍ ജെഎസ്, പൂജ മോഹന്‍രാജ്, നീരജ രാജേന്ദ്രന്‍, ശ്രീജിത്ത് നായര്‍, തങ്കം മോഹന്‍ തുടങ്ങിയവരും ഉണ്ട്. ഛായാഗ്രാഹണം നിര്‍വഹിക്കുന്നത് സമീര്‍ താഹിറാണ്. സംഗീതം സുഷിന്‍ ശ്യാമും.
ആവേശം അന്‍വര്‍ റഷീദ് എന്റര്‍ടൈന്‍മെന്റ്‌സിന്റെ ബാനറില്‍ അന്‍വര്‍ റഷീദ് നിര്‍മാണം നിര്‍വഹിക്കുന്നത്. നിര്‍മാണത്തില്‍ നസ്രിയ നസീമും പങ്കാളിയാകുന്നു. വരികള്‍ വിനായക് ശശികുമാറാണ് എഴുതുന്നത്. പ്രൊഡക്ഷന്‍ ഡിസൈന്‍ അശ്വിനി കാലെയായ ചിത്രത്തില്‍ മേക്കപ്പ്‍മാനായി ആര്‍ജി വയനാടനും ഭാഗമാകുമ്പോള്‍ ഓഡിയോഗ്രഫി വിഷ‍്‍ണു ഗോവിന്ദ്, ആക്ഷന്‍ ചേതന്‍ ഡിസൂസ, വിഎഫ്എക്‌സ് എഗ്ഗ് വൈറ്റ്, ഡിഐ പോയറ്റിക്, കളറിസ്റ്റ് ശ്രീക്ക് വാരിയര്‍, ടൈറ്റിൽ ഡിസൈന്‍ അഭിലാഷ് ചാക്കോ, പ്രൊഡക്ഷന്‍ കണ്‍ട്രോളര്‍ - വിനോദ് ശേഖര്‍, എക്സിക്യൂട്ടീവ് പ്രൊഡ്യൂസര്‍ എആര്‍ അന്‍സാര്‍, പിആര്‍ഒ എ എസ് ദിനേശ്, ആതിര ദില്‍ജിത്ത്, ഡിജിറ്റൽ മാർക്കറ്റിംഗ് സ്നേക്ക് പ്ലാന്റ് എന്നിവരുമാണ്.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
