വിജയ് ആന്റണി നായകന്; 'മഴൈ പിടിക്കാത മനിതൻ' തിയറ്ററുകളിലേക്ക്
വിജയ് മിൽട്ടൻ തിരക്കഥയെഴുതി സംവിധാനം ചെയ്യുന്ന ചിത്രം
![release date of Mazhai Pidikkatha Manithan movie starring vijay antony announced](https://static-gi.asianetnews.com/images/01j3qhyq7jtdgth49st91vb2xs/befunky-collage--1-.jpg?impolicy=All_policy&im=Resize=(1200) )
പിച്ചക്കാരൻ 2 എന്ന ചിത്രത്തിനു ശേഷം വിജയ് ആന്റണി നായകനാകുന്ന ആക്ഷൻ ചിത്രം മഴൈ പിടിക്കാത മനിതൻ ഓഗസ്റ്റ് രണ്ടിന് ലോകമാകെ പ്രദർശനത്തിനെത്തുന്നു. കന്നഡ സിനിമയിലെ രണ്ട് ശ്രദ്ധേയ താരങ്ങളുടെ കോളിവുഡ് അരങ്ങേറ്റം കൂടിയാണ് ഈ ചിത്രം. ധനഞ്ജയയും പൃഥ്വി അമ്പാറുമാണ് അത്. ശരത്കുമാര്, സത്യരാജ്, ശരണ്യ പൊന്വണ്ണന്, മുരളി ശര്മ്മ, തലൈവാസല് വിജയ്, സുരേന്ദര് താക്കൂര്, പ്രണിതി, രമണ തുടങ്ങിയവരും ചിത്രത്തില് അഭിനയിച്ചിരിക്കുന്നു. ക്യാപ്റ്റന് വിജയകാന്തിനുള്ള ആദരമാണ് ഈ ചിത്രമെന്ന് റിപ്പോര്ട്ടുകള് ഉണ്ടായിരുന്നു.
വിജയ് മിൽട്ടൻ തിരക്കഥയെഴുതി സംവിധാനം ചെയ്യുന്ന ഈ ചിത്രത്തിൽ മേഘ ആകാശ് നായികാ കഥാപാത്രത്തെ അവതരിപ്പിക്കുന്നു.
ഇൻഫിനിറ്റി ഫിലിംസിന്റെ ബാനറില് കമൽ ബോറ, ഡി ലളിത, ബി പ്രദീപ്, പങ്കജ് ബോറ എന്നിവർ ചേർന്നു നിർമ്മിക്കുന്ന ഈ ചിത്രത്തിന്റെ ഛായാഗ്രഹണം വിജയ് മിൽട്ടൺ നിർവ്വഹിക്കുന്നു. ജാഗ്വർ സ്റ്റുഡിയോസിനു വേണ്ടി ബി വിനോദ് ജയിൻ, സൻഹ സ്റ്റുഡിയോസിനു വേണ്ടി ഷാനു പരപ്പങ്ങാടി എന്നിവർ ചേർന്ന് മഴൈ പിടിക്കാത മനിതൻ കേരളത്തിൽ പ്രദർശനത്തിനെത്തിക്കുന്നു. പി ആർ ഒ- എ എസ് ദിനേശ്.
ദാമന്- ദിയുവിലാണ് സിനിമയുടെ പ്രധാന ഭാഗങ്ങള് ചിത്രീകരിച്ചിരിക്കുന്നത്. ഒരു തമിഴ് സിനിമ ആദ്യമായാണ് ഇവിടെ ചിത്രീകരിച്ചത്. സംഗീതം അച്ചു രാജാമണി, വിജയ് ആന്റണി, എഡിറ്റിംഗ് കെ എല് പ്രവീണ്.
ALSO READ : ജീത്തുവിന്റെ നായകനായി ബേസില്; 'നുണക്കുഴി'യിലെ ആദ്യ ഗാനം എത്തി