ആ നേട്ടത്തില്‍ ഒരേയൊരു മലയാള താരം, ദുല്‍ഖറിന് 2024ല്‍ ലഭിച്ചത് മുൻനിര താരങ്ങളും ആഗ്രഹിച്ചത്
ദുല്‍ഖറിന് 2024ല്‍ വമ്പൻ നേട്ടമാണുണ്ടായത്.
Followദുല്‍ഖറിന് 2024ല്‍ മലയാളത്തില്‍ ഹിറ്റ് ചിത്രങ്ങള്‍ ഇല്ലായിരുന്നു. പക്ഷേ തെലുങ്കില്‍ പ്രദര്‍ശനത്തിന് എത്തിയ ചിത്രം ലക്കി ഭാസ്‍കര്‍ വൻ ഹിറ്റായി മാറി. ദുല്‍ഖര്‍ സോളോ നായകനായി 100 കോടി ക്ലബിലുമെത്തി. ഒടിടിയിലും മറ്റൊരു നേട്ടം സ്വന്തമാക്കിയതിനെ കുറിച്ചാണ് പുതിയ റിപ്പോര്‍ട്ട്.
ഒരു മലയാളം നടൻ നായകനായിട്ടുള്ള ചിത്രത്തിന് ലഭിച്ചതില്‍ ഉയര്‍ന്ന തുകയാണ് ദുല്‍ഖര്‍ സിനിമയ്ക്ക് നെറ്റ്ഫ്ലിക്സ് നല്‍കിയത്. ലക്കി ഭാസ്‍കറിന് ഒടിടിക്ക് 30 കോടിയില്‍ അധികം ലഭിച്ചുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ലക്കി ഭാസ്‍കര്‍ ഒടിടിയിലും ഹിറ്റ് ചിത്രമായി മാറിയിരുന്നു. ലക്കി ഭാസ്‍കര്‍ ആഗോളതലത്തില്‍ 112 കോടിയില്‍ അധികം നേടിയപ്പോള്‍ മുൻനിര മലയാള താരങ്ങളും കൊതിക്കുന്ന പാൻ ഇന്ത്യൻ പദവിയിലേക്കും ആണ് ദുല്‍ഖറിന്റെ കുതിപ്പ്.
വെങ്കി അറ്റ്ലൂരി തിരക്കഥ എഴുതി സംവിധാനം നിര്‍വഹിച്ചിരിക്കുന്നത് ആണ് ലക്കി ഭാസ്‍കര്‍. മീനാക്ഷി ചൗധരിയാണ് നായികയായി എത്തിയിരിക്കുന്നത്. ചിത്രത്തിന്റെ നിര്‍മാണം സിതാര എന്റർടെയിൻമെന്റസിന്റെ ബാനറില്‍ ആണ്. ശബരിയാണ് ദുല്‍ഖര്‍ ചിത്രത്തിന്റെ പിആര്‍ഒ.
കിംഗ് ഓഫ് കൊത്തയാണ് മലയാളത്തില്‍ ഒടുവില്‍ ദുല്‍ഖറിന്റേതായെത്തിയത്. ദുല്‍ഖറിന്റെ കിംഗ് ഓഫ് കൊത്ത സംവിധാനം ചെയ്‍തത് അഭിലാഷ് ജോഷി ആണ്. ഛായാഗ്രാഹണം നിര്‍വഹിച്ചത് നിമീഷ് രവിയാണ്. ജേക്സ്‌ ബിജോയ്‍യും ഷാൻ റഹ്‍മാനുമാണ് സംഗീതം ഒരുക്കിയത്. അഭിലാഷ് എൻ ചന്ദ്രനായിരുന്നു തിരക്കഥ. ദുല്‍ഖറിന്റെ കിംഗ് ഓഫ് കൊത്ത സിനിമയില്‍ പ്രസന്ന, ചെമ്പൻ വിനോദ്, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്‍മി, നൈല ഉഷ, ശാന്തി കൃഷ്‍ണ, അനിഖാ സുരേന്ദ്രൻ എന്നീ താരങ്ങളും പ്രധാന വേഷങ്ങളില്‍ ഉണ്ടായിരുന്നു. സംഘട്ടനം രാജശേഖർ നിര്‍വഹിച്ച ദുല്‍ഖര്‍ ചിത്രത്തിന്റെ മേക്കപ്പ് റോണെക്സ് സേവ്യര്‍, പ്രൊഡക്ഷൻ ഡിസൈനർ നിമേഷ് താനൂർ, കൊറിയോഗ്രാഫി ഷെറീഫ്, വസ്ത്രാലങ്കാരം പ്രവീൺ വർമ, പ്രൊഡക്ഷൻ കൺട്രോളർ ദീപക് പരമേശ്വര്‍, സ്റ്റിൽ ഷുഹൈബ് എസ് ബി കെയുമാണ്.
Read More: മലയാളികളും കാത്തിരിക്കുന്ന നാല് തമിഴ് ചിത്രങ്ങള്‍, കോളിവുഡ് തൂക്കുമോ ജനുവരി മാസം?
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
