'ചവിട്ടി താഴ്ത്തുന്നതിന് പരിതിയുണ്ട്'; പൊട്ടിക്കരഞ്ഞ് ജാസ്മിൻ, കൂട്ടത്തോടെ എതിർത്ത് ഹൗസ്മേറ്റ്സ്
ഹൗസ്മേറ്റ്സ് എല്ലാവരും കൂടി ജാസ്മിനെതിരെ നിൽക്കുന്ന പ്രമോ പുറത്തുവന്നിരിക്കുകയാണ്.
 )
Followബിഗ് ബോസ് മലയാളം സീസൺ ആറ് ഒരു മാസം പിന്നിട്ടു കഴിഞ്ഞു. ഇതിനോടകം പ്രേക്ഷക ശ്രദ്ധപിടിച്ചു പറ്റിയ ചില മത്സരാർത്ഥികൾ ഷോയിൽ ഉണ്ട്. അക്കൂട്ടത്തിൽ പ്രധാനിയാണ് ജാസ്മിൻ ജാഫൻ. ഗബ്രി- ജാസ്മിൻ കോമ്പോ പലപ്പോഴും ബിബി ഹൗസിനകത്തും പുറത്തും വലിയ തോതിൽ ചർച്ചയാകാറുമുണ്ട്. ഇപ്പോഴിതാ ഹൗസ്മേറ്റ്സ് എല്ലാവരും കൂടി ജാസ്മിനെതിരെ നിൽക്കുന്ന പ്രമോ പുറത്തുവന്നിരിക്കുകയാണ്.
സിബിന്റെ ഭാഗത്തു നിന്നും സംഭവിച്ച തെറ്റിനെ കുറിച്ച് സംസാരിക്കാനാണ് എല്ലാ മത്സരാർത്ഥികളും ലിവിംഗ് ഏരിയയിൽ എത്തിയതെന്നാണ് പ്രമോയിൽ നിന്നും വ്യക്തമാകുന്നത്. ഇതിനിടയിൽ വലിയ തോതിൽ തർക്കം നടക്കുന്നുമുണ്ട്. ജാസ്മിൻ പറയുന്നത് ആരും കേൾക്കാൻ കൂട്ടാക്കുന്നുമില്ലെന്ന് വീഡിയോയിൽ നിന്നും വ്യക്തമാണ്. ഇതിനിടയിൽ പവർ ടീം ഇടപെടുകയും ജാസ്മിനോട് ഇരിക്കാൻ പറയുന്നുമുണ്ട്. പിന്നാലെ പൊട്ടിക്കരയുന്ന ജാസ്മിനെ ആണ് വീഡിയോയിൽ കാണുന്നത്. ചവിട്ടി താഴ്ത്തുന്നതിന് പരിധിയുണ്ട്, എനിക്ക് പറ്റുന്നില്ല എന്നാണ് ജാസ്മിൻ പൊട്ടിക്കരഞ്ഞ് കൊണ്ട് പറയുന്നത്.
അതേസമയം, പത്തൊന്‍പത് മത്സരാര്‍ത്ഥികളുമായാണ് ബിഗ് ബോസ് സീസണ്‍ 6 ആരംഭിച്ചത്. ഇതുവരെ അഞ്ച് പേര്‍ ഷോയില്‍ നിന്നും പുറത്തായി. റോക്കി സഹത്സരാര്‍ത്ഥിയെ മര്‍ദ്ദിച്ചതിന്‍റെ പേരില്‍ ആണ് പുറത്തായത്. റോക്കി തല്ലിയ സിജോ നിലവില്‍ ചികിത്സയില്‍ തുടരുകയാണ്. വൈകാതെ സിജോ ഷോയില്‍ തിരിച്ചെത്തുമെന്നാണ് കരുതപ്പെടുന്നത്. രണ്ട് ദിവസം മുന്‍പ് ആറ് വൈല്‍ഡ് കാര്‍ഡുകള്‍ ബിഗ് ബോസ് വീട്ടില്‍ എത്തിയിരുന്നു. അഭിഷേക്, അഭിഷേക് ശ്രീകുമാര്‍, പൂജ, നന്ദന, സായ് കൃഷ്ണ, സിബി എന്നിവരാണ് അവര്‍. വന്ന ദിനം മുതല്‍ തന്നെ നിലവില്‍ ഉണ്ടായിരുന്ന ഷോയുടെ ഗതിയെ ഇവര്‍ വഴിതിരിച്ച് വിട്ടിട്ടുണ്ട്.
പ്രണവ് റിജക്ട് ചെയ്തത് 15 സ്ക്രിപ്റ്റുകൾ, ഇഷ്ടം നെഗറ്റീവ് റോൾ; ഇത്തവണ താരം പ്രമോഷന് ഉണ്ടാവുമോ ?
