ക്യാപ്റ്റൻസിയിൽ അഖിലിന് അതൃപ്തി, ചിത്ര സംയോജനത്തിൽ ജയിച്ചു കയറി പുതിയ ക്യാപ്റ്റൻ
മിഷൻ എക്സ് എന്നായിരുന്നു കഴിഞ്ഞ ആഴ്ചയിലെ വീക്കിലി ടാസ്കിന്റെ പേര്.
 )
ബിഗ് ബോസ് വീട്ടിൽ എല്ലാ മത്സരാർത്ഥികളും ആഗ്രഹിക്കുന്ന കാര്യമാണ് ക്യാപ്റ്റൻ എന്ന സ്ഥാനം. ഇതിനായി മത്സരിക്കാറുമുണ്ട് ഇവർ. ഇന്നിതാ ബിഗ് ബോസ് സീസൺ അഞ്ചിലെ പുതിയ ക്യാപ്റ്റനെ തെരഞ്ഞെടുക്കുകയാണ് ബിഗ് ബോസ്. കഴിഞ്ഞ വീക്കിലി ടാസ്കിന്റെയും പൊതുവിലെ വീട്ടിലെ പ്രവർത്തനങ്ങളുടെയും അടിസ്ഥാനത്തിൽ ആണ് ക്യാപ്റ്റൻസിക്ക് വേണ്ടിയുള്ള മത്സരാർത്ഥികളെ തെരഞ്ഞെടുക്കുന്നത്. മിഷൻ എക്സ് എന്നായിരുന്നു കഴിഞ്ഞ ആഴ്ചയിലെ വീക്കിലി ടാസ്കിന്റെ പേര്.
വോട്ടിംഗ് പട്ടിക ഇങ്ങനെ
അനു ജോസഫ്- ഷിജു, വിഷ്ണു
ഷിജു- വിഷ്ണു, ശ്രുതി ലക്ഷ്മി
ജുനൈസ്- റിനോഷ്, അനു ജോസഫ്
ശോഭ- ഷിജു, അനു ജോസഫ്
അഞ്ജൂസ്- അനു ജോസഫ്, ഷിജു
റിനോഷ്- ഷിജു, അനു ജോസഫ്
സെറീന- വിഷ്ണു, അനു ജോസഫ്
അഖിൽ മാരാർ- ഷിജു, വിഷ്ണു
ശ്രുതി ലക്ഷ്മി- അഖിൽ മാരാർ, ഷിജു
മിഥുൻ- റിനോഷ്, വിഷ്ണു
നാദിറ- അനു ജോസഫ്, വിഷ്ണു
സാഗർ- വിഷ്ണു, റിനോഷ്
റെനീഷ- വിഷ്ണു, അനു ജോസഫ്
വിഷ്ണു- ഒമർ ലുലു, റിനോഷ്
ഒൻപത് വോട്ടുകളോടെ വിഷ്ണു, ഏഴ് വോട്ടുകളോടെ അനു ജോസഫ്, ആറ് വോട്ടുകളോടെ ഷിജു എന്നിവരാണ് ക്യാപ്റ്റൻസിക്കായി മത്സരിക്കാൻ തെരഞ്ഞെടുത്തത്. ഇനി ടാസ്കിലൂടെ ആണ് ക്യാപ്റ്റനെ തെരഞ്ഞെടുക്കുക. പനിയായിട്ടാണ് താൻ ടാസ്ക് ചെയ്തതെന്നും ക്യാപ്റ്റൻസിയിൽ മത്സരിക്കാൻ താൻ യോഗ്യനാണെന്നും പറഞ്ഞ് അഖിൽ അതൃപ്തി പ്രകടിപ്പിച്ചു. എന്നാൽ ക്യാപ്റ്റൻ ആകാത്തവരെയാണ് ഇത്തവണ തെരഞ്ഞെടുത്തതെന്നാണ് നാദിറ ഉൾപ്പടെയുള്ളവർ പറയുന്നത്.
ചിത്ര സംയോജനം എന്നാണ് ക്യാപ്റ്റൻസി ടാസികിന്റെ പേര്. ഗാർഡൻ ഏരിയയിൽ മൂന്ന് മത്സരാർത്ഥികളുടെയും ഫോട്ടോകൾ പസിലുകളായി കൊടുത്തിരിക്കും. ഇത് സംയോജിപ്പിച്ച് വയ്ക്കാനുള്ള പെഡസ്റ്റലുകളും ഉണ്ടാകും. ബസർ കേൾക്കുമ്പോൾ ഓരോരുത്തരും പസിലുകൾ ബന്ധിപ്പിക്കുക. ഏറ്റവും ആദ്യം പൂർത്തിയാക്കുന്നത് ആരാണോ അവരാകും ഈ ആഴ്ചയിലെ ക്യാപ്റ്റൻ. പിന്നാലെ നടന്നത് വാശിയേറിയ മത്സരമാണ്. ഒടുവിൽ ഏറ്റവും കൂടുതൽ പസിലുകൾ വച്ച് ഷിജു ക്യാപ്റ്റനായി.
ബിബി ഹൗസിൽ അടുക്കളപ്പോര്; പരസ്പരം കലഹിച്ച് അഖിലും റെനീഷയും, ഒടുവിൽ മാപ്പ് പറച്ചിൽ
