'എന്റെ ഡ്രീം കോമ്പോ', പുതിയ സിനിമയുടെ ആവേശം പങ്കുവെച്ച് കുഞ്ചാക്കോ ബോബൻ
എത്രത്തോളം ആവേശത്തിലാണ് കുഞ്ചാക്കോ ബോബൻ എന്ന് വ്യക്തമാക്കുന്നതാണ് കുറിപ്പ്.
Followകുഞ്ചാക്കോ ബോബനും ബിജു മേനോനും വീണ്ടും ഒന്നിക്കുന്നുവെന്ന വാര്‍ത്ത കഴിഞ്ഞ ദിവസം ആരാധകര്‍ ആഘോഷിച്ചതാണ്. തന്റെ ഡ്രീം കോമ്പോയില്‍ ഒന്ന് എന്ന് വിശേഷിപ്പിച്ചാണ് ബിജു മേനോന് ഒന്നിച്ചുള്ള സിനിമയെ കുറിച്ച് കുഞ്ചാക്കോ ബോബൻ ഇന്ന് അതിരാവിലെ സാമൂഹ്യ മാധ്യമത്തില്‍ പങ്കുവെച്ചിരിക്കുന്നത്. മാര്‍ട്ടിൻ പ്രക്കാട്ടാണ് ചിത്രത്തിന്റെ സംവിധാനം. 'നായാട്ട്' എന്ന ഹിറ്റ് ചിത്രത്തിനു ശേഷം മാര്‍ട്ടിന്റെ സംവിധാനത്തില്‍ കുഞ്ചാക്കോ ബോബൻ അഭിനയിക്കുന്നു എന്ന പ്രത്യകതയുമുണ്ട്.
എന്റെ ഡ്രീം കോമ്പോയില്‍ ഒന്ന്. എന്റെ അടുത്ത സുഹൃത്തുക്കളില്‍ ചിലര്‍. ഇൻഡസ്‍ട്രിയിലെ മികച്ച ചിലര്‍. 'നായാട്ടി'നു ശേഷം മാര്‍ട്ടി പ്രക്കാടിന്റെ സംവിധാനം, രതീഷ് പൊതുവാളിന്റെ തിരക്കഥ, ഷൈജു ഖാലിദിന്റെ വിഷ്വല്‍സ്, എന്റെ എവര്‍ഗ്രീൻ ജോഡി ബിജു മേനോൻ എന്നും എഴുതിയാണ് പുതിയ സിനിമയെ കുറിച്ച് കുഞ്ചാക്കോ ബോബൻ അറിയിച്ചിരിക്കുന്നത്. കുഞ്ചാക്കോ ബോബൻ പ്രൊഡക്ഷൻസ്, ഗ്രീൻ റൂം പ്രൊഡക്ഷൻസ്, മാര്‍ട്ടിൻ പ്രക്കാട്ട് ഫിലിംസ് എന്നീ കമ്പനികൾ സംയുക്തമായാണ് സിനിമയുടെ നിര്‍മ്മാണ നിർവ്വഹണം. വാർത്താ പ്രചരണം സ്നേക്പ്ലാന്റ് ആണ്. 'മല്ലുസിംഗ്', 'സീനിയേഴ്‍സ്', 'സ്‍പാനിഷ് മസാല', 'ഓർഡിനറി', 'ത്രീ ഡോട്‍സ്', 'മധുരനാരങ്ങ', 'റോമൻസ്', '101 വെഡ്ഡിംഗ്‍സ്', 'കഥവീട്' എന്നിങ്ങനെയുള്ള സിനിമകളില്‍ പ്രേക്ഷകരെ പൊട്ടിചിരിപ്പിച്ച, ത്രില്ലടിപ്പിച്ച കുഞ്ചാക്കോ ബോബൻ- ബിജു മേനോൻ ഹിറ്റ് കൂട്ടുകെട്ട് വർഷങ്ങൾക്ക് ശേഷം മാർട്ടിൻ പ്രക്കാട്ടിനൊപ്പം ഒരുമിച്ചെത്തുമ്പോള്‍ ആരാധകര്‍ വലിയ ആവേശത്തിലാണ്.
കുഞ്ചാക്കോ ബോബൻ നായകനായി ഒടുവിലെത്തിയ ചിത്രം 'പകലും പാതിരാവും' ആണ്. അജയ് വാസുദേവാണ് ചിത്രത്തിന്റെ സംവിധാനം. രജിഷ വിജയൻ ആണ് നായിക. ഫായിസ് സിദ്ദിഖ് ആണ് ഛായാഗ്രാഹണം.
ശ്രീ ഗോകുലം മൂവീസിന്‍റെ ബാനറില്‍ ഗോകുലം ഗോപാലന്‍ ആണ് നിര്‍മ്മിച്ചിരിക്കുന്നത്. ഗോകുലം ഗോപാലൻ പ്രധാനപ്പെട്ട ഒരു കഥാപാത്രത്തെ ചിത്രത്തില്‍ അവതരിപ്പിക്കുകയും ചെയ്‍തിരിക്കുന്നു. 'മിന്നല്‍ മുരളി' എന്ന സൂപ്പര്‍ഹീറോ ചിത്രത്തിലൂടെ മലയാളികളുടെ പ്രിയം സ്വന്തമാക്കിയ ഗുരുസോമസുന്ദരം 'പകലും പാതിരാവി'ലും പൊലീസ് ഓഫീസറായിട്ട് അഭിനയിച്ചിരിക്കുന്നു. 'പകലും പാതിരാവും' എന്ന ചിത്രത്തിന്റെ സംഗീതം സ്റ്റീഫന്‍ ദേവസ്സിയും വരികള്‍ എഴുതിയിരിക്കുന്നത് സേജ്ഷ് ഹരിയുമാണ്.
Read More: 'വിക്രമി'ലെ മലയാളി താരം 'ലിയോ'യിലും, ഫോട്ടോ കണ്ട് അമ്പരന്ന് ആരാധകര്‍
