Bigg Boss 4 Episode 67: റോബിൻ തിരിച്ചെത്തുമോ ? ബിബി ഹൗസിൽ ഇനി മഹാറാണി ഭരണം; തഗ്ഗുമായി ബ്ലെസ്ലിയും
റോബിൻ തിരിച്ചു വരുമോ ഇല്ലയോ എന്ന കാര്യത്തിൽ ആശയക്കുഴപ്പം നടക്കുകയാണ്.
 )
Followബിഗ് ബോസ് സീസൺ(Bigg Boss) നാല് അവസാനിക്കാൻ ഇനി ഏതാനും ആഴ്ചകൾ മാത്രമാണ് ബാക്കി. ഓരോ ദിവസം കഴിയുന്തോറും ബിഗ് ബോസ് വീട്ടിലെ കളികൾ മാറിമറിയുകയാണ്. കഴിഞ്ഞ ദിവസം മുതൽ റോബിനാണ് ബിഗ് ബോസിലെയും സമൂഹമാധ്യമങ്ങളിലെയും ചർച്ചാ വിഷയം. വീക്കിലി ടാസ്ക്കിനിടയിൽ റിയാസിനെ കയ്യേറ്റം ചെയ്തെന്നാരോപിച്ച് റോബിനെ പനിഷ്മെന്റ് എന്നോണം സീക്രട്ട് റൂമിൽ ആക്കിയിരിക്കുകയാണ്. റോബിൻ തിരിച്ചു വരുമോ ഇല്ലയോ എന്ന കാര്യത്തിൽ ആശയക്കുഴപ്പം നടക്കുകയാണ്. ഇതിനിടയിൽ ബിഗ് ബോസ് സാമ്രാജ്യം എന്ന വീക്കിലി ടാസ്ക്കിന്റെ രണ്ടാം ദിനം ഇന്ന് നടക്കുകയാണ്.
അവൻ ദേഷ്യത്തിൽ തള്ളിയതാണ്
ബിഗ് ബോസ് സാമ്രാജ്യം എന്ന വീക്കിലി ടാസ്ക്കിന്റെ ആദ്യ ദിവസത്തെ തുടര്‍ച്ചയായിരുന്നു ഇന്ന്. ബസർ അടിച്ചിട്ടും ആരും തന്നെ ടാസ്ക്കിനായി തയ്യാറായില്ല. രാജാവായ റിയാസിനെ സമാധാനിപ്പിക്കാൻ ധന്യ ചെന്നപ്പോഴാണ് റോബിൻ ദേഷ്യത്തിൽ തള്ളിയതാണെന്നും അല്ലാതെ അടിച്ചതല്ല എന്നും പറയുന്നത്. "നീ പിടിച്ചപ്പോഴുള്ള ദേഷ്യത്തിൽ തള്ളിയതാണ് അവൻ. ഞാൻ കണ്ടതാ അത്. അറിയാല്ലോ. ഞാനാണ് അവിടെ അടുത്ത് നിന്നയാൾ"എന്നാണ് ധന്യ പറഞ്ഞത്. ഇതിന് തലകുലുക്കി റിയാസ് ശരിയാണെന്നും പറയുന്നുണ്ട്.
റോബിനോട് ദേഷ്യം ഉണ്ടായിരുന്നില്ല
ബിഗ് ബോസ് തുടങ്ങിയത് മുതൽ പരസ്പരം പോരും തർക്കങ്ങളും നടന്നവരാണ് ജാസ്മിനും റോബിനും. ഇപ്പോഴിതാ റോബിൻ വീടിന് പുറത്ത് പോയതിന് പിന്നാലെ തനിക്ക് റോബിനോട് ദേഷ്യം ഉണ്ടായിരുന്നില്ലെന്ന് പറയുകയാണ് ജാസ്മിൻ. "കുറച്ച് ദിവസം മുമ്പ് മാത്രം പരിചയപ്പെട്ട ഡോ. റോബിൻ രാധാകൃഷ്ണൻ എന്ന വ്യക്തിയോട് എനിക്ക് ഒരു ദേഷ്യവും ഉണ്ടായിരുന്നില്ല. പക്ഷേ ഈ ഷോയിൽ നിങ്ങൾ ചെയ്ത, അല്ലെങ്കിൽ കാണിച്ച് കൂട്ടിയ ഒരുപാട് കാര്യങ്ങളുണ്ട്. മത്സരാർത്ഥികളെ പേസണലി ഹരാസ് ചെയ്തു, അപമാനിച്ചു, മെന്റലി ഡൗൺ ആക്കിയ ഒരുപാട് കാര്യങ്ങൾ ഉണ്ടായിട്ടുണ്ട്. ഞാൻ ഒട്ടും പ്രതീക്ഷിച്ചതല്ല റോബിൻ ഇവിടെന്ന് പോകുമെന്നുള്ളത്. നിങ്ങൾ പോയ സാഹചര്യത്തിൽ ചിലപ്പോൾ ഞാനും പോകേണ്ടിയിരുന്നു എന്ന് എനിക്ക് തോന്നുന്നുണ്ട്. ഒരു ഡിസർവിംഗ് ആളായിട്ട് വരുന്ന സീസണിലേക്കോ അല്ലെങ്കിൽ വൈൽഡ് കാർഡ് എൻട്രിയായിട്ടോ വരണമെന്ന് ആഗ്രഹിക്കുന്നു. അടുത്ത എവിക്ഷനിൽ ജാസ്മിൻ എലിമിനേഷനായി റോബിനൊപ്പം ജോയിൻ ചെയ്യും. റോബിൻ ബൈ", എന്നാണ് ക്യാമറക്ക് മുന്നിൽ നിന്ന് ജാസ്മിൻ പറഞ്ഞത്.
സ്വയം രാജാവായി ബ്ലെസ്ലി
റിയാസ് രാജാവാകാത്തതോടെ ചെങ്കേൽ കൈവശപ്പെടുത്തിയ ബ്ലെസ്ലിയാണ് ഇന്ന് സ്വയം രാജാവാണെന്ന് പറഞ്ഞ് സിംഹാസനത്തിൽ ഇരുന്നത്. ചെങ്കോൽ ആണ് രാജാവിന്റെ അവകാശമെന്നും അത് നഷ്ടപ്പെട്ടാൽ റിയാസിന് ഒരു അധികാരവും കാണില്ലെന്നും ബിഗ് ബോസ് കഴിഞ്ഞ ദിവസം അറിയിച്ചിരുന്നു. എന്നാൽ ഇത് അംഗീകരിക്കാൻ വിനയ്, റോൺസൺ തുടങ്ങി മറ്റ് മത്സരാർത്ഥികൾ തയ്യാറായില്ല. പ്രതികാരങ്ങൾ കാണേണ്ടി വരുമെന്നാണ് റോൺസൺ പറയുന്നത്. പിന്നാലെ മന്ത്രിയായിരുന്ന ജാസ്മിനെ കൊട്ടാരം നർത്തകിയായി ബ്ലെസ്ലി നിയമിച്ചു. ചെങ്കോൽ മാത്രം കിട്ടിയാൽ രാജാവ് ആകില്ലെന്നും മാന്ത്രിക ലോക്കറ്റും വേണമെന്നുമാണ് ജാസ്മിൻ റൂൾ ബുക്ക് വായിച്ച ശേഷം പറഞ്ഞത്. മറ്റ് മത്സരാർത്ഥികളും ഇത് ഏറ്റുപിടിക്കുകയും റിയാസ് തന്നെയാണ് രാജാവ് എന്ന് സ്ഥാപിക്കുകയും ചെയ്തു. റിയാസുമായി ഗാർഡൻ ഏരിയയിൽ വച്ച് ബ്ലെസ്ലി യുദ്ധം ചെയ്യണമെന്നാണ് അഖിൽ പറയുന്നത്. ആരാണ് അതിൽ ജയിക്കുന്നവർ അവർ പറയുന്നത് ഞങ്ങൾ കേൾക്കാമെന്നും അഖിൽ പറയുന്നു. എന്നാൽ തന്നെ ഇവിടെന്ന് ഇറക്കണമെങ്കിൽ ഫിസിക്കൽ അസോൾട്ട് ചെയ്യണമെന്നാണ് ബ്ലെസ്ലി പറയുന്നത്. നിന്നെ കൊണ്ട് ഒരുപകാരവും ഇല്ല. അതുകൊണ്ട് അവിടെ തന്നെ ഇരുന്നോ എന്ന് ജാസ്മിൻ പറഞ്ഞതിന് തഗ് മറുപടിയാണ് ബ്ലെസ്ലി നൽകിയത്. 'ജാസ്മിനെ കൊണ്ടും ഇനി ഒരുപകാരവും ഇല്ല. റോബിൻ ഇല്ലല്ലോ' എന്നാണ് ബ്ലെസ്ലി പറഞ്ഞത്. ഞങ്ങളുടെ ബുദ്ധി അളക്കാനല്ല ബ്ലെസ്ലിയെ ഇവിടെ കൊണ്ടുവന്നിരിക്കുന്നതെന്ന് അഖിൽ പറയുന്നു. ഇതിനിടയിലാണ് ചെങ്കോൽ തട്ടിയെടുക്കാൻ ജാസ്മിൻ ശ്രമിച്ചത്.
തർക്കിച്ച് ജാസ്മിനും ദിൽഷയും
റോബിൻ കാരണമാണ് ദിൽഷ ബിഗ് ബോസിൽ നിന്നതെന്ന് പറഞ്ഞാണ് ജാസ്മിൻ അറ്റാക്ക് തുടങ്ങിയത്.
റോബിൻ ഇല്ലാതെ ദിൽഷ ഇവിടെ ഒന്നുമല്ലായിരുന്നു എന്ന് ജാസ്മിൻ പറയുന്നു. 'ഞാൻ അന്തസ്സായി പറയും എന്റെ നല്ലൊരു ഫ്രണ്ടാണ് റോബിൻ. അവൻ പോയ വിഷമവും എനിക്കുണ്ട്. എനിക്ക് ആരുടെയും ആവശ്യമില്ല ഇവിടെ നിക്കാൻ. ഞാൻ കളിക്കുമെടീ', എന്നാണ് ദിൽഷ പറയുന്നത്. വീക്കിലി ടാസ്ക്കിന് പിന്നാലെ വിഷമത്തിലിരുന്ന ദിൽഷയെ ആശ്വസിപ്പിക്കുകയാണ് വിനയ് ചെയ്തത്. 'റോബിന്റെ ഇഷുവിൽ നി ബോജാറാകണ്ട, ഓൻ വരും' എന്നാണ് വിനയ് പറഞ്ഞത്.
മാന്ത്രിക ലോക്കറ്റ് ധന്യയുടെ കയ്യിലോ ?
മാന്ത്രിക ലോക്കറ്റും ചെങ്കോലും ലഭിച്ചാൽ മാത്രമേ ബ്ലെസ്ലി രാജാവാകൂ എന്നാണ് മറ്റ് മത്സരാർത്ഥികൾ പറയുന്നത്. എന്നാൽ അത് സമ്മതിച്ച് കൊടുക്കാൻ ബ്ലെസ്ലി തയ്യാറല്ല. എന്നാൽ റോബിൻ കൊണ്ടുപോയ മാന്ത്രിക ലോക്കറ്റ് ധന്യയുടെ പക്കലാണോ ഉള്ളതെന്ന സംശ‌യത്തിലാണ് റിയാസും ജാസ്മിനും റോൺസണും. എന്നാൽ റോബിൻ ഫ്ളഷ് ചെയ്ത് കാണുമെന്നാണ് ജാസ്മിൻ പറഞ്ഞത്. പക്ഷേ അത് വിശ്വസിക്കാൻ റോൺസൺ തയ്യാറായിട്ടില്ല.
ബ്ലെസ്ലിയെ വലിച്ച് താഴേയിട്ട് വിനയ്
ചെങ്കോൽ കൈവശപ്പെടുത്തി വച്ചിരുന്ന ബ്ലെസ്ലി രാജാവാണോ അല്ലയോ എന്ന് പറയാതെയാണ് കഴിഞ്ഞ ദിവസത്തെ തുടർച്ചയായ വീക്കിലി ടാസ്ക് ബിഗ് ബോസ് അവസാനിപ്പിച്ചത്. ടാസ്ക് കഴിഞ്ഞിട്ടും ചെങ്കോൽ വിട്ട് കളയാൻ ബ്ലെസ്ലി തയ്യാറായില്ല. ശേഷം റൂമിലെത്തിയ ബ്ലെസ്ലിയെ വിനയ് ദേഷ്യത്തിൽ വലിച്ച് താഴെ ഇടുകയായിരുന്നു. പറ്റുമെങ്കിൽ ചെങ്കോൽ എടുക്കുവെന്ന് പറഞ്ഞ് ബ്ലെസ്ലി പ്രവോക്ക് ചെയ്തതിന് പിന്നാലെയായിരുന്നു ഇത്. തരത്തിൽ പോയി കളിക്കണമെന്നാണ് വിനയ് ഈ അവസരത്തിൽ ബ്ലെസ്ലിയോട് പറഞ്ഞത്. തന്നെ ഫിസിക്കൾ അസോൾട്ട് ചെയ്തത് കാണുന്നുണ്ടല്ലോ എന്ന് ബ്ലെസ്ലി ബിഗ് ബോസിനോട് ചോദിക്കുകയും ചെയ്തു.
ബിഗ് ബോസിൽ ഗ്രൂപ്പിസം
ബിഗ് ബോസിനകത്ത് ഗ്രൂപ്പിസം വന്നുവെന്ന് പറയുകയാണ് സൂരജും അഖിലും. റോബിൻ ഇഷ്യുവിന് പിന്നാലെയാണ് ഇങ്ങനെ ഗ്രൂപ്പുണ്ടായതെന്ന് ഇരുവരും പറയുന്നു. ഞാൻ, സൂരജ്, വിനയ് എന്നിവരാണ് ഒരു ഗ്രൂപ്പിലും ഇല്ലാത്തതെന്ന് പറയുകയാണ് അഖിൽ. ധന്യ, ലക്ഷ്മി പ്രിയ, ബ്ലെസ്ലി, ദിൽഷ എന്നിവർ ഒരു ഗ്രൂപ്പും റിയാസ്, റോൺസൺ, ജാസ്മിൻ എന്നിവർ ഒരു ഗ്രൂപ്പെന്നും അഖിൽ പറയുന്നു. റോബിൻ പോകാൻ കാരണക്കാർക്കെതിരെ മറ്റുള്ളവർ ഒരുമിച്ചു എന്നും ഇരുവരും പറയുന്നു.
ബിഗ് ബോസ് സാമ്രാജ്യത്തിന്റെ റാണിയാകാൻ ലക്ഷ്മി പ്രിയ
കഴിഞ്ഞ ദിവസത്തെ തുടർച്ചയായിരുന്നു ഇന്ന് ബിഗ് ബോസ് എപ്പിസോഡിൽ ആദ്യം കാണിച്ചത്. പിന്നാലെ ഇന്നത്തെ വീക്കിലി ടാസ്ക്കിനുള്ള തയ്യാറെടുപ്പുകൾ ബിഗ് ബോസ് നടത്തുകയായിരുന്നു. ടാസ്കിന് മുന്നോടിയായി ലക്ഷ്മി പ്രിയയ്ക്ക് ഒരു സീക്രട്ട് ടാസ്ക് കൊടുത്തിരിക്കുകയാണ് ബിഗ് ബോസ്. ബിഗ് ബോസ് സാമ്രാജ്യത്തിന്റെ റാണിയാകാൻ ലക്ഷ്മി പ്രിയക്ക് അവസരം എന്നായിരുന്നു നിർദ്ദേശം. രാജാവിന്റെ അധികാര ചിഹ്നമായ ചെങ്കോൽ തന്ത്രപരമായി ടാസ്കിന് മുമ്പ് കൈക്കലാക്കണം എന്നതായിരുന്നു ടാസ്ക്. അതിന് സാധിച്ചാൽ വീക്കിലി ടാസ്ക്കിലെ മഹാറാണി ലക്ഷ്മിപ്രിയ ആകുമെന്നും ബിഗ് ബോസ് അറിയിച്ചു. ശേഷം വളരെ തന്ത്രപരമായി ചെങ്കോൽ ബ്ലെസ്ലിയിൽ നിന്നും വാങ്ങുകയും ചെയ്തു. ഒടുവിൽ ബിഗ്ബോസിലെ മഹാറാണിയായി ലക്ഷ്മി പ്രിയ മാറി. പുതിയ രാജാവിന്റെ മന്ത്രിമാരായി ദിൽഷയെയും ധന്യയെയും തെരഞ്ഞെടുത്തു. ബ്ലെസ്ലിക്ക് സർവ സൈന്യധിപൻ എന്ന പട്ടവും ലക്ഷ്മി പ്രിയ നൽകി. ആസ്ഥാന ഗായൻ- അഖിൽ, വിദൂഷകൻ- റോൺസൺ, അന്തപ്പുര കാവലാളായി സൂരജ്, വിനയ്- പാചകം എന്നിങ്ങനെയാണ് പദവികൾ ലക്ഷ്മി നൽകിയത്.
ആട്ടവും പാട്ടുമായി ലക്ഷ്മി പ്രിയ സാമ്രാജ്യം
ലക്ഷ്മി പ്രിയ മഹാറാണി ആയതിന് പിന്നാലെ വളരെ രസകരമായ മുഹൂർത്തങ്ങളാണ് ബിഗ് ബോസിൽ അരങ്ങേറിയത്. അമയും മുയലും കഥ പറഞ്ഞ് റോൺസൺ എല്ലാവരെയും ചിരിപ്പിച്ചു. പിന്നാലെ ഗായകനായി തെരഞ്ഞെടുത്ത അഖിലിന്റെ അടിപൊളി പാട്ടും ബിഗ് ബോസിന്റെ മാറ്റ് കൂട്ടി. പിന്നാലെ ഇതൊന്നും നമ്മുടെ പ്രതികാരമാണെന്ന് അവർക്ക് തോന്നുന്നില്ലല്ലോ എന്നാണ് ലക്ഷ്മി പ്രിയ ബ്ലെസ്ലി, ധന്യ, ദിൽഷ എന്നിവരോട് ചോദിക്കുന്നത്. ഏയ് ഒട്ടും ഇല്ല എന്ന് മൂവരും മറുപടിയും നൽകി.
